رفض بعد طلب الاستئناف

[طوطي١]

اني مقدم على الهجرة من منضمة اي او ام واجاني  رفض وراهة سويت استئناف وهم إجاني رفض وكالو إنّو سدوا الملف وطلبت منهم إنّو يفتحون الملف كالو خلص منكدر نفتح الملف فسؤالي هو شنو الحل اذا اقدم على محامي بامريكا هل يفيدني بشي هل يكدر يحرك ملفي بالمنظمة او اكو أمل شنو رأيكم وطبعا سبب الرفض كان عدم كفاية أدلة يعني مكدرت أبرهن وأُقدِّم دليل على إنّو اني استحق اللجوء هذا كل مافي الموضوع

[تفرج]

اخوية اكو بامريكا مكتب مال محاميين اختصاص هجرة وهلامور اذا تريد عنوانهم الحقيقة اني ممجربهم بس هم مسوين اعلان وعدهم مكاتب بامريكا وكندا واذا نويت تتصل بيهم لازم تدفع 200$ موعد تحجي وياهم وتتناقش على قضيتك  ، والله يفرجهة عليك
بدون زحمة صار شكد من استأنفت وشكد طول على ما اجة الرد وانت من بغداد لو من وين مقدم ؟

[طوطي١]

اني صار سنتين من طلع اخر رفض ومن بغداد امقدم وكفيلي الباجر حجز يم محامي بامريكا ونشوف شنو الحل

[um shaheen]

يارب خير ان شاء الله

[طوطي١]

Up

[iraqforme]

الله يعينك اخي على انتظارك واحنه نكول لا يأس مع الحياة حاول متخسر شي . بس هل الرفض الثاني هو نفس الرفض الاول ام هنالك اختلاف ؟ واعتقد هذا الرفض هو رفض محلف مو مثلنه احنه كان رفضنه (اسباب اخرى).
الله يسهل امرك .
مودتي لك

[تفرج]

الله يفرج عليك اخوية بس تاكد كون محامي مشتغل هيج شغلات استئناف لان يرادلهة خبرة
ان شاءالله نسمع عنك كل خير اخوية ولاتكطع اخبارك وان شاءالله خير

[طوطي١]

مع الاسف كلشي مافد قريبي راح للمحامي بامريكا وكال كلشي مااكدر اسوي للعايش خارج امريكا ونصح بان نقدم على لم الشمل لان هسة جدا امسرعيها للعراقيين