العراقيين في الاردن محتاج معلوماتكم

[النسرالعراقي]

السلام عليكم... الى الاخوة العراقيين الساكنين في الاردن اخوان اريد اسافر للاردن انا وعائلتي 5 نفرات ممكن ترشدوني لأرخص مكان سكن شقق مناسبة مفروشة للايجار تصلح لسكن عوائل يعني مو نفس ما اشوف بالاعلانات الشقق غالية جدا ياريت اللي عندة تجربة يوضحلي تفاصيل واكون ممنون وياريت اسماء المناطق اللي بالاردن اللي تكون مناسبة للعوائل من ناحية الغلاء والايجارات يعني فد شي معقول وشلون احصل فيزا للاردن... انتظر رد من الاخوة وياريت اتفيدوني بمعلوماتكم شكرا ...

[النسرالعراقي]

معقولة شباب 51 شخص متفرجين على الموضوع ومحد عندة معلومات ؟؟؟؟؟

[ضياع]

وعليكم السلام اخي الكريم بلنسبة للمناطق

ضاحية الرشيد اسعارها معقولة وموثثة ومنطقة زينة يعني اذا

تاخذون شقةغرفتين نوم ومنافعها موثث تحصلها ب ٤ ورقات تقريباً

وبلنسبة للاكل والشرب ف الاسعار كلها مثل بغداد بس الخضرة ارخص

واللحم والاشياء المستوردة هنا يكون سعرها اغلى نسبياً من بغداد

وعندك الغاز القنينة سعرها ١٠ دينار مايقارب ال ١٨٠٠٠ بلعراقي

هذه علمود التدفئة تحتاجها لان هنا اصرفلك صوبة غازية

وللتاكد ادخل على موقع بلكوكل اسمة سوق الاردن المفتوح وادخل بي قسم شقق للايجار

وراح تضهرلك مناطق الشقق والاسعار بلدينارالاردني وارقام تلفون صاحب الشقة

وربي يسهلك سفرك وأي سؤال تحتاج اني احاول اساعد حضرتك بي

تحياتي الك / اختك ضياع

[atheer jbaar]

اخويه الغالي اني بقيت 6 سنين في الاردن عمان ... وانصحك تسكن في منطقه اسمها ... ماركا الشماليه وبالاخص بمنطقة ( حي العبدللات )  اما باقي مناطق ماركا الشماليه ما انصحك تسكن فيهن  حي العبدللات جميله وهادئه ورخيصه وتجاريه وقريبه ع كراج رغدان ( مال سيرفيس او باصات المناطق )  كنت ساكن في شقه حوالي ورقه ونص مع الكهرباء والماء والشقه غرفتين وحمام ومطبخ ( وشوي اثاث )    واي سؤال اني حاضر عن جميع المناطق بعمان

تحياتي لك

[النسرالعراقي]

اولا احب اشكر الاخت ضياع والله يوفقهة على المعلومات القيمة وان شاء الله تنول مبتغاهة ... شكرا اختي وشكرا لكل من ساهم بالرد على الموضوع

[ضياع]

تدلل اخي العزيز واي شي تحتاج اسئلني

وكلام اخوية صحيح ايضاً ماركا الشمالية رخيصة يكولون والهاشمي الشمالي هم

بعد ماعرف شنو الترتيب بهذيج المناطق

تحياتي الحضرتك

[جنكو فيس]

اخوية نصيحة ..اول ما تجي اجر شقة مفروشة لمدة شهر و بعدين اجرلك شقة فارغة و انت اثثها ...لان الفارغة تقريبا نصف سعر المفروشة و فلوس الاثاث متكلفك اكثر من 1000 دينار و تكدر اتطلعها بظرف 10 اشهر من فرق الايجار .اجرلك بمنطقة ضاحية الرشيدزززينة و رخيصة تقريبا.

[بشار الكباسي]

اخي العزيز السلام عليكم
من المناطق الرخيصة في عمان هي ضاحيه الرشيد و المدينه الرياضة
انصحك اول ما تجي اولا اجر شقة مفروشة لمدة شهر في اي مكان و بعدين ابدأ بعملية البحث في هذه الاماكن بنفسك وحسب ظروفك الماليه واذا كان لديك اطفال فيجب ان يكون مكان الشقة قريب من المدارس سواء حكوميه او اهليه
والسلام ختام

[Auoob81]

موضوع جميل من اخواننا في الاردن وللنصيحة والمعرفة ولكي يكون واضح امام اخواننا الراغبيين بالسفر الى الاردن
سؤال \ كلفة المعيشة للعائلة البسيطة بالدولار للشهر الواحد
ارجوا التوضيح

[المسافرة]

اخي منطقة جبل الحسين و جبل النصر وجبل التاج ووادي حدادة من ارخص المناطق في عمان لانها ضمن منطقة عمان الشرقية
بالتوفيق

[خالد الفلاحي]

اخي العزيز . عمان مقسومه الى قسمين (عمان الغربيه . وعمان الشرقيه) عمان الغربيه اغلى من الشرقيه لكنها افضل واهدء لكن لا يعني بلشرقيه لايوجد مناطق جيده انا ساكن في جبل الزهور وهي من عمان الشرقيه منطقه جيده وكلشي متوفر فيها.. الله يوفقك ويهل عليك

[عراقي بلا وطن]

اخوان يوجد في الاعلانات عن الشقق
شارع الجامعه في اي منطقه وهل هذه المنطقه جيده

وشكرا لكم

[texasddddd]

اني اعرف الفيز
شركة اسمها قصر الروان زيونه شارع الربيعي مقابل الجامع
بس قدم قبل مدة ينرادلها سبوعين او اكثر شويه