عبود .. أحد المتطوعين بمساندة الجيش العراقي
في حربـهِ مع الإرهــاب !
( في ساحة التدريب )
الضابط : شسمك آبني ؟
عبود سيدي .
عاشت الأسامي !
وآنت العايش سيدي .
وشعندك آهنا عبود ؟
سيدي جاي حتى أدافع عن الوطن .
عفية بالسبع :
زين عبود إذا أجاك الإرهابي شتسويلة ؟
سيدي أحط طلقة براسة وآكتلــــــه .
عفية بالسبع أنتــه صدك شجاع :
زين عبود إذا آجوك خمسة وآنتـــه
عندك بس خمس طلقات شتسوي ؟
سيدي أرميهم صلي وأكتلهم كلهم ! .
لك عبود أنتـــه صدك بطل أبن بطل :
زين عبودة وإذا أجوك عشرة شتسوي ؟
سيدي أشمر رمانة وأكتل خمسة
والخمسة الباقيين أرميهم صلي ! .
عفيه عبود عاشت إيدك يابطل :
زين عبود وإذا أجوك خمسة وعشرين واحد شتسوي ؟
سيدي أشمر رمانتين وآكتل عشرين وخمسة أرميهم صلي ! .
لك عبود أنتـــه شجاعتك ما تنوصف صدك أنتــــه
سبع أبن سبع ! .
زين عبود وإذا أجوك سبعين واحد وأربع
دبابات وطيارتين شتسوي ؟
سيدي أحط طلقة برأسي ...
وأنعل أبو هيـچ دولة مابيهه بس عبــــــود ؟ !!! .
