فيزة زيارة ﻷمريكا

[النسرالعراقي]

الاخوة الافاضل في هذا المنتدى اني متقدم بطلب التاشيرة على برنامجي iom  &siv هل استطيع التقديم على تاشيرة زيارة وهل هذه الطريقة مضمونة رجاء اللي عندة معلومات ليقصر وشكرا

[iomtraveler]

والله اخوية اني نفس السؤال عندي
انا تحت التجييك الامني على الاي او ام   واعمل لدى مؤسسة اميركية والمؤسسه قررت ترسلني الى اميركا لغرض التدريب لمدة اسبوع وكلشي على حسابهم
السؤال هل استطيع التقديم على فيزا  يعني تاثر على قضيتي لولا واذا سافرت اتاثر لولا سلبيا واذا فرضا رفضو الفيزا وما نطوني فيزا  تاثر سلبيا على قضيتي لولا 

مع الشكر

[abo mays]

اخي الكريم
السلام عليكم

اود ان اعلمك بانه لا يجوز الجمع بين فيزا الزياره والتقديم لل( UN / IOM ) واول سؤال سوف تسال به هو هل قدمت على اليو ان ... وانا سبق وان حصلت على الفيزا ولكن قبل التقديم على الاي او ام وعندما ارسلت استفسار اخبروني ( ان منحك الفيزا لا يعني دخولك الولايات المتحده الامريكيه هناك ثمة ضوابط يجب اتباعها ) وعليه لم اسافر لانني فضلت الانتظار ....

تحياتي

ابوميس

[مقيم دبي]

أخي ابوميس:
الكثير من الاخوان في المنتدى عدهم راي مخالف لرأيك بصراحة
اغلبهم اجاب بان ليس هنالك اي ربط بين السفارة واللجوء والهجرةوممكن تقديم فيزا سياحية وبنفس الوقت التقديم على UN ,IOM
هل هنالك تجارب سمعت بها عكس ما مكتوب وشكرا جزيلا لك

[yasereal]

ميصير اخوان تقدمون على اي فيزا مال زيارة او عمل او غيرها
السبب انه موجود فورم اسمة DS-160
لازم تعبوه قبل ما تروحون للسفارة وهذا بيه بند يسالك اذا انت مقدم على يو ان او اي منظمة الها علاقة باللجوء ""
طبعا لازم تكتبلة اي اني مقدم ورح يرفضك
او تكتبلة لاء اني ممقدم ورح يكشفون هالشي وهم يرفضوك

[سمك بني]

ميصير اخوان تقدمون على اي فيزا مال زيارة او عمل او غيرها
السبب انه موجود فورم اسمة DS-160
لازم تعبوه قبل ما تروحون للسفارة وهذا بيه بند يسالك اذا انت مقدم على يو ان او اي منظمة الها علاقة باللجوء ""
طبعا لازم تكتبلة اي اني مقدم ورح يرفضك
او تكتبلة لاء اني ممقدم ورح يكشفون هالشي وهم يرفضوك

جواب الاخ ياسر هو النهائي والصحيح.

[yasereal]

جواب الاخ ياسر هو النهائي والصحيح.

ممنون

[Ur akkad]

اخوان عن تجربة حبيت افيد الاعضاء الي يريدون يقدمون فيزة وهم خارج العراق اعرف ناس مقدمين على اليو ان تقديم فقط بدون رقم تسجيل ولا مقابلة المهم قدموا بعدها فيزة لامريكا واستحصلوا الفيزة عادي جدا والموظف ما سألهم انتوا مقدمين يو ان أو لا.
ممكن تخبرونا بأي فقرة بفورم DS-160 مذكورة فقرة اليو ان؟ لاننا لم نشاهد سؤال بهذا الخصوص

[texasddddd]

اني ممجربة
بس منطقيا لمن ينطون فيزا سياحة او زيارة رح يسألون كم سؤال بلمقابله حتى يعرفون انت ترجع لو تبقى هناك
مثل عندك ملك او عندك زوجة او خطيبه او عندك وضيفة حكومية
فمن المنطق اذا واحد مقدم هجرة مرح ينطو فيزا سياحة يعني بس منطق
فمن الممكن يقبلون اي يرفضون بس مااعتقد اكو قانون يخص هالشي
يعني الاحتمال الأكبر مرح ينطون
بس بنفس الوقت هاي احتمالات وممكن ينطو لان مااعتقد اكو قانون يمنع هالشي
والله يوفق الجميع

[ابو زمان]

تقديري واحترامي للجميع
بمقابلة السفير راح تنسئل
انت مقدم على اللجوء بحياتك اذا
اي رفض بلكصه كبل لتعبون ارواحكم اخوتي
في امان الله