سبب تأخر الفحص الطبي

[Al-safeer]

السلام عليكم
طبعا ملفي من الملفات القديمة جدا والملف فعال وجميع المقابلات مكتملة والمدينه والمطار نازلة بس التجيك الامني بالأنتضار والسفر غير فعال ,,,,الفحص الطبي صار اكسباير من 15/12/2014 ورة يوم واحد اتحول الى فعال ,ولحد الأن فعال يعني صار شهر وماكو اي اتصال منهم وخابرنه عمان يكولون من يتحدد موعد فحصكم نخابركم مع العلم هذا الفحص الرابع والله كريم
سؤالي  اكو واحد من الأخوان صار وياه نفس الأمر يعني أتأخر عندة الفحص الطبي  شهر او اكثر وره مصار اكسباير  ؟
طبعا خانة الفحص الطبي مكتوب بيها فعال بالعربي والأنكليزيpending result

[USA MUSTAFA LOVE]

السلام عليكم
عزيزي جداً جداً طبيعي انو يتأخر وهذا الشي صاير معاية قبل انا طول عندي
سنة وكم شهر وفحصت واكو حالات اسابيع واكو اشهر وحسب تقد الحالة والزخم
عالمنظمة..بس انت حسب معطيات ملفك انا اكلك ما راح تتأخر وراح يحددولك موعد
فحص طبي قريباً. ...
انا مثلك تقريبا تقديم 2009 وفاحص 5 مرات وحاليا ب انتظار الامنية تكتمل..

[am noor]

اخي انت متصلين بكفيلك؟؟

[Al-safeer]

اختي ام نور طبعا متصلين بالكفيل وموقع اوراق الكفالة من زمان والمدينه والمطار نازلات ايضا
بس استغرب ليش الفحص الرابع ولحد ألأن ممتصلين علينه بعد مرور اكثر من شهر من صار اكسباير
على كل حال ان شاءالله خير وربي يسهل امرنا وامركم وامر كل الي ينتظرون السفر

[بصراوي مظلوم]

السلام عليكم
اني من الشهر السابع انتظر إعادة الفحص للعلم كان كل سنه من يخلص الفحص بعد يوم يتصل احد المنتسبين من المستشفى لإجراء الفحص طبعا" يكون هذا الفحص الخامس لاني من القدماء 2008 مكمل كلشي نازل المطار والمدينة الفحص فعال المشكله هي الامنيه الكشره الله كريم انشاء الله يسهل علی للحيع بالسفر

[Al-safeer]

اخوية العزيز البصراوي ,, الحال من بعضو واني ايضا من القدماء جدا وانتظر الفحص الرابع بسبب الأمنية الكشرة وكلامك جدا صحيح قبل من نستحق الفحص يخابرونه ثاني يوم بس شو هسه صار اكثر من شهر وماكو اي اتصال وانت الله يكون بعونك لأن انت تنتظر من شهر السابع وربي يسهل على الجميع ان شاءالله