هل هناك قنصلية امريكية في البصرة اي معلومه زغيرة

[rory]

السلام عليكم الى اخواننا الطيببن في المنتدى ارجو مساعدتكم لي موضوعي لايتحمل التاخير انني قد قدمت على وثائق سفر وصار لي ثلث اشهر انتضر موعد مقابلة في القنصلية ومحد رجع خبر يكولون الناس ماكو موضفين في السفارة القسم القنصلي لذاارجو مساعدتكم قبل فوات الاوان الله يوفقكم لتبخلون حته لو بمعلومة زغيره(الغركان يجلب بكشاية)

[Safaa Alkhrkhy]

لاحول ولاقوة الابالله العلي العظيم
اني انطيتك الكشاية ولكن الظاهر حضرتك ماتريد كشاية بل تريد باخرة حديثة ..
حبيبي مو اني فهمتك شتسوي بعد ليش دا تضيع وقتك ؟؟
وبالمناسبة ماكو قنصلية بالبصرة .. وبغداد انسة الموضوع واربيل شبه معزلين

تحياتي

ابو سارة

[rory]

حبيبي الاستاذ الفاضل صفاء
اشكرك هواي وادري الحل اللي تكول عليه هو الاصح بلامنازع وانت مهندس وتنضر للامور بدراسة وارقام ونتائج تحدد الفشل والنجاح
لكني بصدد تحضير بعضةالامور والمادية خاصةً
مع فائق شكري وامتناني

[ORACLE]

اخي الكريم ...طبعا اكو قنصلية امريكية بالبصرة ومكانها في مطار البصرة اول ما توصل بوابة المطار تتجه يمينا وشوي مسافة بعدين تنزل وتتمشى لنقطة تفتيش عراقيين ولازم اتكون اسمك عندهم حته تدخل وتاخذ وياك اوراقك الثبوتية لمطابقة الاسم ...وبالخدمة

[ORACLE]

اخي ..تكدر تراسل عبر موقع السفارة الامريكية الرسمي ببغداد وهمه يسوون  forward للقنصلية وذلك حسب نوع قضيتك اللي هيه مااعرف شنو؟ وبعدين اذا طلبت القنصلية مقابلتك راح ترسلك القنصلية ايميل يحددون بيه موعد المقابلةويطلبون منك نسخ ضوئية من الجواز او الجنسية لغرض تنظيم دخولك عبر نقطة التفتيش مال القنصلية بالبصرة لكن مال تروح مباشرة للقنصلية بالبصرة ما اعتقد يقابلوك بدون موعد محدد مسبقا عالترتيب الي ذكرته الك علمود لاتتعب ...وتحياتي