وصلت الى امريكا . ولكن .؟

[احمد البغدادي55]

السلام عليكم
الحمد الله وصلت لـ امريكا قبل ايام
خط رحلة بغداد عمان المانيا امريكا
ووصلنة بخير وسلامة تكساس
ووصلت للولاية سان انطونيو
استقبلني كفيلي وداني للمجمع الي منظمة ماجريلي
وهنا الطاما الكبرى
بمجمع تعبان كلش بغض نضر على الناس كلة مكسيكان تطلع اطب يباوعلك بتك عين يدور حرشة يعمي جنة ابغداد وين ندور عليك بس يلا مكان يحكم لاازم نبلعهه
ثاني يوم اجاني كيس وركر كتلة هيج وهيج مجمع معاجبني واريد اغير كلي ماكو غيره ووين تروح ولاازم نروح للمنضمة توقع اوراقك لحيت عليه  ماكو نتيجة كفيلي عنده شغل واهنا ابو عائلة تعرفوه شلون يدوخ
ما بل يد حيلة غير اوقع الاوراق وقعت اوراق صرفولي جيك 200 دولاار من ويلكم والباقي بقة عدهم ماعرف باقي يحسبوهه ويصرفوهه على ايجار مادري يرجعوه اطرش بل زفة ( الي عنده معلومة على ايجار )
اتصلت بل كيس وركر كتلة اريد اغير بعد ماكدر ضلمهه عليه وقعت عقد وهاي غرامة
وهسة اريد اروح لدالاس اسكن هم لاازم اتحمل هل 6 اشهر يلا اغير او اكو طريقة تنصحوني بيهه
تحياتي لكم

[عراقي مغترب]

اولا حمدا لله على السلامة.  اخى الغالى انت لازم تحمد الله الف مرة لما دخلت امريكا لان اللجوء هاى الايام صعبة جدا لا تعتمد على المساعدات وهذا عجبنى وهذا ما عجبنى انت على الاقل سنة لما تستقر تمنياتى لكم بالموفقية

[atheer jbaar]

اخي العزيز اني تقريبا وصلت قبل 3 اسابيع لولاية تينيسي ( ناشفيل )  المهم خلوني بشقه فسالت الكيس ووركر كلتله يصير اغيرها اذا معجبتني كالي عادي يصير بس لازم تنطينه خبر قبل شهر او اكثر ...  والحمد لله امس استلمت ورقة العمل والسوشل سكيورتي والفود ستامب ...  تحياتي الك

[ابو الامراء]

الف مبروك وصولك بالسلامه وسبق ان كتبت ان تكساس لا تفيد العراقيين لكثرة المكسيكيين والسود والجو في الصيف حار ورطب وكثرة الجريمه فيها والحشرات في كل مكان والمساعدات 3 اشهر فقط صحيح الواحد ما يعتمد عليها لكنها في البدايه تفيد بين ما تطلع اوراقك وتكدر تشتغل وللعلم ان اقاربي سافر يوم 1/21 ووصل بالسلامه الى بافلو وقي قريبه من شلالات نيكارا 45كم والجو بارد وثلوج واستقبله ابن عمي والكيس ووكر وتعجب من اخلاق الكيس ووكر والمكان والناس هناك يبتسمون بوجهك والان ينتظر السوشيل لكي يستطيع العمل علما ان المساعدات 8 اشهر وقال انه سوف يجمع المال خلال هذه الفتره علما ان لغته ضعيفه وسيدخل لغه على حساب المنظمه وغيرها

[ابو فرقان]

اخي كتبت مثير ان تكساس ماساة الابو العائلة. ليش وقعت الاوراق المفروض متوقع لو يموتون ولا تخاف منهم والله العب بيهم طوبة. الشرط الجزائي الوحيد انو تبلغهم قبل شهرين من تريد تطلع والغرامة 80% من ايجار شهر. الطامة هي منو ياجرلك لانك جديد الا يكفلك شخص يعني يوقع وياك العقد. او تنطي مقدم مال كم شهر والله اعلم.

ابو فرقان منيسوتا

[ابو زمان]

الف مبروك اخوي احمد
المفروض متوقع اخوي ترفض الشقة اذا تعبانه
وغصبا عليهم يبدلوه بس سؤال اخوي يعني ولايتك تعبانة وردت اتغير ؟

[Hasan&Yaseen]

اخي العزيز بعد ما تجد المجمع المناسب والي يقبل ياجرلك توقع العقد الجديد وياه ، بعدها تكسر العقد مع المجمع القديم وتدفع الغرامة من جيبك .

[ضياع]

حمدلله على السلامة اخي بصراحة ماعرف شكولك الله يساعدك

واني كل الي اعرفة اقاربي ب دالاس وكلش مرتاحين وكاعدين بمجمع راقي مغلق ميفوت بي اي غريب

وبلنسبة الحالتك بنت عمي مرت بيها بس ب شيكاغو والحل كان انه مثلو ع المنظمة انه تعاركت هية وية زوجها يم المنظمة

وكلتلة مستحيل اعيش بهيج مجمع وكامت تبجي وتصيح طبعاً كلة تمثيل

ف جبرتهم تغير سكنها بس طبعاً على حسابها تكملة الاجار لان اجرت ب حي راقي ومابي سود

ف يااخي خلي زوجتك تتخذ هيج اجراء لان تعرف همة عدهم ال مرأة فشي هية وحقوقها

والله يوفقك يارب

[العراقي13]

الحمد لله على سلامتكم والف مبروك وصولكم لامريكا ...اخي الكريم من البدايه حضرتك عرفت ان المكان غير ملائم المفروض ما توقع اي عقدوتبلغهم يانك تريد تنتقل لغيرمدينه بهذه الحاله فقط سوف تخسر ايجار التامين السيكيورتي وايجار شهر واحد وتستلم مستحقاتك من الويلكم يقطعون منها المصروفات لتاثيث الشقه وتستلم الباقي وتنتقل الى دالاس وسوف تكون تكاليف النقل عليك ..لكن المشكله مثل ما تفضل الاخ ابو فرقان شلون تحصل شقه للايجار بدلاس وانت جديد لازم يكون اكو كفيل او تذهب الى المنظمة في دالاس حتى تكفلك وعلى الغالب ان المنظمة الجديده سوف لن تساعدك لانها اصلا لم تستفيد منك شيئا ..فهذه المشكله الوحيده التي سوف تواجهك ....اما الان وانت وقعت العقداسلم حل تنتظر انتهاء العقد وتحول او تكسر العقد وتدفع الغرامه المنصوص عليها بالعقد....نصيحه دائما البدايه صعبه وربما صدمه لكن بمرور الزمن تتأقلم وتتحسن الامور ..والسبب هو لان كل ما حولك هو غريب عادات وتقاليد ومجتمع وطريقة الحياة والمعيشه ...رجاءا امنح الفرصه لنفسك ولا تستعجل الامور كمل اوراقك واجراءاتك وبعدين فكر بهدؤ لان الانتقال ليس بالسهوله التي يتصورها البعض ...اتمنى لك التوفيق والنجاح ان شاء الله ...

[حسين الجبوري]

الحمد لله على سلامة الوصول اخي الكريم ونورت كل امريكا

السلام عليكم
الحمد الله وصلت لـ امريكا قبل ايام
خط رحلة بغداد عمان المانيا امريكا
ووصلنة بخير وسلامة تكساس
ووصلت للولاية سان انطونيو
استقبلني كفيلي وداني للمجمع الي منظمة ماجريلي
وهنا الطاما الكبرى
بمجمع تعبان كلش بغض نضر على الناس كلة مكسيكان تطلع اطب يباوعلك بتك عين يدور حرشة يعمي جنة ابغداد وين ندور عليك بس يلا مكان يحكم لاازم نبلعهه
ثاني يوم اجاني كيس وركر كتلة هيج وهيج مجمع معاجبني واريد اغير كلي ماكو غيره ووين تروح ولاازم نروح للمنضمة توقع اوراقك لحيت عليه  ماكو نتيجة كفيلي عنده شغل واهنا ابو عائلة تعرفوه شلون يدوخ
ما بل يد حيلة غير اوقع الاوراق وقعت اوراق صرفولي جيك 200 دولاار من ويلكم والباقي بقة عدهم ماعرف باقي يحسبوهه ويصرفوهه على ايجار مادري يرجعوه اطرش بل زفة ( الي عنده معلومة على ايجار )
اتصلت بل كيس وركر كتلة اريد اغير بعد ماكدر ضلمهه عليه وقعت عقد وهاي غرامة
وهسة اريد اروح لدالاس اسكن هم لاازم اتحمل هل 6 اشهر يلا اغير او اكو طريقة تنصحوني بيهه
تحياتي لكم

[احمد البغدادي55]

شكرا لكل الردود والله يبارك بيكم وان شاء الله التوفيق بحياتكم
صحيح الغلط من وقعت  العقد بس مكان اكو اختيار ثاني ووين اروح وخصوصا احنا 5 ايام بل طريق بيومهه صادفت العاصفة ثلجية بنيو جرسي وتاخرنا
المهم الحمد الله على كل شي
والمشكلة الاكبر الي ويايةصارله شهر قبل وضاربها بجلاق بنات وسهرات هيج حالة لاازم اتحملة لحد 6 اشهر
اتصلت بل منضمة ضلموهه وين تروح ونفس شي
سؤالي لاخوتي اذا صبر فد 3 اشهر اكمل كل اوراقي وبعدها اريد اغير شكد ادفع تقريبا مال عقد غرامة وابقى ادفع ايجار لمدة 6 اشهر اهنا بما اني اذا اشيل منا ؟؟
شكرا لكم