عجيب أمور غريب قضية !! مواعيد المقابلات في القنصلية الامريكية في أربيل ؟

[maltay]

السلام عليكم
يا جماعة هاي شنو اللي ديصير صار لي شهر تقريبا يعني من بداية شهر 2015/2 أراقب المواعيد المتاحة لكي أحجز موعد لمقابلة فيزة الزيارة الى أمريكا .. علماً أني يوميا كل خمس دقايق أراقب المواعيد في قنصلية أمريكا في اربيل وماكو مواعيد متاحة ... لكن قبل شوية شفت المواعيد بشهر 2015/3 صار كلها محجوزة .. عجيب والله يعني بين ليلة وضحاها هذا الشي صار .. شنو جماعتنا علمهم البرتيل ( البخشيش ) سمعت أكو مكاتب عدهم تنسيق ويا القنصلية يحجزون المواعيد .. أتمنى اللي يعرف شي عن هذا الموضوع ان يشارك برد . وجزاكم الله الف خير .

[ابو باقر]

مشكله حقيقيه أتصور الجماعه مرتبين ويه مكاتب النقل لان يبيعونها بسعر أعلى

[Ur akkad]

برايي احجز اي موعد قريب متاح لك ولا تتاخر بالحجز لان المواعيد حتكون بعيدة اكثر ولا تنسى الصيف جاي وعطل المدارس والناس ديقدمون على فيز فانت مخسران شي احجز وضبط امورك

[maltay]

برايي احجز اي موعد قريب متاح لك ولا تتاخر بالحجز لان المواعيد حتكون بعيدة اكثر ولا تنسى الصيف جاي وعطل المدارس والناس ديقدمون على فيز فانت مخسران شي احجز وضبط امورك

[maltay]

اخي العزيز Ur akkad  أني شلون احجز يعني كل ما افتح صفحة المواعيد كلها حجز ..  لازم اروح ع المكاتب وهم يتفلسفون عليه ويأخذون مني مبلغ ويمكن يتم الرفض بيوم المقابلة .. أفكر اروح على انقرة او اسطنبول للمقابلة لان بهاي الوضعية راح ابقى بمكاني حاير . أتمنى اللي عنده معرفة بحجز المواعيد في ارييل للقنصلية في اربيل ان يساعنده .. ورحمة الله والديكم .

[maltay]

الأخ ابو باقر شكرًا على مشاركتك .. والله اخي كل شي يصير بهلوكت .

[ابو باقر]

الأخ ابو باقر شكرًا على مشاركتك .. والله اخي كل شي يصير بهلوكت .

العفو اخي .... وفقكم الله لكل خير

[ابو فرقان]

صديقي اتصلنا بمحامية بمشجن وقالت انو السفارة اللي بتركيا كلهة رفض ونصحتنه انروح اللبنان( الفيزا الاهلي) والله اعلم

[تفرج]

اخوية اذا تريد تروح لتركيا روح لانقرا شوية احسن من اسطنبول
ولبنان هم زينة مقابلاتهم وبلاخير تبقة هي توفيق من الله وقناعة القنصل

[تفرج]

اخوية مرة اكو احد الاشخاص هم جان يريد يقدم باربيل جان يتابع خلال شهرين من المتابعة انفتح حجز مواعيد مقابلة يمكن ساعتين وراسا بط وانفتح الفجر بس طلع الصبح قبط
وانت قيس يمكن بلجذب يفتحوهة وبعد ماعرفنة تاهت   

[ghost8888]

اخي الكريم هناك مكاتب تقوم بترتيب حجوزات موعد لك في صوفي مول يقع في شارع كولان في اربيل بسعر 300$ موعد مقابلة فقط واذا تريد يملي استمارة والرسوم مال فيزا و ...الخ ياخذ 600$
انا قبل فترة كنت هناك مع الاحد الاصدقاء واتفق مع احد المكاتب انه يحجزله موعد مقابله بالقنصلية الامريكية باربيل ....
تحياتي ..

[maltay]

اخي الكريم هناك مكاتب تقوم بترتيب حجوزات موعد لك في صوفي مول يقع في شارع كولان في اربيل بسعر 300$ موعد مقابلة فقط واذا تريد يملي استمارة والرسوم مال فيزا و ...الخ ياخذ 600$
انا قبل فترة كنت هناك مع الاحد الاصدقاء واتفق مع احد المكاتب انه يحجزله موعد مقابله بالقنصلية الامريكية باربيل ....
تحياتي ..

أخي العزيز كفيت و وفيت هذا اللي كنت أريده بالظبط .. شكرًا على ردّك  المفيد واني الممنون

[Abu_Osama]

السلام عليكم

هل يمكن التقديم على فيزا سياحية الى السفارة الامريكية في بغداد؟ وهل هنالك مقابلات في السفارة؟

[Bernard Alhaskani]

قبل يومين حجزت موعد لخمس اشخاص

[ghost8888]

قبل يومين حجزت موعد لخمس اشخاص

عن طريق المكاتب لو حضرتك حجزت شخصيا من النت ؟

[عباس التميمي]

متفقين ويه المكاتب :/

[Bernard Alhaskani]

لا حبيبي عن طريق النت  تقريبا الساعة 2 فتحت وما طولت شي وانسدت بس لحكت احجز والموعد الي انطوني ب 11 شهر التالث