انلغت الرحلة مال اليوم

[uae123]

كان المفروض اكو سفر اليوم انلغت كل الناس ال موعدهم اليوم خطيه كلش صدمه عليهم يكولون بسبب اكو طياره اماراتية قبل كم يوم  صار عليها إطلاق نار واخترقت الرصاصة وقتلت طفله ما اعرف صدك جذب الله يرحم الجميع  والله يساعد الناس الي اتاجلت

[العراااب]

الكلام صحيح و البارحه هم تاجلت الرحله و رجعوهم للبيت للناس خطيه والسبب تعرض طيارة فلاي دبي اثناء الهبوط لخمس طلقات  قرب الخزان و قرب المحرك و انصابت طفله  و الغريب موضفين المطار ظلوا ينكرون يوم كامل الاثنين كله يكولون ماكو شي و البارحه انكشف الموضوع وطلع وزير النقل بملكلساطة و اريحيه ديحجي و مبسط الموضوع كلش و يكول مو مسؤليه المطار الطياره خارج حدود المطار وارتفاعها 600متر !!!!

[uae123]

خطيه شنو ذنب الناس الي باعت أغراضها هما مو مسافرين عن طريق طيران فلأي دبي زين ليش تلغون الرحلات والله مصيبه

[uae123]

معناها الناس الي عندها سفر بهاي الأيام راح تنلغي. زين يمتى يرجعون ينطوهم مواعيد جديده

[العراااب]

والله يا اخي ما اعرف شوكت ينطوهم مواعيد الله يكون بعونهم سبب التاجيل الخطوط الملكيه الاردنيه وقفت رحلاتها حسب مسمعت حتى اكو ناس بعمان على اساس ديرجعون لبغداد مكدروا و ظلوا بالمطار بعمان

[مستر اكس]

كان المفروض اكو سفر اليوم انلغت كل الناس ال موعدهم اليوم خطيه كلش صدمه عليهم يكولون بسبب اكو طياره اماراتية قبل كم يوم  صار عليها إطلاق نار واخترقت الرصاصة وقتلت طفله ما اعرف صدك جذب الله يرحم الجميع  والله يساعد الناس الي اتاجلت

الخبر صحيح واني المفروض السفر مالتي يوم 1-2 الاحد واعتقد راح يتاجل الموعد موخوش سالفة

[★★★ AIRBORNE ★★★]

أعزائي تأجلت اغلب مواعيد السفر لكون معظم الطيران الملكي الاردني والاماراتي والشرق الاوسط .. الخ علق رحلاته من والى مطار بغداد بسبب هذا الحادث (الله يفرج عنكم يارب باقرب فرصه)

[مستر اكس]

نريد واحد من الرجعوهم يحجيلنه شصار وشكلولهم ترى كلوبنه صارت نار

[ابو الامراء]

الله يكون بعونكم يوميا تطلع علينه شغله مره داعش واتأجلت المقابلات ومره اطلقوا النار على طياره والغي السفر لان شركات الطيران الاماراتيه والتركيه واللبنانيه والاردنيه يخافون ارسال طياراتهم بعد الحادث حتى اشعار اخر ولدي صديق يكول يوم 2 شباط ترجع الخطوط الاردنيه بالعمل الى العراق

[uae123]

أنا اخو زوجي جان المفروض اليوم  وطلع من البصره لبغداد اجاله تليفون اليوم الظهر من بغداد الي هو را يستقبلهم كلهم ان تأجلت الرحلة بسبب هذا الموضوع وكلهم ما نعرف يمتى ترجعون تسافرون والله كريم وكال كومه عوائله كانت اليوم سفرها

[مستر اكس]

http://www.alarabiya.net/ar/arab-and-world/iraq/2015/01/27/%D8%A5%D8%BA%D9%84%D8%A7%D9%82-%D9%85%D8%B7%D8%A7%D8%B1-%D8%A8%D8%BA%D8%AF%D8%A7%D8%AF-%D8%A8%D8%B9%D8%AF-%D8%A5%D8%B5%D8%A7%D8%A8%D8%A9-%D8%B7%D8%A7%D8%A6%D8%B1%D8%A9-%D8%A5%D9%85%D8%A7%D8%B1%D8%A7%D8%AA%D9%8A%D8%A9.html

[مستر اكس]

http://www.alarabiya.net/ar/arab-and-world/iraq/2015/01/27/%D8%A5%D8%BA%D9%84%D8%A7%D9%82-%D9%85%D8%B7%D8%A7%D8%B1-%D8%A8%D8%BA%D8%AF%D8%A7%D8%AF-%D8%A8%D8%B9%D8%AF-%D8%A5%D8%B5%D8%A7%D8%A8%D8%A9-%D8%B7%D8%A7%D8%A6%D8%B1%D8%A9-%D8%A5%D9%85%D8%A7%D8%B1%D8%A7%D8%AA%D9%8A%D8%A9.html

خبر الطائرة الاماراتية

[uae123]

حتى رحلة مال بكره هم انلغت

[المتعوب]

والله يا اخوان ما اعرف شلون دتمشي الامور بس اكول الله يكون بعون المؤجلين البارحة واليوم بس اعتقد الامور من سيء الى اسوأ دتمشي وماكو احد يعرف مصيره المجهول مع الانتظار القاتل ولكن ارجع واكول اذا مكتوب ومقسوم واحد يسافر راح يسافر واذا لا لو يعمل المستحيل ماراح يصير السفر فيا اخوان عيشوا اللحظه واستمتعوا بالحياة في العراق العظيم الى ان تحين الساعه المنشودة.. محبتي للجميع

[عباس التميمي]

صحيح هل شي و عساس الطفله عراقية وهيج شي

[abo ali2015]

السلام عليكم شلونكم اخواني الاعزاء قبل قليل اتصلت بمدير الخطوط الجويه الاردنية والرجل ماقصر والله حاولت استفسر لكم اخوتي علمود خطوط الرحله الرحلات ماشيه ماعدا بغداد معلقه الرحله بيها لغايه 29/1 هذا حد علمه ولكم قالي ان شاء الله يوم 3/2 الرحلات ماشيه بأذن الله
حياتي الكم

[uae123]

إنشاءالله ترجع الخطوط تمشي

[مستر اكس]

اليوم خابروني وكالوا يوم الاحد تجي لمطار بغداد موعد سفر والله اعلم بعد

[uae123]

الله يسهل عليك اكتبلنا شنو يصير وياك

[مستر اكس]

الله يسهل عليك اكتبلنا شنو يصير وياك

ان شاء الله حبي بس اني خابروني وكالوا تجي الاحد ب 6 الصبح لمطار بغداد والله كريم

[amireo74]

وكال موعد الحباية يوم 1-2 الاحد والسفر يوم 2-2 وكال راح يتصل بيك واحد من العراق علمود ياكد لموعدويطيك موعد الطيارة ابيش الساعة يم المطار بس محد اتصل بية لحد اليوم واني ضليت معلك ممكن تطيني رقم العراقي الي اتصل بيك حته اتاكد منه فدوة العينك لان اجرت بيتي وبعت الغراض واني من خارج بغداد وهسة كاعد  يم كرايبي ابغداد فدوة وعدي عائله 7 نفرات ممكن رقم التليفون لان اتصلت ابعمان كالو اترك رسالة وتركت ومحد جاوب صار 4 ايام

[amireo74]

ان شاء الله حبي بس اني خابروني وكالوا تجي الاحد ب 6 الصبح لمطار بغداد والله كريم

وكال موعد الحباية يوم 1-2 الاحد والسفر يوم 2-2 وكال راح يتصل بيك واحد من العراق علمود ياكد لموعدويطيك موعد الطيارة ابيش الساعة يم المطار بس محد اتصل بية لحد اليوم واني ضليت معلك ممكن تطيني رقم العراقي الي اتصل بيك حته اتاكد منه فدوة العينك لان اجرت بيتي وبعت الغراض واني من خارج بغداد وهسة كاعد  يم كرايبي ابغداد فدوة وعدي عائله 7 نفرات ممكن رقم التليفون لان اتصلت ابعمان كالو اترك رسالة وتركت ومحد جاوب صار 4 ايام

[Ms.sabbah]

السلام عليكم اخواني اني تاجل سفري بيوم اللي انضربت بية الطيارة استلمت التكت ونتضرنة بصالة الانتضار وبلغونة بتاجيل الرحلة الى اشعار اخر رجعنة للبيت وخلف الله علية سايق المطار رجعنة للبيت ومقبل ياخذ فلوس المهم ثاني يوم انطوني موعد بعد يوميين من التاجييل وهم حضرنة نفسنة وخابرنة السايق نفسة وقبل لنطلع بنص ساعة خابرونة بتاجيل الرحلة واول البارحة خابرو الكفيل عل موعد جديد يوم 8-2 نطير والله كريم وهسة احنة مثل المهجرين كلشي ماكو بالبيت

[PUPPET]

وكال موعد الحباية يوم 1-2 الاحد والسفر يوم 2-2 وكال راح يتصل بيك واحد من العراق علمود ياكد لموعدويطيك موعد الطيارة ابيش الساعة يم المطار بس محد اتصل بية لحد اليوم واني ضليت معلك ممكن تطيني رقم العراقي الي اتصل بيك حته اتاكد منه فدوة العينك لان اجرت بيتي وبعت الغراض واني من خارج بغداد وهسة كاعد  يم كرايبي ابغداد فدوة وعدي عائله 7 نفرات ممكن رقم التليفون لان اتصلت ابعمان كالو اترك رسالة وتركت ومحد جاوب صار 4 ايام

اعتقد
 انت بالستة العصر يم  الساحة , لان بس طيارة بليل تغادر العمان  يوم 2 وهذا رقم
 حسين
07904344319

وسام

07903569347

تحياتي

[uae123]

حتى أصدقائنا انطوه رحله يوم 8 بالشهر والله كريم