الله يخليكم الي يعرف شي يجاوبني لان دائماً من اكتب سؤال محد يجاوبني الا انزل السؤال مرتين

[Yazin2015]

سؤال للاخوه بخصوص الدراسه بأمريكا
« في: الأمس في 14:52 »

السلام عليكم ... اخواني عندي اخويه خريج اعداديه صناعه وراهه كمل معهد تكنولوجيا وصل لأمريكا ويريد يدرس شنو الكليه او المعهد الي يقبله وممكن يكمل بي وبالنسبة ألشهاده الصناعة معترف بيهه كشهاده اعداديه لو لا متمشي هنا ... اليعرفزشي يكتبه والكم الأجر والله يسهل أموركم ان شاء الله

[FIVE-STAR]

الأخ العزيز
افضل شي خلي أخوك يسجل في community college بعد سنة من دخوله أميركا ولا يخبرهم انه مكمل معهد وإنما مخلص إعدادية فقط حتى تكون دراسته مجانا و يستلم بعض مساعدات الجامعة و هذه الكليات مشابهة للمعهد في العراق و فيها اختصاصات مهنية جيدة و راح يستفاد منها كثيرا و المدرسين لهم علاقات مع الشركات وممكن من يخلص يحصل شغل أيضا. بالتوفيق

[Yazin2015]

اخويه الغالي مشكور للرد والله يوفقك بس اخويه خريج إعدادية صناعه مو علمي يصير يقدم لو ممعترف بيهه

[FIVE-STAR]

باي مكان أخوك؟ هم مراح يسألون عن الشهادة أو الاختصاص المهم ان يذكر أو يكتب في أوراق التقديم high school  graduated ومثل ما ذكرت هذه كليات مهنية وليست جامعة و لا تحتاج أوراق للتقديم وإنما يتم امتحان مبدئي للغة الإنكليزية و الرياضيات حتى يشوفون أي مستوى واصل. هنا في San Diego اكو اكثر من وحدة بس اهمهم Cuyamaca College والكثير من العراقيين مسجلين بيها. 

[Yazin2015]

اخويه بدالاس بس اكو ناس كلوله شهاده الصناعة ممعترف بيهه هي هاي المشكله ؟؟؟

[FIVE-STAR]

اخي العزيز
مع الأسف اني مو بدالاس و لو كان هنا في سان دييغو كان ساعدته، بس هي نفس طريقة التقديم المهم ان يقدم على الكلية ويكدر يروح يمهم و يملي الاستمارات بالكومبيوتر و بعدين لازم يحجي مع استشاري الكلية chancellor حتى يشوفون أي اختصاص يريد وشنو الدروس الي لازم يأخذها. خلي يروح للكلية و يسأل هناك وما راح يحتاج يراويهم أي شهادة و خلي يذكر انه مخلص high school و مراح يسألون سنو نوع الدروس أو الاختصاص و هي كلش سهلة يمعود هنا يمنا شياب و عجايز مسجلين حتى يأخذون دروس انكليزي أو يتعلمون كمبيوتر. بالتوفيق

[dole79]

FIVE-STAR رحمة على امك وابوك اشكد عجبني جوابك والله انتة شريف الله يوفقك اتساعد الناس وما تبخل عليهم بمعلومة