اوﻻ اتمنى لجميع اخوانيوخواتي سنة سعيدة وتحقيق الاماني..
موضوعي هو باختصار ..انه اخوية حاليا بامريكا وحصل على اللجوء من اي او ام بغداد عن طريق عملي السابق مع الامريكان في العراق ... انا لم اقدم حينها لانه كنت في المانيا ادرس فكلت صعبة ارجع للعراق علمود المقابلات وكذللك حرام اخذ مكان واحد عراقي بالعراق يريد بس يخلص من العراق ... المهم اني هسة عندي الجنسية الالمانية الى جانب العراقية .. ورحت ﻻخي بامريكا زيارة فجدا انعجبت بامريكا اوﻻ.. ثانيا مثل متشوفون بالاخبار اليمين المتطرف ديصعد باوربا وهناك ممكن مستقبل سئ للجاليات العربية وخاصة الاسلامية باوربا .. وكذللك حبيت التحق باخوية بامريكا واكون الى جنبه وهو كذللك ... فاني هواي شفت بالمنتدى هواي عراقيين ديروحون زيارة ويقدمون لجوء ... فسؤالي الكم شنو موقفي اذا رحت هناك واقدم لجوء من داخل امريكا ... عندي نقطتين دا افكر بيهن الاولى ايجابية والثانية ممكن اتكون سلبية في قضيتي ... الاولى انه اني صاحب الكيس الاصلي وا7وية هو محصل لجوء عن طريقي ... الثانية هي السلبية وهي انه عندي جنسية المانية ويكلولي انت مو مهدد فروح ارجع لالمانيا ... فاتمنى اتشاركوني بافكاركم ومقتراحتكم والي عندة نفس الموضوع بعد احسن ... والله هذا ﻻتعتبروه بطر مني ولكن هي كلهة غربة ليش ما نلتم بمكان واحد لعد ... واشكركم مقدما.. اخوكم علي
