هل ممكن تاجيل الفحص الطبي لمدة اسبوع

[حياتي 1]

اخواني الاعزاء كيف حالكم اتمنى ان تكونوا بخير حبيت اسالكم سؤال انا حاصل على موافقة المحلف بشرط الامنية ومن المفروض بانتظار الفحص الطبي من اكثر من شهر ولكن عندي سفرة لمدة قصيرة .
هل من الممكن عندما يتصلو بي لعمل الفحص الطبي أن اخبرهم بأني مسافر وسأعود بعد فترة قصيرة واعطيهم تاريخ العودة شكرا لكم

[لورنس السفاح]

اني من رايي اذا محدديلكم موعد فحص تفحصون وتاجلون سفرتكم
اذا ممحدديلكم ,, هو يحقلكم طلب التاجيل بس مااتصور
تكدرون تفرضون عليهم الموعد الي تردونه
يعني ممكن ياجلولكم الفحص لكن مينطوكم الموعد الجديد بنفس اليوم
تحياتي

[تفرج]

اخوية هذا لعب بالنار اذا يتحدد الموعد لاتغيروا هم ممغيري ويلعبون بمصير العالم مو انوب يخابروك وتاجلة
اخوية رتب امورك لاتاجل اي اجراء هذا رايي واني دا انصحك لله
الله يفرج على الجميع

[USA MUSTAFA LOVE]

حياتي 1
 اذا هم مامحدديلكم موعد لحد الآن عادي يمكنكم السفر وخذو معاكم الموبايل
ولاتقفلو ابد واذا راح يعملها حضكم ويخابروكم على فحص  أثناء سفركم.
بلغوهم انو انتو مسافرين بغير محافظة مثلاً واطلبو منهم انو ياجلون سفركم كم يوم
بس ما اعتقد ياجلوه موعد بعيد.
انا صار معي نفس الشي خابروني وكالولي باجر تعال كتلهم انا مالحك اجيكم
باجر كالتلي لكن نهاية الاسبوع يوم الخميس كتلها اوكي.ورحت وفحصت.
تحياتي

[texasddddd]

اتفق جدا مع الاخوان
اذا محدديلكم موعد حاولو تاجلون السفرة
اني شخصيا مرة جان عندي موعد ومرحت (والله مجان شي مهم بس واحد بزع )
بعدين خابرتهم فيكت عليه بس كلتلي تعالي الثنين
جان يوم خميس
بس ديكولون هسه اصلا ميجاوبون عالتلفون هذا حجيي قبل سنين
هيه يعتمد علموضف بس مااعتقد كارثة يعني اذا احد أفراد العائلة يروح ويعتذر مااعتقد اكو اشكال
والله يسهل ياربي

[iraqforme]

اخي العزيز اي واحد محتاج السفر الى امريكا فعلاً لأي سبب كان لازم يلغي كلمة (تأجيل) من قاموس حياته .. صدقوني الامريكان كامو يغيرون وجهة نظرهم بالعراقيين طالبي اللجوء لان يكلك العراقي يكتل نفسة على اللجوء وبالاخير من نتصل بي على سفر او فحص يكوم يجر بظهره اذاً هو ليس مهدد ويكذب علينه !! يااخوان ارحمونه وارحمو غيركم اللي منتضر ومحتاج السفر فعلاً ومنتضر اشارة من المنظمة حتى يروح يبات اباب المطار قبلها بأسبوع  .

[مصرفي]

اخي العزيز اي واحد محتاج السفر الى امريكا فعلاً لأي سبب كان لازم يلغي كلمة (تأجيل) من قاموس حياته .. صدقوني الامريكان كامو يغيرون وجهة نظرهم بالعراقيين طالبي اللجوء لان يكلك العراقي يكتل نفسة على اللجوء وبالاخير من نتصل بي على سفر او فحص يكوم يجر بظهره اذاً هو ليس مهدد ويكذب علينه !! يااخوان ارحمونه وارحمو غيركم اللي منتضر ومحتاج السفر فعلاً ومنتضر اشارة من المنظمة حتى يروح يبات اباب المطار قبلها بأسبوع  .

احي الكريم كلامك صح 100%