ولايه جورجيا

[1qa]

السلام عليكم اخواني اتمنى من الاخوان اذا عدهم معلومات عن هاي الولايه يفيدوني بيها ولكم جزيل الشكر على المرور

[texasddddd]

اي مدينه أني عندي معلومات بسيطه اثنز مدينه صغيرة جدا اكثر سكانها طلاب لان بيها جامعة معروفة
وأتلانتا اكبر شويه ايضا بيها جامعه اموري معروفة جدا
يعني جزء من الأهل هناك ويشتغلون بالجامعة

[Cyclone]

ولايه جورجيا
تقع ولاية جورجيا في الجزء الجنوبي الشرقي للولايات المتحدة الامريكيه حيث تحدها ولايه ساوث كارولاينا شرقا ونورث كارولاينا وتينيسي شمالا والاباما غربا وفلوريدا جنوبا. تتمتع هذة الولايه بالطبيعه الخلابه والاشجار العاليه مع كثرة البحيرات الصغيرة والكبيرة في كل انحاء الولاية. تتقسم الولاية الى مجموعه مقاطعات وكل مقاطعه بها عدة مدن وعاصمة الولايه هي اطلنطا ويبلغ سكان الولاية تقريبا 10 مليون نسمه.
بالنسبه الى الدراسه فيوجد بها على سبيل المثال جورجيا تيك وهي من الجامعات الممتازة في الولايات المتحدة اما العمل فمتوفر وبكثرة والحمد لله واسعار السكن جيدة ومناسبه اما الاجواء هنا فخلابه حيث ان هذة الولايه بعيدة عن خط الزلازل الامريكي واشجارها العاليه تحميها من العواصف والاعاصير ودرجات الحرارة ممتازة اما بالنسبه للثلوج فلا شيئ يذكر ما عدا القسم الشمالي من الولاية ولفترة قليله لا تتجاوز الاسبوع.
لا توجد ازدحامات تذكر الا في حاله حدوث حادث سيارة على الخطوط السريعه بالاضافه الى انه الخطوط السريعة مجانيه واعداد السيارات قليله.
الجاليه العراقيه قليله هنا في هذة الولايه ولا يتمركزون في منطقه معينه بل على مناطق ومدن كثيرة.
الشوارع نظيفه جدا من حيث التبليط والنفايات وتعتبر بلدية اطلنطا من البلديات العشر الاوائل في الولايات المتحدة الامريكية من ناحية الخدمات.
وتتخذ بعض اكبر الشركات جورجيا كمقر دائمي لها وعلى سبيل المثال فان المقر الرئيسي لشركه كوكا كولا ومتحفها الخلاب يقع في اطلنطا بالإضافة الى المقر الرئيسي لشبكه السي ان ان وسلسله مطاعم وينديز ومقر شركه فوكس.
اني من الساكنين هنا في هذة الولايه منذ سنتان وزرت عدة ولايات واكاد اجزم ان هذة الولاية تعتبر مثالية للعيش من جميع النواحي.
وانني مستعد لاي مساعدة او معلومة عن اي جزء من هذة الولاية.

[Mahir-Texas]

الاخ المحترم Cyclone
ماهو وضع سوق العمل في جورجيا وفي اتلانتا بالتحديد، الامان، مستوى التعليم في المدارس، البنية التحتية للمدينة، طبيعة الناس وتعاملهم، وماهو مستوى دعم الولاية للقادمين الجدد؟ يكولون ولاية فقيرة ومابيهه مستقبل بالنسبة للاجئين الجدد وان غالبية سكانها من السود، وفرص العمل بيهه قليلة...الخ وبالتالي مابيها فد مزايا جيدة لتفضيل هذه الولاية، هل هذا صحيح؟ ارجو ان لااكون قد طولت بالاسئلة. مع للشكر.

[عباس التميمي]

اي مدينة بالضبط ؟

[Mr.Joker]

الاخ المحترم Cyclone
ماهو وضع سوق العمل في جورجيا وفي اتلانتا بالتحديد، الامان، مستوى التعليم في المدارس، البنية التحتية للمدينة، طبيعة الناس وتعاملهم، وماهو مستوى دعم الولاية للقادمين الجدد؟ يكولون ولاية فقيرة ومابيهه مستقبل بالنسبة للاجئين الجدد وان غالبية سكانها من السود، وفرص العمل بيهه قليلة...الخ وبالتالي مابيها فد مزايا جيدة لتفضيل هذه الولاية، هل هذا صحيح؟ ارجو ان لااكون قد طولت بالاسئلة. مع للشكر.

اني صارلي سنتين بيها ولاية حلوه ... شغل تحصل بسهوله حتى لو ماعندك لغة - عندك لغة شغل السيكيورتي مزبل .. ولاية رخيصة نوعا ما  ... جوها حلووو بس تمطر هووواي
بس العبيد وين متروح يكفروك بامريكا 
اذا اعزب محلوة لان السود ويه الشكر هاي اذا اكو (يعني بالدفرات تحصل حاته- مو مثل باقي الولايات )
ولايه هادئة للعوائل احسن من للسنكل

[Cyclone]

السلام عليكم
بالنسبه الى جورجيا فتعامل الناس بيهه كلش حلو وما شفت اي عنصرية او تعصب وحته لو انكليزيتك ضعيفه فالعالم اتساعدك.
اغلب السكان اهنا هم من الامريكان الافارقه بس اكو مناطق كلها من البيض وبالنسبه الي اني ما اهتم لهاي الشغلات لان كلنه خلقه الله.
المناطق الشماليه غالبية السكان من البيض. مثال (نوركروس اكثرهه مكسيكان، دولوث اكثرهه كوريين، بيوفورد بيض، نورث ديكيتر بيض وساوث ديكيتر سود، بكهيد من المناطق الراقيه وتقريبا بيض، لورنسفيل خبط)  هاي امثله.
الدراسه ممتازة ومثل ما كلت سابقا جورجيا تك من الجامعات العريقة واحسن مختبر للابحاث االطبيه بالولايات موجود اهنا.
الشغل متوفر وبكثرة غير متوقعه والايجارات تعتمد على المنطقه او المدينه.
اما بالنسبه للمساعدات فمن الغير معقول انه الواحد يعيش طول عمره على المساعدات!!
بالنسبه الي اني اشتغلت ثاني شهر من وصولي لهنا والحمد لله والشكر الامور زينه وماشيه وهسه لا عندي فود ستامب ولا اي شي بس اكو عالم صارلهه سنين وبعدهه على الفود ستامب.
المهم اذا اي واحد ايريد شغل فراح يلكه ومتوفر اكو عالم تشتغل سيكيوريتي ويه الفور جي اس واكو عالم اصلا يشتغلون ويه اوبر تكسيات وامورهم كلش زينه واكو عالم تشتغل باللحوم والدجاج وقسم بمصنع كيا وقسم سواق تريلات وقسم بالحاسبات واكثر العراقيين اهنا يشتغلون ديلريه سيارات وامورهم عدله.
احسن شي هوة الجو الي يخبل لا كلش بارد ولا كلش حار.
بالنسبه الي اني كلش مرتاح ومتونس اهنا وكل ويك ايند اروح بمكان جديد ولحد الان دا اكتشف هوايه شغلات اهنا.
بالنسبه للامان اهنا فتعتمد على المدينه الي عايش بيهه مثلا اهنا المنظمات يجمعون اللاجئين كلهم ابمدينه اسمهه كلاركستون وهاي صايرة بالوسط فاكيد تكثر بيهه المشاكل لان كلهه لاجئين من كل العالم.
بالنسبه اليه اني عايش بمدينه اسمهه للبيرن ولحد الان ماكو اي مشكله بيهه وحته بيوتنه على كد المفتاح لا قفاله الكترونيه ولا أنظمة حمايه والحمد الله.
وعلى فكرة لليدور مساعدات فاول ما تجي يشترولك المنظمه اثاث للبيت وايجار للشقه كله من الويلكم مني والي هوة 1200 دولار وبعدين اتفوت ابغير برامج للمساعدات بس اهنا تقريبا ايدفعون ايجارك لمدة 4-5 اشهر فقط والفود ستامب بيه 190 دولار وينقطع ورة 6 اشهر والتامين الصحي 8 اشهر وبعد 6 اشهر تبدي اتسدد فلوس التكت مال الطيارة يقسطوه عليك.
الولايه بيهه مناطق كلش غاليه بس الزناكين يكدرون يعيشون بيهه وبيهه مناطق اسعارهه زينه.
مثلا صديقي كاعد بشقه 3 غرف و 3 حمامات مساحتهه 1400 قدم واتطل على بحيرة جبيرة ويدفع 915 دولار وبمطقة كلش حلوة بلورنسفيل.
واي استفسار او مساعدة اني حاضر.
تحياتي للجميع

[Mahir-Texas]

شكرا جزيلا اخي للجواب الوافي ، الله يبارك لك ويزيدلك النعم.

 اني صراحة مااشوف السؤال عن المساعدات الحكومية اي عيب، اخي اذا الواحد تعطل اواذا اشتغل  وماكفى راتبه لتامين المعيشة الضرورية ،  خاصةالقادمين الجدد وبالاخص اصحاب العوائل. واكيدالذنب مو ذنوب هاي الناس وانما ذنب الحكومةاللي ما ترفع اجور العمل حتى هاي العالم تعيش و تستغني من هاي المساعدات. اللهم انعم على الجميع للاستغناء عن هذه المساعدات.  تحياتي.