رحلتي الى اميركا

[Hasanmatrex]

السلام عليكماخواني الاعزاء راح اتكلم الكم عن رحلتي الى امريكا بكل التفاصيل..اتصلو بينا المنظمة باربيل على موعد السفر بعد ان اكملنا الفحصوات واخذنا الحبايه اتجهنا للمطار الساعه ٢ بليل اجا الولد ابو منظمه..طبعا كال بتلفون انو كل شخص جنطه عشرين كيلو مزيد غرام ..والي شفنا بلمطار انه مسموح الى ٢٣ كيلو وكال جنط هاند باك مسموح خمسه كيلو وطلع اصلا محد راح يوزن الجنطه كلاوات ..المهم نطانا التكت وراح بعد مشافنا ..توجهنا لعمان وصلنا بخمسه وربع صبح كان باستقبلنا واحد من المنظمه اسمه جمعه..ومادراك ماجمعه..اول موصلنا استقبلنا وقعنا على اوراق بدون منعرف شنو بعدين قرينها طلعت مال فلوس تكت تعهد انه ندفعه بلاقساط..الصدمه هنا كال اخوان ترانزيت ١٨ ساعه!!!!! طبعا اني واخويه ميهمنا نام بلكاع عادي بس مشكله  والدتي وزوجتي مرضه واخي صغير كلش ميتحمل ..طلبنا من ابو منظمه جمعه افندي قندق ..كال ممنوع فندق احنا منكدروقانون منظمه ميسمح..كلنا اله احنا ندفع فلوس ..كل لعد اني حرتبه الكم..الفقره انه احنا منعرف اكو فندق مال مطار بداخل صاله بعد متين متر عنا لانه هو كلنا جمعه انه مسدود وبي مشاكل ومن هلحجي..راح جمعه وجا جاب ويا ثنين ولد كال هذوله يشتغلون بلفندق وكدرنا ندبر الكم فندق اليله ب ١٠٠٠ دولار للعائله طبعا احنا رفضنا..اخذني جمعه على صفحه وهنا لعب قلبي  ..كال انته ضبط الشباب وهمه يدبرون الك خوش فندق..كتله شون اضبطهم كال ادفعلهم ويضبطون الك حجز..اني طبعا راسا كتله اوكي لين ماعندي حل والدتي ضغط وسكر وكلش تتاذه..المهم من راح فكرنا بلموضوع اني واخويه كلنا خاف يريد يسوي النا مشكله ودفعو رشوه ومن هلحجي فكتله منريد شكرا..وكضينا ١٨ ساعه نايمين بلكاع..نطونا وجبات اكل صح طيبه بس اني زوجتي تسممت ومن رحنا ناخذ اله دوه من صيديله المطار ابو الصيدله ساله شماكله كلتله من فلان مطعم راسا كال اني هم مسمم بي انه مو كلش اكله نظيف..البلوه الثانيه انه اني واخويه قبل منسافر بكم ساعه دنتمشه واكتشفنا انه فندق موجود يمنا واحنا مشايفي طبينا بي وكدرنانسوي حجز ٣ ساعات ب١٢٧دولار لشخصين..الي وحتله طويله يكدر يروح عليه لا تعتمدون على منظمه لين كله حجيهم جذب مع الاسف ..وطبعا كالو حيجون عليكم ويطمنون عليكمو ١٨ ساعه ماشفنا بشر منهم..المهم رحنا لفرنسا هم ترانزيت ست ساعات..ورها رحله لميامي ١٠ ساعات سوه..وصلنا استقبلونا  سوو النا كل الاوراق من ضمنه ختم عجواز مصرح له بلعمل ..واخذونا الى البيت الكفيل الي هو خالي..لانه مقبل انه همه ياجرون لين كال مناطق الي ياجرون بيه تعبانه..وهسه حنطلع سوشلسكيورتي نمبر واكمل الكم بعدين باقي تفاصيل

[undertaker]

حمد لله على سلامتكم وشاركنا باخبارك بعد الوصول ..

[USA MUSTAFA LOVE]

السلام عليكم
الف الف الف الف مبروك وان شاء الله بالتوفيق بحياتك.
سؤال:
اذا ممكن شكد طولت عندك فترة (التجييك الامني) في حالة ( الانتظار) قبا ان تتحول الى مكتمل؟

[TOFEE.US]

الف الف مبروك والحمدلله على السلامة

[Hasanmatrex]

شكرا جزيلا اخواني..والله ماعرف سكد طولت مال تجيك بس هي بس صارت مكتمل راسا عدت الفحص وساقرت

[ابو الامراء]

مبروك والحمد لله على السلامه

[AbooReem]

الحمدلله على السلامة..اتمنالكم التوفيق

[dododoo]

حمدالله على سلامة الوصول والف مبروك

[ابو مؤمــل]

الحمد لله على السلامة والله يسهل امركم ان شاء الله

[حسين الجبوري]

الحمد لله على السلامه ونورت كل امريكا

السلام عليكماخواني الاعزاء راح اتكلم الكم عن رحلتي الى امريكا بكل التفاصيل..اتصلو بينا المنظمة باربيل على موعد السفر بعد ان اكملنا الفحصوات واخذنا الحبايه اتجهنا للمطار الساعه ٢ بليل اجا الولد ابو منظمه..طبعا كال بتلفون انو كل شخص جنطه عشرين كيلو مزيد غرام ..والي شفنا بلمطار انه مسموح الى ٢٣ كيلو وكال جنط هاند باك مسموح خمسه كيلو وطلع اصلا محد راح يوزن الجنطه كلاوات ..المهم نطانا التكت وراح بعد مشافنا ..توجهنا لعمان وصلنا بخمسه وربع صبح كان باستقبلنا واحد من المنظمه اسمه جمعه..ومادراك ماجمعه..اول موصلنا استقبلنا وقعنا على اوراق بدون منعرف شنو بعدين قرينها طلعت مال فلوس تكت تعهد انه ندفعه بلاقساط..الصدمه هنا كال اخوان ترانزيت ١٨ ساعه!!!!! طبعا اني واخويه ميهمنا نام بلكاع عادي بس مشكله  والدتي وزوجتي مرضه واخي صغير كلش ميتحمل ..طلبنا من ابو منظمه جمعه افندي قندق ..كال ممنوع فندق احنا منكدروقانون منظمه ميسمح..كلنا اله احنا ندفع فلوس ..كل لعد اني حرتبه الكم..الفقره انه احنا منعرف اكو فندق مال مطار بداخل صاله بعد متين متر عنا لانه هو كلنا جمعه انه مسدود وبي مشاكل ومن هلحجي..راح جمعه وجا جاب ويا ثنين ولد كال هذوله يشتغلون بلفندق وكدرنا ندبر الكم فندق اليله ب ١٠٠٠ دولار للعائله طبعا احنا رفضنا..اخذني جمعه على صفحه وهنا لعب قلبي  ..كال انته ضبط الشباب وهمه يدبرون الك خوش فندق..كتله شون اضبطهم كال ادفعلهم ويضبطون الك حجز..اني طبعا راسا كتله اوكي لين ماعندي حل والدتي ضغط وسكر وكلش تتاذه..المهم من راح فكرنا بلموضوع اني واخويه كلنا خاف يريد يسوي النا مشكله ودفعو رشوه ومن هلحجي فكتله منريد شكرا..وكضينا ١٨ ساعه نايمين بلكاع..نطونا وجبات اكل صح طيبه بس اني زوجتي تسممت ومن رحنا ناخذ اله دوه من صيديله المطار ابو الصيدله ساله شماكله كلتله من فلان مطعم راسا كال اني هم مسمم بي انه مو كلش اكله نظيف..البلوه الثانيه انه اني واخويه قبل منسافر بكم ساعه دنتمشه واكتشفنا انه فندق موجود يمنا واحنا مشايفي طبينا بي وكدرنانسوي حجز ٣ ساعات ب١٢٧دولار لشخصين..الي وحتله طويله يكدر يروح عليه لا تعتمدون على منظمه لين كله حجيهم جذب مع الاسف ..وطبعا كالو حيجون عليكم ويطمنون عليكمو ١٨ ساعه ماشفنا بشر منهم..المهم رحنا لفرنسا هم ترانزيت ست ساعات..ورها رحله لميامي ١٠ ساعات سوه..وصلنا استقبلونا  سوو النا كل الاوراق من ضمنه ختم عجواز مصرح له بلعمل ..واخذونا الى البيت الكفيل الي هو خالي..لانه مقبل انه همه ياجرون لين كال مناطق الي ياجرون بيه تعبانه..وهسه حنطلع سوشلسكيورتي نمبر واكمل الكم بعدين باقي تفاصيل