اخبار مشجعة

[SAMISO]

السلام عليكم
وردت الينا اخبار مشجعة بانه قد تمت الموافقة على عدد من طلبات اللجوء من قبل دائرة الهجرة الاسترالية ( طلب فورم 80 ) لعدد من العوائل في لبنان و الاردن .........
و هذه الاخبار من اشخاص في لبنان و الاردن و هي اخبار اكيدة و من مصادر موثوقة لان بيهم ناس عرف
حبيت انشر الخبر لكسر الجمود و الكابة التي يعاني منها قسم استراليا في منتدى عينكاوة و احتمال منح بصيص من الامل لبعض الاخوة الذين ينتظرون الجواب ............. نتمنى الموفقية للجميع

[مظلومين]

شكرا لصاحب الخبر ولا يسعنى الا ان نقول يارب

[tur ankawa]

عاشت ايدك والله يبشر بالخير كل واحد قرء هذا الخبر 

[Dr.dana]

ربي يبشرك بالخير والفرج عجميع ان شاء الله

[Dr.dana]

اخي بما ان الي اجتهم موافقات هم ناس تعرفهم ياريت تكلنه شنو نوع الكفالات صديق او اقارب ...وشكرا الك

[Maha79]

يالله الكل تفرح والضيق يفرج للجميع ان شالله

[SAMISO]

شكرا جزيلا للجميع و نتمنى الموفقية للجميع و ان شاء الله تفرج على جميع المنتظرين
اما بالنسبة للموافقات فالجماعة الي اعرفهم كفيلهم درجة اولى ..... لكن سمعت انه توجد عائلة كفيلها صديق و اجتهم موافقة لكن لا اعرف هل الخبر صحيح او لا ...... ان شاء الله يطلع الخبر صحيح

[روك]

بارك الله فيك على هذا الخبر المفرح .. يارب سهل سفر كل اخوانا في هذا المنتدى

[ahmed842013]

ممكن نعرف شوكت مقدمين لان نريد هسه نقدم ؟؟؟

[Maha79]

والله اخي كل واحد تاريخ شكل اكوناس صارله اشهر واكو ناس سنه واكو سنتين واكو ناس انرفضت ورجعت قدمت مثل وضعي والكفيل اكثرهم اصدقاء واقارب درجه اولى كلش قليل قدم هسه ماكو وقت  محدد ع استطاعت والله يسهل للجميع

[SAMISO]

بالنسبة للاخوة الي يسالون شوكت مقدمين بصراحة لا اعرف بالضبط شوكت مقدمين لكن الي اعرفه انه صارلهم مدة طويلة مقدمين ربما سنة او اقل او اكثر بقليل لكن اعتقد المدة قريبة من السنة ......... شكرا على تفاعلكم مع الموضوع

[(Rose)]

في محامي باستراليا يقول تم زيادة الفيز لمنطقة الشرق الاوسط من دائرة الهجرة الاستراليه اخبار مشجعه قولوا ياالله وانشالله نسمع اخبار موافقات هذي الايام

[Dr.dana]

الله يبشرج بالخير اخت روز الفرج عجميع ان شاء الله

[مظلومين]

يارب يارب

[tur ankawa]

سمعت ايضا عائله في تركيا تقديم نهايه 2014 بعد 3 اشهر الان فورم 80  انشالله الشهر الثالث يكون بدايه خير ياربي عالجميع

[ahmed842013]

سمعت ايضا عائله في تركيا تقديم نهايه 2014 بعد 3 اشهر الان فورم 80  انشالله الشهر الثالث يكون بدايه خير ياربي عالجميع

هذوله شنو اقارب درجة اولي - زين وجماعه عمان؟؟؟  ياريت فورم 80 خلال 3 اشهر كان كل الناس قدمت

[tur ankawa]

هذوله شنو اقارب درجة اولي - زين وجماعه عمان؟؟؟  ياريت فورم 80 خلال 3 اشهر كان كل الناس قدمت

والله ياخويه ماعرف  بالضبط بس اعتقد اقارب من االاخوه المسيح همه .... هوايه حالات في تركيا تصير وهي من تقدم معامله مايجيك الفايل نمبر يتاخر 3 اشهر ويجيك استماره 80 مباشر  ... اما الشائع هو التاخر سنه وشهرين وبعدها تجي النتيجه
اني حبيت اكتب انو اكو حركه موجوده لكن ناس قليله تكتب واحنه دنشجع على الكتابه حتى نعطي امل للناس مثل ما يفرحونه باخبار هم

[iabdalbaset]

السلام عليكم احنا عائله بتركيا كفاله صديق تقديم شهر التاسع ٢٠١٣ورا ست اشهر اجتي الفورمه ٨٠ولحد هذي الساعه ننتضر مقابله ربي يسر امركم انشاء الله وامر الجميع
اختكم من تركيا

[Maha79]

جماعه عمان ماكو شي مداعرف ليش لا صديق ولا اقارب هاي مره ثانيه اقدم اول مره وره ٨ اشهر اجاني رفض وحاليا دانتظر وقدمت بشهر العاشر من سنه فاتت وصار  ٤ اشهر وماكو نتيجه  الله يستر لان مغيرت بالقصه شي ولا ضفت غير كفيل ابن عم بعد ماكان صديق 

[tur ankawa]

جماعه عمان ماكو شي مداعرف ليش لا صديق ولا اقارب هاي مره ثانيه اقدم اول مره وره ٨ اشهر اجاني رفض وحاليا دانتظر وقدمت بشهر العاشر من سنه فاتت وصار  ٤ اشهر وماكو نتيجه  الله يستر لان مغيرت بالقصه شي ولا ضفت غير كفيل ابن عم بعد ماكان صديق

لتخافين انشالله خير....  ماكو غير حل هو الدعاء والانتضار والخير نهايته يارب

[Maha79]

تسلم اخي الكريم يارب الفرج للجميع وتساهيل من الله وانشاءالله نسمع اخبار تفرح من جميع شكرا

[Dr.dana]

اليوم سمعت بمجموعه عوائل سفرهم الاثنين من عمان كفاله اقارب درجه 2
ان شاء الله يكون الخير للجميع وبدايه الفرج

[Maha79]

الله يفرجها اخواني ممكن اعرف درجات القرابه من الاولى للثالثه منو بتسلسل يعني ابن العم اي درجه تعتبر والله يوفق ويفرح الجميع .

[Dr.dana]

حسب ما اعرف يعتبر درجه 2

للعلم هاي اللعائله استلمو فايل نمبر من 7 اشهر فقط .. والاثنين سفرهم

[Maha79]

الله يوفق الجميع يارب شكراع جوابك وتفرج ع الجميع يارب يامسهل الامور

[مظلومين]

سلام عليكم جميعا      بس حبيت اكَول للي راح يسافرون باجر من الاخوة العراقيين لاستراليا ..... الله معاكم وربي يوفقكم .

[Dr.dana]

الله يوفقهم والله يفرجهه علينه وعلى كل الاعضاء

[(Rose)]

الله يوفقهم وانشالله للجميع السفر القريب والك مظلومين انشالله

[Maha79]

للجميع يارب يرتاح ويستقر جميع الاعضاء ان شالله نسمع اخباركم بفرح

[BAFLO]

اني اجالي الفاير نبر من شهر الرابع 2014 وكفلة درجة اولى اختي وليهسة ماكو كلشي

[tur ankawa]

اني اجالي الفاير نبر من شهر الرابع 2014 وكفلة درجة اولى اختي وليهسة ماكو كلشي

انتظر اخويه  منا عندك للشهر السادس حتى تعبر السنه وشهرين ك مده  اعرف اشخاص قبلك مقدمين ب 2013  وليهسه ماجايهم شي  صدكني انشالله خير

[tur ankawa]

اسمع هالايام اخبار حلوه لجماعه تركيا بدت استماره 80 تجي للناس المقدمه صارلهه سنه او اقل ... اكثر من عائله كفيل درجه اولى وثانيه اجاهم قبول مبدئي هذا الاسبوع ربي يفرح كل من ينتظر الفرج ويسهل امره امين

[كارهه الدنيا]

  الله يسمع منك فرحتني بهالخبر الله يفرح كلبك

اسمع هالايام اخبار حلوه لجماعه تركيا بدت استماره 80 تجي للناس المقدمه صارلهه سنه او اقل ... اكثر من عائله كفيل درجه اولى وثانيه اجاهم قبول مبدئي هذا الاسبوع ربي يفرح كل من ينتظر الفرج ويسهل امره امين

[tur ankawa]

شكرا لكي اختي انشالله للجميع
طبعا السنه الماضيه كانت في الشهر الثاني الى الرابع فتره ذهبيه شاهدنا تحرك جيد للملفات انشالله هالسنه تكون ايضا تحمل اخبار جيده للعراقيين
المستلم فايل نمبر يكون تجاوز نسبه الرفض ب حدود  ال 50 بالمئه خلال هذه الفتره يتم التحقق من المستمسكات والقضيه اذا كانت صادقه وضمن المواصفات المحدديهه يجيكم القبول 

حاليا الان الرفض لاينتضر سنه بالنسبه للتقديم الجديد  بل مجرد شهرين من تاريخ التقديم ياتي الرد اما فايل نمبر او رفض مباشر  او ترحيب

هذه المستجدات اعتقد نتيجه الزخم الحاصل عليهم

محد يعرف طريقه عمل استراليا طبعا
لكن كتخمين وتحليل لسير عمل الملفات وهذا كلام عده اشخاص منهم اصحاب خبره في هذا المجال الان من استلم فايل نمبر  سابقا هناك امل كبير له بالقبول ان شاءالله

[Maha79]

ان شاءالله خير اني اتمنى احد من الاخوان افرحنا باخبار طيبه يوم بعد يوم قلق ازيد خاصه مع الاحداث الي دتصير بستراليا المفروض من بدايه اذا يقرون قصه ع اقل وشافوها غير مناسبه للقوانين الي خاليه يجي رفض مباشر حتى لو شهرين او ثلاثه مو اخلون شخص سنه لو ٨ اشهر وفوك ينتظرون تالي اكلولهم متناسب او غير مؤثره كل طالع من بلده بقصه شكل اصلا احنه العراقيين نفسيا دمرنا وهذه اتصور ابسط حقوق انو نطلب المساعده ويطون مجال حتى نبدي حياه جديده بس مشكله صارت بيها ابعاد ثانيه  اتمنى الفرج للجميع .

[Dr.dana]

ان شاء الله يكون الفرج عجميع ويفرحنا الله بعد هذا التعب

[sara_altmemy]

اني رايدة كفيل الى استراليا ممكن مساعدة احنة انرفضنا من المحلف على امريكا وهسه انريد استراليا شلون احد يساعدنيي رجاءا مساعدتكم اهل الغيرة

[SAMISO]

الاخوة الاعزاء سمعنا انه تم منح الفيزا من قبل السفارة الاسترالية لعدد من العوائل في عمان ان شاء الله يسافرون و يوصلون بخير و سلامة و ان شاء الله لكل المنتظرين ......... نتمنى من الاخوة و الاخوات ان يفرحونا باخبارهم في حال حصول مستجدات ..........

[tur ankawa]

عاشت ايدك والله حتى بتركيا فيزوا ناس انشالله تخلص هالوجبه ويبدون بوجبه اخرى

[مريم مصطفى]

اخوني ضروري الشخص يكون عايش بالاردن او تركيا.... مايصير دولة ثانية لان احنا عايشين بليبيا وعدنا ورقة un ...واريد اسأل هذا لجوء لو هجرة وممكن الشخص يكمل دراسة لو لا ..اشكركم مقدما

[tur ankawa]

اخوني ضروري الشخص يكون عايش بالاردن او تركيا.... مايصير دولة ثانية لان احنا عايشين بليبيا وعدنا ورقة un ...واريد اسأل هذا لجوء لو هجرة وممكن الشخص يكمل دراسة لو لا ..اشكركم مقدما

ست مريم الهجره هي معامله تقدمين عليهه عن طريق ملئ استمارات شرطهه وجود كفيل يكفلج في استراليا الكفيل يكون قريب او صديق
ترسلين الاستماره والمستمسكات الى الكفيل في استراليا وهو بدوره يقدمهه الى وزاره الهجره هناك وتنتضرين رد الوزاره بالقبول او الرفض لا سامح الله
اذا موجود في ليبيا سفاره استراليا تكدرين تمشين بيهه المعامله وتقدمين

اما حضرتج مقدمه على اليو ان فهذا طريق اخر للوصول الى استراليا او امريكا او كندا