اخ باسم صدكني سجلت بالمنتدى حتى اجاوبك وتحياتي للجميع طبعا’ انا كنت مقيم بالامارات وشغلي ممتاز لكن اعترف اخذني البطر واخذت فيزا واجيت اني وعائلتي لامريكا وصارلي سنتين كلشي ممحصل لاجواب ولا لجوء وصرفت 80% من الي جمعتهم بتعب سنين واذا تسأل ليش فالتفاصيل جدا معقدة هاي شغلة والشغلة الثانية لو تحسب حساباتك مضبوط وتتاكد ان تكدر تتحمل بدون عائلتك فترة غير محددة واتحدى أي واحد بالعالم يكدر ينطيك الفترة ولا حتى تقريبا, يكون افضل لان مراح تخسر شي غير الفراك ويا العائلة والعيش عزابي واهناالأطفال بالمدارس والأمور ماشية لكن طبعا بالبداية لازم انت تجي وياهم حتى اترتب امورهم من تسجيل مدارس وايجار سكن مناسب واثاث وترتيب القضية ويا المحامي ولازم الاهل من النوع الي تحسن تدبير الأمور مو بس المادية واليومية والمقابلة مال اللجوء لان اهنا وعن تجربة (ميحك ضهرك غير ضفرك), هسه راح تسال اذا اني ندمان لهذي الدرجة ليش مترجع , جوابي سهل جدأ لان اقامتي انلغت بعد مرور 6 شهور من المغادرة حسب القوانين, بالمناسبة هذا الوضع ويايه لكن اعرف ناس بشهرين خلصو كل امورهم لكن كان عدهم هويات مشتغلين ويا الجيش الأمريكي بالعراق قبل مايرحون للامارات, هذا والله يوفق الجميع ويرجع العراق حتى يكون عدنه بلد انخلي بقائمة الأماكن الي نرجعلها من نحتار.و يمكن راح تسال اني بيا ولاية الجواب مو مهم لان مواصفات كل ولاية موجودة عالنت تكدر اتشوف أي وحدة اتناسبكم من كل النواحي وقوانين اللجوء بكل الولايات نفس الشي وابتعد عن العرف لان اول شي راح يبيعلك سيارته الي شالعه قلبه هههههه , والسلام عليكم
