الرجوع الى الولايات المتحدة

[faw]

الاخوة الاعزاء في المنتدى احب ان اسمع ارائكم اني سافرت الى الولايات المتحدة بشهر السادس سنة 2014 ورجعت بسسب حالة ابني الخاصة الى العراق ولدي انا وعائلتي الi-94 والسوشل والايديات وقد ذهبت الى الخطوط الملكية الاردنية ولا مانع لديهم من السفر على خطوطهم فما هو رأيكم لو وصلت الى مطار نيو يورك ما هو احتمال عدم دخولي بهذه الاوراق ولكم جزيل الشكر

[ابو فرقان]

اعتقد اذا تسوي ترافل دكيومنت من داخل امريكا تكدر تدخل بس ما اعرف اذا يحتاج بصمة او لا تأكد من الموضوع

[rory]

السلام عليكم
انا ايضا نفس الشيئ وعندما ذهبت الى الخطوط الاردنية كالو سبق ان حدث واخذنا موافقة سفر احد الاخوان لكن عندما ذهب رجعوا من مطار الاردن ورجع الولد تعارك ونصحوني بعدم الذهاب لكي لا اخسر فلوس التذكرة (رحم الله والديهم)
اما موضوع عديل الروح الذي رجع بنفس لاوراق اعتقد انه راجع السفارة في احدى الدول لان ممعقوله رجع بنفس الاوراق
ارجو من الاخ عديل الروح ان يوضح لنا اكثر كي تعم الفائدة للجميع
اعتقد ان هناك امكور لم يتطرق اليه عديل الروح (اعتقاد لا اكثر ) مثل مخاطبة المنظمه وترتيب الامور داخل الولايات المتحدة او
مخاطبة ومراجعة احدى القنصليات الامريكية
انا سالت الكثير لايجاد حل لهذةه الحاله ولم يك الجواب الا بمراجعة القنصل لامريكي  وعمل الترفل دكيومنت اعتقد اني صرت خبير بهكذا موضوع من كثر الردود التي جائتني من اهل الخبرة اهل الخبرة ها كامثال ابو سارة وسمك بي وابو بنين
تقبيل مروري مع اتقديبر

[سمك بني]

اعتقد والعلم عند الله ان الذي يخرج من امريكا بدون الحصول على الترافل دوكمنت كانت نيته عدم الرجوع الى امريكا ثانيةً اصلاً!! وتبقى مسالة دخوله متوقفه على اقتناع ضابط الجوازات يعني مساله غير مضمونه..

[عديل الروح]

السلام عليكم اخي العزيز اني مراجعت اي سفاره اتصلت بالخطوط الاردنيه واكدولي انو اكدر اسافر على خطوطهم ولكن احد الاخوان نصحني بان الخطوط الاردنيه ترجعني من المطار واتصلت على خطوط الاتحاد وقالو انو الامر يرجع للامكريشن الامريكي بمطار ابو ظبي هو يسوي جيك اوت وتحتاج جيك من توصل امريكا بعدين اتصلت بالخطوط القطريه ورفظو وكانو يطلبون كرين كارد وبعد ما يأست حجزت على ارخص خطوط وهيه القطريه وتوكلت على الله وسافرت ولم اواجه اي صعوبه وهذا تسهيل من رب العالمين لان صديقي سافر وراي ورجعوه من الدوحه واذا وصلت امريكا وكنت لم تتجاوز الست اشهر خارج امريكا راح يدخلوك اهم شيء انك تتوكل على الله وتشوف الخطوط الجويه الي تقبلك فقط اكو مكتب بالنجف اسمه طريق السفير راجعه وهو راح يرتبلك طريقك وانشاء الله توصلون بالسلامه

[rory]

حبيبي عديل الروح
تذكر عنوان مكتب طريق السفير الي في النجف رحم الله والديك حته باجر اروح الهم

[لورنس السفاح]

يا اخي مااعرف ليش تخلون نفسكم بموقف محرج
يعني حتى لو نيتك مترجع ﻻمريكا اسويها رسمي وحصل الترفل
حتى لو امل رجعتك 1بالمية
كان هسه دخولك بكل سهولة
بالتوفيق ان شاءالله

[LGMARK]

ني تقريبا مثل حالتك رجعت صارلي اسبوعين من امريكا وعندي فقط 1-94 وقدمت على الكرين كاردت وكملت بصمات وجان عندي ظرف طارئ خلاني ارجع للعراق بدون ترفل دوكمنت ولا اكرين كارد وهسه اريد ارجع لامريكا وحاير شسوي ياريت واحد ايفيدني ويساعدني اني صارلي اسبوعين بالعراق اكدر ارجع با1-94 رحم الله والديكم ساعدوني

[LGMARK]

ني تقريبا مثل حالتك رجعت صارلي اسبوعين من امريكا وعندي فقط 1-94 وقدمت على الكرين كاردت وكملت بصمات وجان عندي ظرف طارئ خلاني ارجع للعراق بدون ترفل دوكمنت ولا اكرين كارد وهسه اريد ارجع لامريكا وحاير شسوي ياريت واحد ايفيدني ويساعدني اني صارلي اسبوعين بالعراق اكدر ارجع با1-94 رحم الله والديكم ساعدوني

[ابو فرقان]

مو مقدم عالجرين كارد؟؟؟ طلع لو لا اذا انت مبصم يعني عالاصدار

[Rebazahmed]

مساء الخير اخواني واخواتي الاعزاء
طبعا اني جديد اهنا بس متابع للمنتدى وعندي موعد سفر في 25 هذا الشهر الصراحة هواية ناس يتمنى يسافر
بس اني شوية متردد بسبب عملي المهم مااطول عليكم مقرر اسافر بس سؤالي اكو طرق سريعة للحصول على الكرين كارد يعني مثلا محامي يتبنى الموضوع او اي شي ارجوا المساعدة مع جزيل الشكر والموفقية للجميع .

[LGMARK]

عيوني ابو فرقان اي مقدم ومبصم على الكرين كارد حتى جان عندي خطاء بالابلكيشن وصححته اني اخاف يتاخر عليه وهل صحيح اذا عملت التبصيم بعد ماكو لي مشكلة يعني فقط انتظر الكرين كارد بالبريد  وانا عندي شخص يتابع بريدي هناك في امريكا نورونا بمعلوماتكم

[LGMARK]

ابو فرقان عيوني اني بصمت يوم 4-12  وماستلمت شي لحد الان

[ابو فرقان]

ابو فرقان عيوني اني بصمت يوم 4-12  وماستلمت شي لحد الان

حبيبي انت اني بصمت بالتاسع ومسجل بالموقع اتابع الملف ولحد الان ماكو شي ويكولون تاكللهة 9-12 شهر السالفة والله اعلم, ادخل على موقع الهجرة وجيك رقم اللن LIN مالتك تحياتي

[LGMARK]

شكرا على الرد ابو فرقان انت باي ولاية. انا كنت اعيش بفلوريدا واعتقد كل ولاية تختلف عن الولاية الاخرى من ناحية اتمام المعاملة وشكرا لك

[texasddddd]

مطار نيويورك نحسين الي ناوي يجازف خلى يجي على هيوستن او ولايه مطارهم أحسن من نيويورك

[repentant]

ربي ايسهل امرك بحق القران .........امريكا تستاهل خصوصا للي عندة عائلة

[عديل الروح]

السلام عليكم اي واحد عنده i-94 ورجع للعراق ولم يتجاوز الست اشهر يكدر يرجع الامريكا وبالنسبة للمطارات الامريكيه اسهلها فلديلفيا وشيكاغو اني سافرت على شيكاغو وبالنسبه للامكريشن يردون منك سبب سفرك لازم يكون عندك سبب او تقارير او قصه ويصدقك الضابط يعني تكون مقنع بالنسبه للسفر مع الخطوط القطريه ويكون عندك id واهم شي job id اهم شي انو الخطوط تقبل تسافر على خطوطهم اني الحمدلله والشكر لله رب العالمين سهل امري وعبر على الخطوط القطريه بسهوله وكان عندي تقارير طبيه عن حادث بنتي بالعراق واحمدالله الف لتسهيل امري

[texasddddd]

الله يسهل ياربي

[LGMARK]

اخ عديل الروح اني مقيم سنتين بامريكا بس عندي 1-94 رجعت للعراق بسبب طارئ اكدر ارجع بال 1-94  لو بي مدة يكون اكسباير ارجو الافادة