دوخوني المنظمه

[Dono malaysia]

السلام عليكم اخواني الاعزاء في منتدانا الرائع لكم كل شكر وتقدير واحترام وامتنان عالمعلومات القيمة الي تحطوها بالمنتدى
اخواني احنا مقدمين من ماليزيا وواصلين لاخر مراحل يعني صار لنا ٨ اشهر بعد ماسوينا مقابله المحلفين. احنا ننتظر الرد وماكو اي رد الى تاريخ ٨/١٢/٢٠١٤ يعني الشهر الي فات خابرو منظمة الكاثوليك جارتي على اخت زوجي الي هيا كفيلتنا وهيا بسان انتونيو تكساس وكانو يتأكدون من عنوانها ورقم تلفونها وقالو لها انه اخوچ انقبل والامنيه مالته خلصت ومقبول زين
ضلينا ننتظر وجاتنا طبعا بالوسط عطلة الكرسميس ورأس السنة المهم صار لنا شهر ننتظر وكل شي ماكو اليوم خابرت عالمنظمة مال يو ان كلتلهم شنو اخر ابديت لقضيتنا قالو بعدكم بالتچيك الامني كلتلهم الي صار ويانا  وانه المنظمه بامريكا خابر عالكفيل مالتنا وقالوله انه احنا مقبولين . قالولي ماكو اي ابديت الى هسه !!!!!!
زين سؤالي هو بعد ما الكاثوليك چارتي قالو انه احنا خلاص مكتمل الاامنيه ليش لهسه ماكو ابديت شنو معناها او هل بعد اكو اجراأءات بواشنطن هيا الي دا تاخر الابديت
ياريت اهل الخبره يجاوبوني الله يفرج همكم يارب
اختكم
dono malaysia

[تفرج]

اختي الكريمة ان شاءالله تفرج عليكم بلقريب العاجل
ماعتقد اكو احد يعرف بسياقات واجراءات عملهم ان شاءالله خير

[sasa2009]

السلام عليكم
حبيبتي هم المنظمة متطلع منهم حجاية مضبوطة ويشلعون القلب واني اشوف التفاهم وياهم بالايميلات احسن وهذا الرقم الي عندي هو والايميل الي ادزلهم عليه رسائل ويجاوبني بالاستفسارات
03-21415846
KLInquiries@rescue.org طبعا راح يدزولج رد اوتوماتيكي عادي وراها يتصلون بالتلفون ورا اسبوع او ثنين بس احسن من ماكو