هل يمكن للاجئ العراقي الذي يعيش في امريكا من الزواج من عراقيه تعيش في العراق من الزواج والعيش في امريكا ؟

[Jason IZ-133]

السلام عليكم ورحمة الله وبركاته

شلونكم اخواني واخواتي الاعزاء ؟ ان شاء الله الجميع بخير وصحه وعافيه ,
اخواني عندي صديق مقدم على هجره لامريكا من العراق ( مقدم على ال IOM ) هو كمل المقابلتين والفحص ,
وهسه خطب بنيه عراقيه من بغداد , السؤال هو هل يحق لصديقي من السفر الى امريكا والحصول على الكرين كارد وبعدها يرجع ويتزوج خطيبته  ويقدملهه من امريكا حته تسافر هي لامريكا ؟؟؟ رجاءاَ من الاخوان الي عدهم معلومات عن هذا الموضوع يجاوبوني لان صديقي ميعرف شيسوي ( يتزوج ويضيفها لملفه ويسافر ؟ لو يسافر وبعد مياخذ الكرين كارد يرجع يتزوجها ويقدملها وتسافر ورا ؟)
 
الاخوان الي مارين بهاي التجربه ممكن مساعدتكم الله يوفقكم

تحياتي
Jason

[سمك بني]

عزيزي الافضل يضيفهه على ملفه قبل السفر وينتظر تكمل اجراءاتها ثم يسافرون سوه لان اذا سافر بعدين رجع وتزوجهه لازم يسويلهه لم شمل يستغرق ربما سنين ويمكن باقي الاعضاء يفيدون بهذا الموضوع.

[USA MUSTAFA LOVE]

السلام عليكم
عزيزي نصيحة لله خلي يكون بعلمه واني احجيلك عن تجربة شخصية
اذا ضاف خطيبته عالملف فمعناها ملفه راح يتاخر سنوااات واذا جاه
اطفال بعد الزواج هم لازم يضيف الطفل وهم راح يعرقل المعاملة....
انا اعرف واحد عراقي متجنس امريكي اتزوج من العراق
وطولت المعاملة سنتين عما كدر يسحب مرتو....
الحل الامثل.....انو يتزوج من بنت عايشة ب امريكا كثيييير اكو عراقياتبنات عالم
وناس وحسب ونسب...بهاي الحاله راح يوفر على نغسة عناء الانتظار القاتل
ويوفر علية مصارف يتجاوزالدفتر ونص. ....
انا احجيلك عن نغسي وسويت مثل صديقك وخطبت واتزوجت
وصارلي 6 سنوات وبعدني بالعراق العظيم....

[* اطير و طيح *]

حبي احسن شي يوصل وياخذ الكرين ويجي للعراق يعقد وتقابل بسفارة وسنة هي بمريكا ومن توصلون عرسو وسوو حفله  وطرا طاره طرا طاره هههههههههه 

[Jason IZ-133]

عزيزي الافضل يضيفهه على ملفه قبل السفر وينتظر تكمل اجراءاتها ثم يسافرون سوه لان اذا سافر بعدين رجع وتزوجهه لازم يسويلهه لم شمل يستغرق ربما سنين ويمكن باقي الاعضاء يفيدون بهذا الموضوع.

ممنون منك اخويه العزيز والله  يوفقك يارب ، المشكله مثل متعرف المقابله الثانيه متوقفه حاليا وهو يخاف يضيفهه ويتأخر ..

ممنون منك يالغالي مره ثانيه

تحياتي
Jason

[Jason IZ-133]

السلام عليكم
عزيزي نصيحة لله خلي يكون بعلمه واني احجيلك عن تجربة شخصية
اذا ضاف خطيبته عالملف فمعناها ملفه راح يتاخر سنوااات واذا جاه
اطفال بعد الزواج هم لازم يضيف الطفل وهم راح يعرقل المعاملة....
انا اعرف واحد عراقي متجنس امريكي اتزوج من العراق
وطولت المعاملة سنتين عما كدر يسحب مرتو....
الحل الامثل.....انو يتزوج من بنت عايشة ب امريكا كثيييير اكو عراقياتبنات عالم
وناس وحسب ونسب...بهاي الحاله راح يوفر على نغسة عناء الانتظار القاتل
ويوفر علية مصارف يتجاوزالدفتر ونص. ....
انا احجيلك عن نغسي وسويت مثل صديقك وخطبت واتزوجت
وصارلي 6 سنوات وبعدني بالعراق العظيم....

حبيبي مصطفى اشكرك عيني انت ، فعلا هو خايف يضيفهه ويتأخر اكثر لان هو اصلا صارله هوايه من قدم عالهجره ، موضوع انو يتزوج من امريكا ؛ هو خطب بنيه من بغداد ومتفقين ويه اهل البنيه انو يسافرون فما اعتقد رح يقتنع بفكرة انو يتزوج وحده من امريكا ...
 اشكرك ياطيب عله ردك وتسلم ياطيب مقصرت والله يوفقك ان شاءالله

تحياتي
Jason

[Jason IZ-133]

حبي احسن شي يوصل وياخذ الكرين ويجي للعراق يعقد وتقابل بسفارة وسنة هي بمريكا ومن توصلون عرسو وسوو حفله  وطرا طاره طرا طاره هههههههههه 

حبيبي ( اطير واطيح) هو الولد هيج مفكر بس جماعه كلوله الشغله تتأخر هواااايه الى ان تسافر البنيه وهو حاير ميعرف شيسوي ، يعني اذا يصير وره مياخذ الكرين كارد  يجي ويعقد وهي تسافر ورا حت لو بعد سنه هم مو مشكله بس جماعه كلولوه تتأخر هوايه .

الله يوفثك حبيبي ويبارك بيك .
تحياتي
Jason

[USA MUSTAFA LOVE]

تدلل حبيبي
شوف اخي العزيز
خذها مني وانا متأكد من كلامي لان الي دا احجيلك عليه هو ابن عمي عايش
بكاليفورنيا ومتجنس امريكي...خطب من العراق بنية وجا عالعراف عقد عليها
ورجع ل امريكا مسك محامي وبدا بالمعاملة طولت وياه المعاملة الى ان قابلت
زوجته ب بغداد طولت بالضبط سنة و10 اشهر...قابلت بلسفارة واعطوها فيزة بيها 6
اشهر...وكل هاي الحفلة مصرف كوووومة فلوس وسعر الطيارة على ابن عمي اكيد
لان مو منظمة طلعت والشغلة الثانية من توصل هي هناك كثيييير اكو امتيازات موجودة عند
النمهاجرين العراقيين ومو موجودة عند زوجتة ومن اول يوم التوصل لازم يسويلها تامين
صحي ومعاملات واوراق ناهيك عن ثمن المحامي..وغيرها...فهاي المعلومات انقلها ل صديقك
حتى لاينصدم..

[Jason IZ-133]

تدلل حبيبي
شوف اخي العزيز
خذها مني وانا متأكد من كلامي لان الي دا احجيلك عليه هو ابن عمي عايش
بكاليفورنيا ومتجنس امريكي...خطب من العراق بنية وجا عالعراف عقد عليها
ورجع ل امريكا مسك محامي وبدا بالمعاملة طولت وياه المعاملة الى ان قابلت
زوجته ب بغداد طولت بالضبط سنة و10 اشهر...قابلت بلسفارة واعطوها فيزة بيها 6
اشهر...وكل هاي الحفلة مصرف كوووومة فلوس وسعر الطيارة على ابن عمي اكيد
لان مو منظمة طلعت والشغلة الثانية من توصل هي هناك كثيييير اكو امتيازات موجودة عند
النمهاجرين العراقيين ومو موجودة عند زوجتة ومن اول يوم التوصل لازم يسويلها تامين
صحي ومعاملات واوراق ناهيك عن ثمن المحامي..وغيرها...فهاي المعلومات انقلها ل صديقك
حتى لاينصدم..

عيني انت مصطفى الله يجازيك ويوفقك عله المعلومات الي بصراحه مجنت اعرفها انو التأمين الصحي  وغيرها , لكن اذا جان الشخص ممتجنس ( يعني ماخذ كرين كارد بس) نفس الشي رح ينطبق عليه مثل مصار ويه ابن عمك ؟؟


تحياتي
Jason

[USA MUSTAFA LOVE]

حبيب قلبي
اعطيني كم يوم وراح اعطيك الجواب على سؤالك
لأن ما اريد اجاوب بمعلومات مو مظبوطة ...
ف خليني أسألك واردلك الخبر اليقين.

[Jason IZ-133]

حبيب قلبي
اعطيني كم يوم وراح اعطيك الجواب على سؤالك
لأن ما اريد اجاوب بمعلومات مو مظبوطة ...
ف خليني أسألك واردلك الخبر اليقين.

الله يوفقك ياطيب

تحياتي
Jason

[USA MUSTAFA LOVE]

السلام عليكم
اخي العزيز سالتلك مجرب وجبتللك الجواب التازة..
طبعاً بالبداية اول مايبدي بالمعاملة اما يمسك محامي وتختلف اجرى المحامي
من شخص الى اخر وحسب قناعته....وخصوصا اذا كان اخونا العريس انكليزيتة
ضعيفة لانو الموضوع بية كومة ابلكيشنات وما يكدر يمليهن .
او هو بنفسة يكعد يمسك كل ابلكيشن ويترجمه ويملي بنفسه..
المعاملة تحتاج عدة شغلات
1.عقد زواج رسمي صادر من محكمة وبعدها يترجمه عد مترجم محلف وبعده يصدقه من  وزارة الخارجية ببغداد
2.صور شخصية حديثة وان لايتجاوز عمر الصورة ال 6 اشهر وبخلفية بيضاء ويكون الوجة مستقيم  بدون التفاته
وبمقاسات معينة معروفة لدى مكاتب التصوير(( صور فيزة امريكا )) يسموها.
3. المستمسكات الاربع كاملة وحديثة .
4.عدم محكومية تصدر من ممديرية الشرطة العامة او مديرية المكافحة في بغداد ويلزم حضور العروس
وياخذون بصماتها عند التقديم وبعد شهرين تروح تستلمها وهم يستوجب حضور العروس لغرض التبصيم..وياخذون
مبلغ من الماليا 25000 عراقي يا 100 $ امريكي لان اللي نقلي المعلومة كن نسااشكد المبلغ بس هو واحد من ال 2..
5.كل خطوة بخطوات المعاملة يزتلة كم ورقة مثلا اول مايبدي يذبلة 4 ورقات وبعدين الخ الخ الخ.
يعني اذا مسك محامي يذبلة شدة او اكثر واذاالعريس سواها بيده فماراح تاكل هلمبلغ..
6.كفالة من اي شخص سواء كان امريكي او حامل للكرين كارت على ان لايكون هذا الشخص كافل احد سابقا وان يزيد دخله الشهري
عن 20000 $ امريكي ..هاي مو مشكلة تدبر من اي احد عرف او صديق ب امريكا.
والف مبروك وشايف خيرها ومستاهلها ....وهلهوله ولاتنسى تعزمني للزواج. .
تحياتي واحترامي.

[USA MUSTAFA LOVE]

ها اخوية نسيت اكلك معاملة اخونا اللي سالته طولت سنتين ويوم وهو غير مجنس اي
حامل لل كرين كارت فقط.
وبلنسبة ل مبلغ الدفتر يشمل سعر التكت للطيارة للعروس من العراق الى امريكا.
وملاحظة: من يخابروها على موعد للمقابلة في السفارة تروح والد العروس او اي احد
على مكتب dhl ويكلة اريد((ظرف دي اج ال مرجع)) وتروح العروس يوم المقابلة وتاخذ كل المستمسكات اعلاه
ومن ضمنهن هذا الظرف..لان هي راح تقابل وترجع على بيتها وهم بعد اسبوعين الى شهر راح يدزولها كل مستمسكاتها
بهذا الظرف علبيت او على مكتب الدي اج ال ويخابرها المكتب وتروح تستلم الظرف وبيه الجواز مفيز.

[Jason IZ-133]

ها اخوية نسيت اكلك معاملة اخونا اللي سالته طولت سنتين ويوم وهو غير مجنس اي
حامل لل كرين كارت فقط.
وبلنسبة ل مبلغ الدفتر يشمل سعر التكت للطيارة للعروس من العراق الى امريكا.
وملاحظة: من يخابروها على موعد للمقابلة في السفارة تروح والد العروس او اي احد
على مكتب dhl ويكلة اريد((ظرف دي اج ال مرجع)) وتروح العروس يوم المقابلة وتاخذ كل المستمسكات اعلاه
ومن ضمنهن هذا الظرف..لان هي راح تقابل وترجع على بيتها وهم بعد اسبوعين الى شهر راح يدزولها كل مستمسكاتها
بهذا الظرف علبيت او على مكتب الدي اج ال ويخابرها المكتب وتروح تستلم الظرف وبيه الجواز مفيز.

السلام عليكم ،

اخويه العزيز اني جدا ممنون منك ياطيب وبارك الله بيك ويوفقك الله ان شاءالله على هاي المعلومات ، بصراحه معلومات مفيده جدا وان شاءالله باقي الاخوان الي موجودين بالمنتدى هم يستفادون من معلوماتك الي كتبتهه ...
اشكرك مره ثانيه اخويه العزيز وبارك الله بيك وبصاحبك الي نطاك المعلومات الاكيده والله يوفقكم .

تحياتي
Jason