السلام عليكم
بهاي الايام اللي فاتت ولد صديقي هو واخو نصبوا عليا بمبلغ ١٣٠٠٠ دولار علساس يطلعوني وانكمشت ومصارت وغلقوا ارقام تلفوناتهم والفيسبوك وكل وسائل الاتصال وكبلها كلولي شاريد تسوي سوي فلس احمر مننطيك من فلوسك
هسة اني ش اكدر اسويلهم
يعني اشتكي عليهم بالسفارة ولو هي ماكو سفارة بلجيكية بالعراق
لو اذا اشتكيت اني اتاذة
او مثلا انحرم بعد من السفر الى اي دولة لان مثلا يصير على اسمي علامة
طبعا اني عندي صورهم وتسجيل صوتي الهم وعنوان بيت واحد منهم ببلجيكا وارقام تلفوناتهم البلجيكية وجوازسفر بلجيكي عندي مزور همة مسويليا وعندي تصويرات من همة ديعرضولي الجنسية والجواز بيهن وطالع صوتهم بالتسجيل وواحد من التسجيلات اعتراف بي كامل انه همة مهربين
اتمنى من اصحاب الخبرة يساعدوني ش اسوي هسة
طبعا للعلم اني طلعت بجنسية مزورة وجوازي العراقي الاصلي والجواز البلجيكي المزور ما اخذته لان هو المهرب كلي خلي للمحاولة الثانية اخاف تفشل الاولى ولو هي مستحيل راح تفشل
طبعا من لزموني صادروا الجنسية ورجعولي جوازي العراقي والجواز البلجيكي اصلا هو بقى بالعراق من سافرت ما اخذته وياية حسب توجيهات المهرب
