فيزا الى الاردن 2015/1/11

[النسرالعراقي]

السلام عليكم اخوان حبيت اشارككم هذا الموضوع ... اليوم رحت لكَراج العلاوي على شركة جت لأقدم طلب فيزا الى عمان وتفاجأت انه الاردن مينطونة فيزا مالت سياحة والموظفة كالت لازم تسوي تقرير طبي لأطفالك من مستشفى اليرموك وتجيبة والاهم بالموضوع سعر الفيزا 44 دولار يعني المكاتب يكولون 100000  مائة الف دينار لا اخوان بس 44دولار واني عفتهة لأن لازم اسوي تقرير طبي وما اعرف شنو تفاصيل التقرير ... واللي عندة معلومات ليبخل علينة ... شكرا لكل من يحاول المساعدة

[ابو الامراء]

تسوي تقرير طبي للاطفال من طبيب على اساس انهم مرضى وبدون تصديق من اي جهه وتقدمه الى الخطوط الاردنيه مع نسخه من الجوازات وانت مرافق لهم وبعد 10 ايام تستلم الفيزا

[★★★ AIRBORNE ★★★]

السلام عليكم اخوان حبيت اشارككم هذا الموضوع ... اليوم رحت لكَراج العلاوي على شركة جت لأقدم طلب فيزا الى عمان وتفاجأت انه الاردن مينطونة فيزا مالت سياحة والموظفة كالت لازم تسوي تقرير طبي لأطفالك من مستشفى اليرموك وتجيبة والاهم بالموضوع سعر الفيزا 44 دولار يعني المكاتب يكولون 100000  مائة الف دينار لا اخوان بس 44دولار واني عفتهة لأن لازم اسوي تقرير طبي وما اعرف شنو تفاصيل التقرير ... واللي عندة معلومات ليبخل علينة ... شكرا لكل من يحاول المساعدة

مساء الخير اخي العزيز حاول تقدم على التاشيرة من خلال مكتب الملكية الاردنية والي اعرفه موجودين بفندق فلسطين ميريديان ونسبة القبول جيده جيداً مقارنه مع المكاتب الاخرى وعن تجربه بعض الاصدقاء
تحياتي

[sallomy]

السلام عليكم   انا في تركيا  واستفسر عن فيزة الاردن  من داخل تركيا

[Carloiraqi]

السلام عليكم اخوية روح على مستشفى اليرموك ورة ساعه ٥ العصر راح تلكه الدكتور المقيم كوله اريد اسافر واريد تقرير هوة راح لكمل كولشي وسعر التقرير ١٥ الف دينار اني مسويهه قبل والفيزا مطولت ٦ ايام من العلاوي وترة ما بيهه اي مشكلة اتوكل على الله وروح

[sallomy]

اخي  اني بتركيا مو بالعراق       اني اعرف من العراق  شلون احصل فيزا بس اني استفسر عن الفيزه داخل تركيا 

[النسرالعراقي]

اولا حبيت اشكر جميع من صرف من وقتة ورد على الموضوع اللي منزلة واحترم واقدر كل ما قدمتوا اليه... بس المشكلة ياشباب رجعت على نفس الموضفة وقدمت وكالتلي لتدوخ بموضوع التقرير من يمي اسوي .... معقولة هية تسوي تقرير.... واخذت فلوس الفيزا وكالتلي ورة 10 ايام جيك بالتليفون