المتابعين واصحاب الخبرة ارجو الرد على فيزا امريكا

[dream usa]

السلام عليكم
اخوان الي عنده معلومه حاليا من اي بلد ممكن احصل فيزا f1 لامريكا لغرض الدراسة راسلت  جامعه في تكساس وطلبو رسوم التسجيل وصور الجواز وكشف حساب حتى يدزولي i20 بس المشكلة من راسلت السفارة الامريكية في بغداد كالو ما نستقبل طلبات الدراسة على الحساب الخاص شنو الحل ارجو النصيحه...تحياتي للجميع

[انسان]

سلام عليكم
اخي ماتصور أمامك غير تركيا أو عمان, حاول على عمان شويه أفضلك من ناحية اللغة.
أما سبب تقديمك من عمان أو امريكا (لما إحتمال يسألك القنصل) فأكيد تطبع رد السفارة الأمريكية عليك في بغداد وتاخذه وياك , حتى يفهم ليش أنجبرت تقدم من خارج بلدك.

والله الموفق..

[Dr.Ali.Z]

عفوا اخي مممن اعرف الايميل اللي راسلت السفارة عليه ... انا راسلتهم على Baghdadwebmaster  بس ما حدا رد عالايميل ...
انا نفس وضعك عندي امتحان تعديل شهادة بأميركا و عندي فيزا سابقة و قدمت ببيروت و باسطنبول و تم رفضي علما انو اول فيزا انا اخذتها من بغداد

[dream usa]

السلام عليكم..
اشكرك اخ انسان على الرد بس حسب علمي الاردن دترجع الناس من المطار وبتركيا دينطوهم رفض يعني والله مشكله والشغله الثانيه يم الحساب البنكي يعني اذا سافرت للاردن او تركيا اقدملهم حساب بنكي من مصرف عراقي لو احد هذه الدول

[dream usa]

baghdadniv@state.gov
Dr.ali هذ الايميل الى ارسل السفاره الامريكيه في بغداد عن طريقه..تحياتي

[انسان]

سلام عليكم..
اخ دريم دائماً نحچي موضوع انو الفيزة هي مو شرط تحصلها من داخل بلدك بحالات مثلاً انت مقيم ببلد ثاني وتريد فيزة لبلد ثالث تشبه حالة ( مقيم بالامارات وتقدم ع فيزة لفرنسا ). او مثلا ببلدك نوع هل فيزة ممتوفر فتضطر السفر لبلد ثاني حتى تستحصلها، عموماً راح انطيك نقاط يمكن تفيدك... واذا لا فانشالله ما تضرك..
اول شي خلي حساب زين بالمصرف واخذ بي كشف. وودي الكشف وترجمه محلف بمكتب نهاد (اذا كنت ببغداد).
كمل اراءاتك ويه الجامعة الامريكية واخذ الاي توني وخليها بفايل اوراق الجامعة.
لملم شعندك اوراق املاك وشغل وعمل بالعراق (روابط) السفارة يسموها تايز يعني هن الي ترجع علمودهن من تكمل دراستك.
طبعاً اذا كنت متزوج وطالع تدرس وحدك فهاذي قوية بنظر القنصل كروابط ترجعك لبلدك.
اضافة الى الهدف من دراستك لازم تربطه بمجال عملك مستقبلاً بالعراق والي هو الطموح.

تكمل الدي اس ١٦٠ وتطبع الكومفرميشن وتشوف طريقه تحجز بيها موعد مقابلة، سواء عمان او انقره وورقة مقابلتك هي سبب مقنع لدخولك عمان ، بمعنى ماجاي عمان علمود شي ثاني عندي مقابله فيزة دراسة اكملها وارجع.
اخر شي تهتم بلغتك الانگليزية ويفضل وياك توفل من بغداد او آيلتس لأن شلون تدرس بأمريكا ومقابلتك مو انگليزي! شويه واگفه.

وفكر اكثر واحسبها صح لأن البلد غالي ويحتاج مصرف وعيشه لكن هو يستحق المجازفة للي يدور عمل ودراسة اما الي يدور مساعدات فامريكا متوالمه (رأي شخصي).
والله يوفقك ويوفق اي انسان عنده هدف خير.
اسف ع الاطالة.
اخوك
انسان...

[Dr.Ali.Z]

اشكرك اخ dream usa عالرد .
اخ انسان اريد اسألك انا الشهر الماضي قدمت ببيروت و انرفضت مع العلم انو عندي فيزا سابقة و كان الرفض بدون جتى رؤية اي من اوراقي و بدون سبب مقنع .... حسب معلوماتك هل يتم اعطاء العراقيين فيز ببيروت او حتى الآن لم يعتادوا على العراقيين ﻷنني عندما ملأت الابليكايشن لبيروت كان في مواعيد خاصة بالسوريين و العراقيين لوحدهم و لبقية الدول في مواعيد اخرى

[انسان]

دكتور علي الوضع حالياً شوي استثنائي وينراد صبر للتقديم بين ما يخف حريق المنطقة.
حاول تنتظر ومع ذلك لتقدم من بلد مرتبك (لبنان) ، انتظر بغداد او عاود المحاولة بعد فتره من انقره واكيد كل حالة الها خصوصيتها ، احياناً خطأ بالدي أس يخليهم يرفضون بدون سؤال وجواب.
تقديري.

[Dr.Ali.Z]

شكرا جزيلا لك اخي العزيز