سؤال للاخوة اصحاب الخبرة هل برنامج الماتج كرانت ينتهي مباشرة بعد الحصول على عمل ام يستمر مدة 6 اشهر بدفع الايجار

[amireo74]

تحية طيبة
الاخوة اصحاب الخبرة انا حاليا وصلت الى ولاية نورث كرولاينه منذ ثلاثة اسابيع نحن عائلة كتمونه من 7 اشخاص انا وزوجتي وخمس اولاد بعد تصفبة الامور بخصوص مبلغ الولكم الي المنضمه قطته كله بعد مدفعت التامينات مال الشقه وكدرت تدفع ايجار شهر واحد كالو خلصت الفلوس وراح تتحولون على برنامج المتج كرانت الي يدفع ايجار 6 اشهر ودفعات كاش على 3 مرات الي عمرة 19 وفوك 200$ والي اضغر 40$ اوكي وراح نلكلك شغل ولان اني انكليزيتي كلش زينه كونني جنت اعمل بشركات امريكيه بالعراق كالو المحاضرات ما اللغه متفيدك بس اضيع وقت لكولي شغل باستعلامات مال فندق بس المقابله اتاجلت لانه اكوعاصفة ثلجية ضربت الولايه والكل عطلو زين سالت الكيس وكر مالتي وهو شخص علراقي كتله خاف اشتغل منا ويكطعون المساعدات مال الايجار منا لان لكيت شغل واني بعدني حته ماعدي سوشيل كالو نشغلك على الاي 94 والجواز وبعدين من يطلع عود ودي زين اخوان اذا اشتغل يكطعون المساعدات مال الايجار 6 اشهر لو تستمر فدوة جاوبوني حته اذا يكطعوه الكالي حجه وماقبل الشغل لان اكو عراقيين وياي صارلهم 4 اشهر ملاكيلهم شغل ويستلمون المساعدات فدوة جواب بسرعه
اخوكم ابو عراق

[عباس التميمي]

اذا تشتغل متحصل مساعدات بعد

[ABO SARAH]

الاخ العزيز
المساعدات تنقطع اذا كان الانكم عالي فقط ولن يتم قطع مساعداتك بمجرد ايجادك لفرصة.
وهذا ينطبق على الار سي اي ايظا
تحياتي

[Imad al Timimi]

أخي العزيز..

مساعدات دفع ايجار الشقة تنقطع حالما تعمل اما الفود ستامب والكاش المرافق له بشكل كارد سيستمر لحين وصول "الانكم موني" الذي هو "الدخل " الى الحد الذي يعتبر فوق خط الفقر في ولايتكم..وهذه اول صدمة مالية اعترضت الغالبية ولكن هذا هو حال امريكا تريدكم ان تندمجوا بسرعة مع المجتمع وقوانينه الرأسمالية. جميع الامريكان ( وبأعترافاتهم )عملوا في البداية بمهن بسيطة جدا فقط لتسديد قوائم الثمن ولكن بمرور الوقت وبألاجتهاد ستقع حضرتكم على وظيفة جيدة أن شاء الله.

اتعجب على الموظف الذي سألته سؤالك المؤلف من شقين حيث اجابك على واحد وتناسى الثاني الذي يخص المساعدات. اظنه لا يريد ان ينغص عليك العيش وترك الاجابة. ولهذا كان رأي جميع الاخوان اعضاء المنتدى وزواره أنه على المهاجر وبقدر الامكان ان يجلب معه مبلغ من المال لهكذا مواقف. كان الله  في عونكم.