اراء الاخوان في تركيا

[د محمود سعد]

السلام عليكم ورحمة الله وبركاته
حبيت اخذ اراء الاخوان اللي عايشين بتركيا عن القانون التركي الجديد
بخصوص الاقامة والتمليك في تركيا للعراقيين؟
هل هذا الكلام صحيح؟
هل الحياة في تركيا مناسبة النا كعراقيين؟ والله طفرت روحنا وملينا ويوميه مشاكل جديده
سمعت من احد الاصدقاء هناك تمليك للعراقيين والاجانب في مدينة سكاريا او سقاريا وبقية المحافظات الاخرى
يعني اللي يشتري شقه في تركيا يحصل على طابو اصولي واقامة؟
هل الاقامه في تركيا احسن من اللجوء والبهذله بالدول الاجنبية او لاتوجد مقارنه؟
ارجو مناقشة الموضوع وابداء ارائكم القيمة حول الموضوع

اخوكم
ابو طيبة

[Bazbomb]

اخي الكريم
شراء الشقة كلش عادي في تركيا وباي محافظة وتاخذ عليها اقامة دائمية وتكدر تشتري وانت اقامتك على اليوان لان الشراء منفصل عن الاقامة يعني معاملة الشراء وحد ومعاملة الاقامة وحد واسعار الشقق طبعا في اسطنبول وانقرا غاليه  بس بالمحافظات ارخص يعني اسعار تتراوح من ٣٠٠٠٠$ دولار فما فوق حسب الموقع وعمر بناء الشقه جديد او قديم  في تركيا الطابق الارضي والطابق الاخير العلوي غير مرغوب بالشراء واسعاره اقل من الطابق الثاني المرغوب بشده بسبب التدفئة لان الطابق الارضي رطوبه والطابق الاخير العلوي بارد جدا فالافضل الوسط الثاني او الثالث  هذه معلومه مهمه للمشتري والشقق الاستندر بالبيع والشراء هي شقق الغرفتين وصاله بيعها وشراءها ارغب من الشقق ثلاث غرف وصالة  والمحافظات المرغوبة بالشراء هي المحافظات الساحليه القريبه من البحر لان جوها الشتوي بالخص مقبول بالنسبة للعراقييين  مثل يلوا سكاريا ازمت وغيرها
ارجو ان تستفيد من هذه المعلومات وانا في الخدمه لاي استفسار
فقط دعاءكم

[د محمود سعد]

شكرا اخي العزيز
معلومات قيمه جدا
اكو شقق بسكاريا معروضه بالنت بسعر تقريبا 40000 دولار
ان شاء الله اجي لتركيا واشوف عدة اختيارات وحتى اسال اذا اكو مدارس عربية او لا
اشكرك مرة ثانيه اخي

[ابو زمان]

الي اعرفه مينطون طابو بس تسجيل كاتب عدل بمحكمة

[ORACLE]

صديقي اخذ شقة بيلوا ب ثلاث دفاتر واستلم سند تمليك  وحصل عليهه اقامة وسجل اخوه وياه بالسند علمود الاقامة