فيزا الطالب

[shams shams]

مرحبا عالكل، سنه سعيدة عليكم ويارب تتحقق كل امنياتكم

عندي استفسار بلا زحمه

اني عندي قبول من جامعه اميركية، واذا اريد اسافر فماكو غير فيزا الطالب، بس حسب ماسمعت بيها شروط واجراءات،ماعرف بالضبط شنو هاي الشروط ،وشلون اكفيها، ياريت اذا احد يعرف اي شي علموضوع يكللي،اكون ممنونه.

سلام

[جوكر الهندسة]

مرحبا عالكل، سنه سعيدة عليكم ويارب تتحقق كل امنياتكم

عندي استفسار بلا زحمه

اني عندي قبول من جامعه اميركية، واذا اريد اسافر فماكو غير فيزا الطالب، بس حسب ماسمعت بيها شروط واجراءات،ماعرف بالضبط شنو هاي الشروط ،وشلون اكفيها، ياريت اذا احد يعرف اي شي علموضوع يكللي،اكون ممنونه.

سلام

سنه سعيدة عليج ان شاء الله
اختي بالنسبة لفيزة الطالب اني ماعندي معلومات قوية بيها بس من تسوين موعد مقابله بالسفارة اهم شي تكون وياج الوثائق الي تثبت انتي حصلتي ع مقعد دراسي بهاي الجامعه و شوكت يبدي الكورس الدراسي و كذلك يكون وياج كتاب الدعم المالي و بالنسبة لنوع الفيزا يسموها اتصور J-1  مدتها سنة بعدها ورا متوصلين امريكا اذا انتهت مدة الفيزا يجددون شي اسمه DS160
هاي اغلب المعلومات الي اعرفها و انتظري من البقية بلكي عدهم معلومات اكثر و اهم
بالموفقية

[shams shams]

اهلا عزيزي جوكر، شكرا على الرد.

الفيزا حتكون f وليست J لان جي هي للاكسجينج فزتر.

اني مشكلتي بالذات وية كتاب الدعم المالي هذا،شنو طبيعته؟ومنين احصلة؟ولازم شيكون؟

شكرا عزيزي مرة اخرى للرد، وبالموفقيه لك ايظا.

[كلكامش الألكتروني]

اختي ورقة الدعم المالي هي ورقة كشف حساب مصرفي يثبت ان انتي عندج حساب بمصرف وبيه فلوس وحركات مالية يعني ساحبة فلوس منة ومودعة فلوس
وكشف الحساب يكون لأخر ست اشهر

[shams shams]

اهلا جوكر وشكرا على الرد

طيب خلال هاي الستة اشهر لازم تكون الفلوس كاملة التي تغطي مصاريفي بالولايات؟ لو عادي مثلا يكون ادخال الفلوس بالحساب تدريجي وصولا للرقم المطلوب؟

[yasereal]

مو مهم الفترة هاي مال 6 اشهر يدوروها الاوروبيين ""
اما الامريكان يريد يشوف الحساب الحالي شكد اكو بيه ""
ولازم يكون اللي موجود بالحساب يغطي كل المصاريف من البداية للنهاية
شغلة لخ لازم تجيب نسخة اصلية من ال I-20  لان يريدوها
شغلة لخ اكو شي اسمة SEVIS وهاي كلفتها 200 دولار لازم تدفعها اونلاين وتعتمد على احد الارقام اللي موجودة بوثيقة الI-20
بعد يريدون منك خطة دراسة وشهادة عراقية انه انت مخلص اعدادية عراقية مترجمة ويريدون منك اثباتات ملكية او اي شي الة علاقة بالعراق يخصك وفوكاها يريدون منك تحدد موعد بالسفارة وتاخذ وياك ظرف دي اج ال وهم لازم تجيب صك ب160$ من مصرف بغداد
هاي كلها حتى تاخذ الفيزا وبالحقيقة اسم الفيزا هو F-1
اي سؤال لاخ اني حاضر

[shams shams]

واو ياسر شكرا علمعلومات روعه الصراحه

اني بالفعل عندي قبول من جامعه اميركية يعني شغلة الشهادة سهلة. بس بالنسبة للحساب يكون بأسمي لو عادي بأسم احد الوالدين؟
واني اللي اعرفه ممكن يكون المبلغ يغطي السنه الاولى فقط مو الا طول فترة الدراسة.
شي اخير ولو ضوجتك،شكد اتوقع فترة واحصل على فيزا من موعد التقديم؟ يعني قبل شكد من ما يبدي السمستر الدراسي لازم اقدم حتى لا يروح علية السمستر؟

وشكرا مرة ثانية لسعة صدرك
تحياتي

[yasereal]

واو ياسر شكرا علمعلومات روعه الصراحه
عفوا
اني بالفعل عندي قبول من جامعه اميركية يعني شغلة الشهادة سهلة.
 بس بالنسبة للحساب يكون بأسمي لو عادي بأسم احد الوالدين؟
لا طبعا لازم باسمك وهالشي مهم ان يكون اسمك بالحساب بالانكليزي يتطابق وية الاسم الموجود بالجواز مالتك
واني اللي اعرفه ممكن يكون المبلغ يغطي السنه الاولى فقط مو الا طول فترة الدراسة.
لا. لازم يغطي الفترة الدراسية بالحقيقة اكو فقرة هي التكلفة المالية للدراسة الموجودة تلكاها بالورقة الI-20 وهي هاي اللي تحدد المبلغ اللي لازم يكون عندك لمن تروح تقدم
شي اخير ولو ضوجتك،شكد اتوقع فترة واحصل على فيزا من موعد التقديم؟ يعني قبل شكد من ما يبدي السمستر الدراسي لازم اقدم حتى لا يروح علية السمستر؟
هو اول مشكلة انه السفارة حاليا مسدودة . وهاي بحد ذاتها مصيبة شغلة لخ اكو سمسترين واحد يبدي 15-8 واللاخ يبدي 15-1 انتة تكدر تروح تقدم هسة حتى تحصل فيزا وتطب علمود السمستر مال 15-8 ماكو مشكلة بس خلي بحساباتك انه ميصير تروح لامريكا وتدخل قبل 30 يوم من موعد بداية السمستر """ يعني مثلا انت طلعتلك الفيزا اوكي "
تريد تطب امريكا هسة ميصير ميخلوك ويرجعوك ولازم تدخل ورة 15-7 اقل شي

وشكرا مرة ثانية لسعة صدرك
تحياتي
عفوا