فيزا دراسة...مساعدة إنسانية

[Cesare El-iraqi]

السلام عليكم....
اخوان احنا اجينا لامريكا قبل سنة عن طريق ال siv عن طريق والدي وحصلنا على الكرين كارد.... عندي اخ بالعراق عمره ٢٤ سنة وممتزوج قدمناله (ع الأكثر لم شمل لان احنا عدنا كرين كارد)تقريبا صار ٩ أشهر واجت موافقة وكالو انتظرو مدة ٣٠ يوم ويحولو لقنصلية قريبة عليه ويطوه فيزا حسب التوفر وهو ساكن لبغداد... حاليا المدة عبرت الشهرين وماكو اي خبر .... رحنا احنا اهنا سألنا بالمنظمة قسم كالو احتمال تطول سنتين او تلاثة...المشكلة مو اهنا المشكله إنّو اخوية تمرض وحالته النفسية كلش مو زينة.... فنريد نجيبه بأسرع طريقة... سمعنا بمسألته الفيزا كالو أكو سياحية او دراسية وكالو الأضمن دراسية.... الي أترجاه من الأعضاء يشرحولنا شرح مفصل عن الفيزا الدراسية واشلون نخاطب الجامعة ؟؟؟ وبالنسبة للفلوس يريدونها قبل إصدار الفيزا او بعد؟؟؟ وفقط تكاليف سمستر واحد؟؟؟ ومن يقدم هناك ...شنو الأسئلة الي راح يسألوه عليها بالمقابلة؟؟؟ وشكد تطول المدة.... وفي حالة إجه هنا راح نقدمله معاملة اسايلم او أكو حل اخر ؟؟؟ أترجاكم اجابات وافية وشرح مفصل عن الموضوع علما احنا نسكن اوستن تكساس....الله يوفقكم

[texasddddd]

الله يسهل ألكم ياربي
بس ترة فيزا الدراسه والسياحة بيها شروط ولازم يقنعهم بلمقابله انو هوة يرجع بس يخلص دراسه او سياحة
وبما انو انتو كلكم هناك رح يكون الموضوع صعب شويه
بس كل قضيه بحالتها والله يسهل اله ياربي
انشالله الاخوان الخبراء يفيدوك

[Cesare El-iraqi]

أشكرك اخوية.... بس الله يخلي الأعضاء ماكو فد واحد يكدر يساعدنا ولو بفد معلومة لان المسألة دنريد نحلها

[أبن البصرة]

اخي العزيز بما ان أخوكم لديه قضية هجرة فأنه من الصعب او من المستحيل منحة اي فيزا ارجو ان لا اكون قد ضايقتكم برأي ولكن لكل قاعدة شواذ واتمنى من الاخوة الذين لديهم معلومات مساعدتكم