قصتي وياها ..

[bid]

 

         قصتي وياها منسيه ..


هيى لامو هيى         هيى يمكن هيى

اصبر ياقلبي اشويه     اشخلاها تمر بيا

وانت زين..زين تدري    قصتي وياها منسيه

        هيى لامو هيى ..

ياكلبي كول اشجاك    حاير ومحيرني وياك

اتركها بالك تسأل        ترا اني منك ازعل   
       
وانت زين..زين تدري      قصتي وياها منسيه

        هيى لا مو هيى ..

ياكلبي انا اترجاك        خايب لا تحن تشتاك

ارحمني كافي اتمهل    نظرتها ما اتحمل 

واانت زين..زين تدري      قصتي وياه منسيه

         هيى لا مو هي..

ياكلبي يكفي فراك       ضيعت عمرك تراك

حاجيها ليش الخجل     لبابك نصيبك وصل

وانت زين..زين تدري   قصتي وياها بس هيه

         هيى لامو هيى ..



            حكمت البيداري
              2.12.1999   
http://albidari.friendsofdemocracy.net/

[sarina patio]

اخي العزيز حكمت
رائعه هي مشاعرك وكلماتك
على هذا الموضوع الجميل


تقبل مني هذة الكلمات لكاظم السهر


يدك

يــدكِ التــي حـطـت على كتفي
كـحـمـامـة نـزلـت لـكي تشرب
عـنـدي تـسـاوي ألـف أمـنـيـة
يـا لــيــتـها تـبـقـى ولا تـذهـب
الشمس نــائــمـة عـلى كـتـفـي
قـبلتها ألـفـاً .. ألفا ولـم أتـعـب
تلـك الجـمـيـلة كيف أرفـضهـا
من يرفض السكنى على كوكب
قــولي لــهــا تمضي برحـلتها
فلها جميع .. جميع ما ترغب
تـلـك الجـمـيـلـة كيف أقـنـعها
إني بها معجب .. بها معجب
يـــدك الصغـيرة طـفـلة هربت
مـــاذا أقــول لــطــفــلـة تلعب
أنـــا ســاهر ومعي يــد امرأة
بيضاء هل أشهى وهل أطيب

سارينا

[bid]

       لا والله لا اشهى ولا اطيب ..


  ودامت يداك يا اختي العزيزة .. البيداري

[aboMareo]

أخي العزيز حكمت البيداري عجبتني كلمات هذا الشعر وأني راح أجاوبك بشعر من أشعاري القديمة الي كانت منتدى عنكاوا سابقاً ..أرجو أن تنال رضاك ..


*  سنين عشرتي وياها  *

سنين عشرتي وياها   ***  تهواني و َكلبي يهواها
ما أدري شغيرها عني ***  ما أدري شغير هواها

سنين حُب وشوق ولهفة   
تغيرت حبيبتي عني صدفة
حرام يا دنيا وألف وسفة   
تنساني لحظة لو أنساها
*  سنين عشرتي وياها  *

سهرتني ليالي وشغلت تفكيري   
حسستني بالذنب وأنبني ظميري
وشفت ما ألها عذر تحب غيري   
ومن دون أسباب  أجة جفاها
  *   سنين عشرتي وياها  *

صنت المحبة ووفيت بوعدي والعهد
أكثر من روحي وَكلبي شنطيها بعد
أمنت بحُبي ألها مثل أيماني بيوم الأحد
وألله ألي يعلم بمعَـزتها وغلاهــــا
      *   سنين عشرتي وياها  *

نسَت عشرت سنين بلحظة وَكالت كُلمن يروح بطريقة
َكلت ألها هم زين أنكشفت أوراقج وبينتي على  حقيقة
للأسف خيبتي ظني جِنتي بَكلبي أهلي وحبيبتي وصديقة
وأخر كلامي ألجِ وسفة وحرمات أنتي الي جِنت أهواها
          *  سنين عشرتي وياها  *



† ليحميكم الرب †

              أخوكم / أبو ماريو

[bid]

ياسلام يا ابو ماريو

  طلعت انته اضرب مني بالشعر الشعبي
 
  والحب والغرام واللوعه واني ما ادري .

  لا عيني لا . لازم ادير بالي زين من هسه وغاد .
 
  تسلم . وعاشت ايدك وكلماتك الحلوه .


  حماك رب السما       وعدوك  صابه  العمى

   يابو  ماريو   ياطيب        يل حبك يروي الظمى ..



                  اخونخ .. البيداري
 

[aboMareo]

ههههههههههههههههه تسلم أخوني العزيز حكمت البيداري ... بس يابا أنت هم ما مقصر ما شاء الله  والدليل أبداعتك اليومية .


أخ عزيز أنت  و بوسط الـًكلب مكانك   ** يا حكمت يا بيداري  ** أنت الوحيد ألي تحس بناري

لأنك شاعر  كبير والدليل كلامك و حنانك  **  تمنيتك تكون جاري ** وأحجيلك على قصتي ويا أشعاري  .


أخوك/ مهند شليمون

[bid]

عزيزي ابو ماريو الورد .

انا حاضر وبالخدمة لكل ماتطلب . 

 حماك الرب

  البيداري