دخيلكم اخوتي (غائب عالفحص الطبي )...استاذ حسين والاعضاء الخبرة

[USA MUSTAFA LOVE]

السلام عليكم
اخواني اعزائي احبابي اعضاء المنتدىاتصلت بيه مستشفى بار الاهلي في اربيل على مود فحص طبي السادس
لان الخامس صار اكسباير وكالولي بعد أسبوعين بالضبط عندك فحص بمستشفى بار
كتلهم اوكي ...كالو يعني خلاص اتبلغت كتلهم اي بعد اسبوعين ضبط انا يمكم...
اتفاجا اليوم فتحت موقع عمان كاتبيلي عالفحص الطبي ..( غااائب ).
شون ورطة معرف شسوي اخاف لايغلقون ملفي ...
احد كن صار عندة هيجي شي؟؟ ويحددولي موعد ثاني لو لا؟؟؟؟

[العراااب]

اخي اتصل على هذا الرقم و ادخل الرقم الفرعي مباشرة راح يكلمك موظف من القسم الطبي احجيله الي صار بالضبط
0096265625080
الرقم الفرعي 724

[تفرج]

اخوية لاتنطيهم مجال مكالمات وايميلات ترة صارت بولد اعرفة والولد اضبط من شغلتك راح فحص وصار كومبليت بلموقع ورى فترة تحول غائب وراهة انغلق ملفة وصار سنتين يراوح بمكانة وهو جان مكمل كلشي اخوية دير بالك اركض بلشغلة لاتفوت يوم لحد ما يسولك جارة

[USA MUSTAFA LOVE]

العراااب وتفرج
مشكووووورين الله يحفضكم وممنون
والله عدضرب اخماس ب اسداس ودايخ
والله صارلي 6  سنوات من قدمت وعدنتظر التجييك الامني
بلكت يكتمل...ادعولي الله يفرجها ولاينغلق ملفي
وانا بكل الاحوال راح اروح يوم 9 /2  على كلامهم واكللهم
انتو خابرتوني وكلتولي بعد اسبوعين فحصك ...والله كريم
راح اوافيكم بالتفاصيل
ارجو من كل عضو مر او سمع بهيج تجربة يعلمني بيها

[حسين الجبوري]

الاخ العزيز
ارجو ان تتصل بهم على الرقم الذي كتبه الاخ المحترم العراااب ويجب ان تراسلهم وتشرح القضيه على
ic@iom.int

السلام عليكم
اخواني اعزائي احبابي اعضاء المنتدىاتصلت بيه مستشفى بار الاهلي في اربيل على مود فحص طبي السادس
لان الخامس صار اكسباير وكالولي بعد أسبوعين بالضبط عندك فحص بمستشفى بار
كتلهم اوكي ...كالو يعني خلاص اتبلغت كتلهم اي بعد اسبوعين ضبط انا يمكم...
اتفاجا اليوم فتحت موقع عمان كاتبيلي عالفحص الطبي ..( غااائب ).
شون ورطة معرف شسوي اخاف لايغلقون ملفي ...
احد كن صار عندة هيجي شي؟؟ ويحددولي موعد ثاني لو لا؟؟؟؟

[عباس التميمي]

مثل كلام الاخوه
ب اختصار لح عليهم لا اضيع حقك و تعبك

[USA MUSTAFA LOVE]

الى اخوتي أعضاء المنتدى
شكرا لكم جميعا على مشاركتكم همي وحرصكم
اتصلت على الرقم اللي كتبلياه الاخ العرااب مشكوراً
وحجيتلهم اللي صار بالضبط
كالولي ماعليك من موقع عمان انت مازال اتصلو بيك المستشفى وحددولك
موعد فروح على موعدهم ..
وكال انا سجلت حالتك يمي
وكال خلال 10 دقائق من الان اذا ما خابرتك ف خلاص روح علموعد
وخلصت العشر دقائق وما جاني اي اتصال
فخلاص راح اروح علموعد واللي كاتبه الله يصييير.
وهمين ارسلتلهم ايميلات باللغة العربية والانكليزية اللي كتبلياه الاستاذ حسين
مشكووووورا شرحتلهم ووضحتلهم بيها حالتي..

[abo ali2015]

الله يسر امرك حبيبي اخ مصطفى وان شاء الله نسمع عنك الاخبار الحلوه
بس كان عندي سؤال يمته صار عندك الفحص الطبي فعال اقصد يمته انتهى ؟
علما اني انتهى عندي الفحص يوم 21/1 ودانتظر
تحياتي
ابو علي

[USA MUSTAFA LOVE]

السلام عليكم
الاخ العزيز ابو علي..
انا الفحص الطبي الخامس صار عندي اكسباير بتاريخ 19 /1 /2015
وخابروني على موعد فحص طبي يوم 25 /1 /2015
اعتقد وحسب تحليلي انو الملفات اللي محولين فحصهم الطبي على اربيل او سليمانية
يخابروهم مباشرة من يصير فحصهم اكسباير لان عدد الملفات على هذه المدن قليل نسبياً
بالمقارنة مع بغداد اللي اعداد ملفاتهم بالجملة...
ف اطمئن كلمن صار فحصه اكسباير راح يخابروه بس مسالة وقت مو اكثر..
وبالنسبة للفحص الطبي كل ستة اشهر ينتهي..

[USA MUSTAFA LOVE]

السلام عليكم
تحية طيبة الى كل الاعضاء اعلاه
بعدما راسلتهم بالايميل وخابرتهم تحول عندي الفحص الطبي في موقع عمان
من غائب الى فعال بعد الاتصال بيوم واحد وبعدها ب ثلاث ايام خابروني
من عمان مو من المستشفى هلمرة وكالي الموظف جيب قلم وورقة زسجل موعدك
ف حددلي موعد يوم 15 / 2 /2015
ورحت علموعد والحمد لله سويت الفحص السادس مالتي ويوم 16 تحول الملف
الى معلق وحسب ما اعرف انو الملف راح يظل معلق الى ان يكتمل عندي الفحص الطبي
وكنا كلتنا 4 ملفات ومجموع افراد الملف الكلي 10 وكان اكو ملف اخر من  اربع افراد
رجل ستيني وزوجته وشاب وشابة اولادهم.وكانت طيارتهم ساعة 4 الفجر من مطار
اربيل وجايين للمستشفى دياخذون الحباية...
مرة ثانية تحية حب واحترام وتقدير لكل اخوتي واحبتي الاعضاء اعلاه لجهودهم الرائعة
ومشاركتهم همي ولولاهم لغلق الملف مالتي علما اني تقديم 2009 وصارلي 6 سنوات
ومن شهر العاشر من العام الماضي مكمل كل شي وعلى التجييك الامني ماقبل السفر.والله كريم

[لورنس السفاح]

الاخ مصطفى ,, مبروك اكتمال الفحص الطبي وان شاءالله السفر القريب يارب
عندي سؤال بخصوص الفحص باربيل
هل اكو مشكلة بالدخول لاربيل لو يقتنعون بالفحص
لان سامع الدخول صعب هالفترة
لو انت ساكن اصلا باربيل
وهل يوجد فحص طبي في السليمانية ايضا ؟ لو اربيل فقط
تحياتي

[husseinsars]

اخي السلام عليكم الف مبروك لاجراء الفحص وانشاله يوم الي يكتمل عندك وتخلص وسافر اخي بلا زحمه عليك فد سوال يعني  الفحص متاكد يصير ست اشهر حتى في بغدا عندي ابني فحص بشهر الثامن 2014 اشو مكتمل بل الموقع شنو يعني اراسلهم لو بغداد تتختلف المده مال اكس باير والعنده معلومه ايفيدني اخواني واني شاكر لكن

[لورنس السفاح]

الاخ حسين
مالع علاقه اذا الفحص ببغداد او اربيل
ال2 تابعات لنفس المنظمة
والفحص فعلا بعد 6 اشهر يصير اكسباير وهذا شيء مؤكد
بالنسبة لابنك فاحص بشهر 8 اكيد بهذا الشهر حيكون فحصه اكسباير
تحياتي

[USA MUSTAFA LOVE]

السلام عليكم
الاخ العزيز لورنس
مو بس صعب وانما مستحيل
وانا من المغضوب عليهم من سكنة محافظة الموصل
ونازح خارج العراق حاليا ف طرت بالطيارة وجيت ل اربيل والرجعة
كانت بنفس الطريقة..
ويوجد كيس اخر ايظا من سكنة محافظة نينوى ايظا طلعلهم فحص وماكدرو يغادرون المدينة
لان تنظيم داعش الارهابي (سراق الاسلام) يمنعون اي مواطن من معادرة المدينة لاي سبب
حيث ان جميع السكان حاليا تحت الاقامة الجبرية...
اما بخصوص السليمانية لايوجد عندي معلومات ولكن حسب ما قريت احدى المرات
في موقع عنكاوا علق احد الاشخاص انو مسوي فحص طبي ب سليمانية والله اعلم

[husseinsars]

 مشكور اخي لورانس السفاح يعني شدكول اراسل المنضمه يعني اكتبلهم الفحص صار اكس باير  ولو ادوخك اخوي فحص بشهر السابع 2013  وبقه سنه يله راسلتهم  يله اتغير بل الموقع فعال واني منون منك اخوي الغالي

[USA MUSTAFA LOVE]

السلام عليكم
الأخ العزيز حسين
انا الفحوصات الطبية الخمسة الماضية مسويها في بغداد بمستشفى ابن البيطار وبمستشفى
بغداد الاهلي واول فحص سويته كان بمركز خاص مال فحص الطبي مال المنظمة...ولكن
بعد الاحداث الاخيرة في الاراق ولصوبة الذهاب الى بغداد .
قامت المنظمة بفتح مراكز فحص اضافية في مدينة أربيل.
وجوابا على سوالك ...قبل كانت مدة الاكسباير سنة كاملة. ..اما حاليا
ف الفحص الطبي راح يصير اكسباير كل ستة اشهر ضبط...
واجيانا قليلة ما يسوون تحديث عالملفات فتشوف بموقع عمان تخلص ال ست اشهر
 ويظل مكتمل بسبب عدم تحديث الموقع الالكتروني ولكن فعليا هو اصبح
اكسباير وراح يخابروك على موعد جديد قريباً
والله يباركلك واشكرك وان شاءالله الله ييسر امركم ونسافر سوية..

[husseinsars]

مشكور اخويه الغالي ربي يوفقك  والله ابني فحص  بل السابع 2013 وبقه سنه محد اتصل بيه فكمت وراسلتهم كتبتلهم الفحص صار اكسباير يله اتغير الموقع فهسه من قريت الفحص كل ست اشهر هم ابني فحص  الفحص الثاني بل الثامن 2014 وهم محد اتصل بيه واني ممنون منك اخويه الغالي

[USA MUSTAFA LOVE]

السلام عليكم
اخي العزيز
قبل كل شيء ملف ابنك في مراحل متقدمة لو لا؟؟
يعني مسوي مقابلة اولى ومقابلة محلفين؟؟ اذا جوابك كان ( نعم) ف بهاي الحالة
انا اكلك ابعثلهم ايميل واستفسر من عدهم وخصوصا اذا كانت امنيته بالانتظار..
اما اذا كان ملف ابنك في المراحل البدائية من ماراثون المنظمة..
ف اكلك ماكو داعي تراسلهم حالياً. .
راح تكلي ليش؟
 اكلك وحسب حالات وملفات اخرى اعرفهم اللي ملفاتهم بعدهم بلبداية
مو يبعثون عليهم على موعد فحص طبي جديد (مباشرة) بعد انتهاء الفحص
وانما مرات يتاخرون
اعرف ملف ناخرو7  اشهر كاملة بعد انتهاء صلاحية فحصو وبعد ذلك خابرو واعطو
موعد جديد..
تحياتي

[husseinsars]

السلام عليكم اخي اشكرك على المعلومه ربي يحفضك نعم ابني مكمل كولشي مقابل اولى ومحلفين وفاحص مرتين ونازله الولايه والمطار بس الامنيه بل الانتضار وحالة ملفه معلقه يمكن اتاخر على مود ملفي لان انغلق عندي وانفتح  واني هم مقابل محلفين بس من انغلق الملف رجعت مقابلة المحلفين غير فعال والنه الله  واشكرك اخويه ولو دوختك فيعني اراسلهم

[USA MUSTAFA LOVE]

السلام عليكم
تامرني اخي العزيز
نعم راسلهم وبلغهم بتاريخ نفاذ الفحص الطبي
اللي افتهمته من كلامك انو ابنك رابط قوي مع حضرتك
هذا هو سبب تاخر اجراء الفحص الطبي لابن حضرتك
حيث الان راح ينتظرون الى ان يحدث تغيرات جديدة بملفك
ويصير تقدم بي الى ان يتصلون ويحددون موعد جديد للفحص الطبي
لابنك.
مع هذا يمكنك مراسلتهم والاستفسار.

[husseinsars]

اخي السلام عليكم طبعن اني اشكرك على تعاطفك وياي واني اكون ممنون منك والله يااخي ماادري ربط اني وابني لان احنا اثنينا قابلنه  سويه اجت الموافقه لابني واني لاء دازين رساله الي رايدين مستمسكات واني مامنتبه على هاي الرساله المهم بقيت سنه اني ممراسلهم فمجنت اعرف انو اكو موقع وادخل عليه فاخويه هم عنده ملف وعلمني المهم دخلت على الموقع لكيت حالة الملف مغلق  من شهر الثالث2014 راسلتهم كالو بان انتصلنا عليك ومرديت جواب لازم اسوي استناف  سويت استناف بهيجي حاله ابني فحص مره ثانيه واكتمل عنده الفحص  بس حالة الملف معلقه عنده دزيت الاستناف انفتح ملفي صارت حالة الملف معلق ومقابلة المحلفين غير فعال بينما اني جنت مقابل وعندي مكتملة بل الموقع بس هاي شسوي كلما تخاطبهم ملفك قيد الدراسه البارحه اجتني رساله منهم دققنا ملفك في المعالجه والتنفيذ  انتضر اتصال على التحديث يعني ربطه قوي وياي ابني واني تعبتك اخوي وياي ربي يحفضك ويسلمك لان تعبنا وماعدنا صبر واني شاكر لك تحياتي