الى الاخوة خبراء اللجوء في كندا ؟

[ابو زمان]

السلام عليكم و رحمة الله وبركاته
احنه عائلة في تركيا مقبولين لاجئين
السوال هو هل يجوز التقديم على كندا وماهي افضل طريقة وكيف تكون علما ليس لدينا اقرباء ولا اصدقاء في كندا اطلب منكم اخوان تقديم النصح والمشورة جوزيتم خيرا
اخوكم ابو زمان المظلوم

[alwaleed88]

وعليكم السلام ورحمة الله وبركاته

أخي الكريم طالما حصلت على صفة لاجئ من المفوضية السامية لشؤون اللاجئين فبإمكانك التقديم على الكفالة الخماسية وهي أن يقوم خمسة أشخاص يحملون الجنسية الكندية بكفالتك لا يشترط أن يكونوا أقربائك
وإن لم تجد أشخاص في كندا فأنصحك أن تنتظر التوطين من المفوضية
أسأل الله لك التوفيق

[ابو زمان]

بارك الله بيك اخوي وكثر الله من امثالك يعني مايصير اقدم مباشر من السفارة الكندية بتركيا واعبي فورمات ؟

سوال ثاني انا لا اعرف اشخاص في كندا هل الكفالة الخماسية فيها تكاليف مادية او رسوم مالية يعني شنو الضرر اذا كفلوني خمسة من كندا ؟

سوال ثالث اذا كان ملفي مجرد تقديم استيطان بدون موافقة دولة الاستيطان هل يوجد تضارب اذا قدمت على كندا ؟

اطلب من اهل الخبرة التفاعل بالموضوع جوزيتم خيرا

اخوكم ابو زمان البولاني

[مهاجر بلدي]

اخي ابو زمان الغالي اني خالي في كندا واستفسرت منه على كل الامور صعبه لان لحد الان هو ديحاول يسحب ابنه البالغ ومديگدر ،،،،،،،،،،،اما الكفاله الخماسيه مثل متفضل اخي الوليد صح ،،،،بس محد يسويه لان لازم الكفلاء يكونون بنفس المقاطعه وثانيا لازم يتعهدووون للحكومه الكنديه بتحمل جميع نفقاتك الماديه لمدة سنه كامله واذا ملتزمو يحاسبهم القانووون الكندي
فهي هاي المشكله اما كتقديم مباشرة من السفاره فماكو هيج شي  ،،،،،،فنصيحتي الك انتظر التوطين احسلك ولدوخ لان اني قبلك دخت وحاولت بس صعبه وتره لتتصور بيوم وليله تطلع حتى اذا كفلوك خم اشخاص وگالو احنا نتكفل بنفقاته لمدة سنه تره اطول المعامله اقل شي سنتين

[outtoother]

السلام عليكم
أنا اويد كلام اخي مهاجر لان طريق الكفالة سوف يحتاج الى سنين و له متطلبات لنجاح الكفالة
فأنا أفضل الانتظار و المسير بطريق اليو ان يكون أفضل و بالإمكان ابلاغ اليو ان برغبتك بالتوطين في كندا بالأخص
اذا كان لديك أقارب في كندا

من خلال متابعتي فان الأشخاص تلجئ الى نظام الكفالة بعد ان ينقطع أمل اليو ان  و بالأخص عندما يحصل الشخص على رفض توطين او رفض من بلد معين

تحياتي

[ابو زمان]

بارك الله بيكم اخوتي وكثر الله من امثالكم جزاكم الله كل الخير
سوال لخوي مهاجر معلوماتك عن كفالة الكنيسة ؟

[مهاجر بلدي]

اخي العزيز ابو زمان الكفاله الكنائسيه طبعا بيه قوانين اني راح اشرحه الك بس ديربالك تبلش بيه اله اذا كان الشخص قريبك
اولا لازم الشخص مقيم في كندا او عنده جنسيه كنديه يروح على الكنائس المختصه بالكفاله وهي طبعا تكفل المسلمين والمسيح وكل الديانات بس من شروط الكنيسه ان يكون اللاجئ خارج بلده الاصلي مثل الكفاله الخماسيه وحاصل على صفة اللجوء الي احنا نسميه فسفوره ويجب ايضا ان يقوم قريبك بوضع مبلغ من المال تحدده الكنيسه بعض الكنائس تطلب 12 الف دولار وبعضها اكثر ،،،،راح تسألني شنو هذا المال ،،،،هايه الفلوس حتى من تجي انته الى كندا الكنسيه تصرف منه عليك لمدة سنه لان اول سنه انته مالك راتب او مساعدات من الحكومه الكنديه وبعد السنه تگدر تقدم على المساعدات ،،،،،،وايضا الكفاله الكنائسيه تاخذ فتره طويله مو اقل من سنتين وتحياتي الك اخي ابو زمان

[ابو زمان]

مشكور وماقصرت بارك الله بيك وبكل شخص رد ع الموضوع
ومعناه التقديم لكندا صعب حيل الله يفرجها ع جميع