طلب اللجوء للمغتربين

[مريم مصطفى]

السلام عليكم
اخواني الاعزاء اريد اسأل يابلد فاتح اللجوء حاليا للعراقيين لاني سمعت السويد سدت حاليا ،وبالنسبة للنرويج ممكن تنطي لجوء حاليا ...اخواني اذا شخص قال اني جاي من بلد عربي مو من العراق ممكن ينطوه لجوء طبعا عائلتي مضطرة تقول هذا الشي لانة شهاداتي اني واخوتي كلها مو من العراق وما نعرف شي عن العراق ...مع العلم احنا بليبيا واصلنا من بغداد .

[Edy Simon]

السلام عليكم
عزيزتي الاخت مريم وعليكم السلام والرحمة والاكرام او نورتي المنتدى
او كل الهلا بيج في بيتج العينكاوي؟
اخواني الاعزاء اريد اسأل يابلد فاتح اللجوء حاليا للعراقيين.
ابصراحة اختي الكريمة بالدول الاوربية حسب معلوماي انه
انه بس فلندة فاتحها الى جميع العراقيين على مختلف اطيافهم؟

 لاني سمعت السويد سدت حاليا ،وبالنسبة للنرويج ممكن تنطي لجوء حاليا,.
هذا بالنسبة الي العراقيين من الاقليات المسيحية والصابئة واليزيدية
ايضا ومن المناطق المنكوبة بالوقت الحاضر؟
 ...اخواني اذا شخص قال اني جاي من بلد عربي مو من العراق ممكن ينطوه لجوء طبعا عائلتي مضطرة تقول هذا الشي لانة شهاداتي اني واخوتي كلها مو من العراق وما نعرف شي عن العراق ...
بصراحة تتوقف على الدولة العربية الليجايا منها او ليبيا بالوقت
الحضر امورها تعبانة وهناك امل ان تحصلون على حق اللجوء؟
مع العلم احنا بليبيا واصلنا من بغداد .

اكيد اذا اصلكم من بغداد او العراق او هاجرتو الى ليبيا
لانه بهذاك الوقت كانت الامور في ليبيا افضل من العراق؟

بالوقت الحاضر اصبحت الحالة الامنية في ليبيا امر من العرق؟

تقبلي تحياتي
جوسي البغدادي اسشتاري الاجئيين والمهجريين المانيا

[مريم مصطفى]

اشكرك اخي edy simon على اجاباتك
يعني افهمك من كلامك ان بس فنلندا تنطي لجوء للمسلمين وباقي الدول ماتنطي لان هواية ناس نصحونا نبعد عن فنلندا بسبب جوها البارد كلش لان امي مريضة بالمفاصل وماتتحملل هذا الجو ..والنسبة للقضية الي نقولها ضروري تكون مأساوية وصعبة ومنين نجيب دليل اذا يريدون ادلة .اشكرك جدا

[marwan iraq]

اختي  لا يوجد دولة فاتحة لجوء ودولة اغلقت باب اللجوء كثير من الناس يفتهمون الموضوع بشكل خاطئ .
اللجوء مفتوح في كل دول اوربا الموقعة على اتفاقية دبلن وهي ملزمة بالقانون باستقبال اللاجئين . اما مسألة منح اللجوء فهي تعتمد حسب الدول التي ترومين التقديم فيها فبعضها قد صنف العراق بلد آمن ولا تعطي اللجوء باستثناء الشخص الذي لديه قصة قوية . وبعضها صنف بعض محافظات العراق على اساس انها ساخنة والاخرى آمنة وهكذا .
اما الدول التي تعتبر متسامحة مع ملف العراقيين وفيها نسبة قبول عالية جدا فهي بالدرجة الاولى فنلندا . ثم تليها النمسا وبلجيكا ولكن بنسب أقل بكثير من فنلندا ولكن قياسا بباقي دول اوربا فنسبة القبول في هاتين الدولتين تعتبر جيدا نوعا ما . اما في باقي الدول كالسويد والنرويج يوجد فيها لجوء ولكن نسبة القبول ضعيفة وتعتمد على القصة .
اتمنى ان تكون الصورة قد اتضحت اختي .

[((الدكتور))]

السلام عليكم . اختي اني هم مثل حالتج وعايش حالين باليبيا وقررت في شهر 4 انشاءالله اطلع لفلندا عن طريق فيزا شنقن اليونان . سؤالي هل فلندا انسب مكان لطلب اللجوء بالنسبة للعراق حالين . وشن الاسئلة الي ممكن ايسئلونياه في تحقيق ؟ مع العلم ان فيزة شنقن ماخده من 2013 وصالحه الي 2015لشهر 8 باقي بيه 25فقط يوم وهي متعددة اذا طلعت بصمة شن المعلومات الي تظهرلهم علياا؟. شكرا واسف علي الاطالة تحياتي ^^