فلوس التامين

[max582]

العودة الي هذه المنتدي بعد غياب اكثر من ٣ سنين..عندي سوال هل مازال فلوس التامين الي جانو يكطعوها منا من جنا مترجمين ممكن الحصول عليها او لا...وشكرا

[USA MUSTAFA LOVE]

السلام عليكم
خوش معلومة حلوة ...وارجو من لديه اي علم بهلشغلة يفيدنا

[texasddddd]

تأمين ؟؟؟ لو قصدك ضمان ؟؟؟
الضمان اي ترجع تروح لوزارة العمل تقدم أوراقك ورة اقل من أسبوع تكون جاهزة
احنا جانو يقصون ضمان وضريبة الضريبه تروح يبقى بس التأمين
للعلم اني مهندسة لكن قوانين الشركات الامريكية كلها تتبع القانون العراقي

[max582]

شكرا جزيلا ع الرد..وبالفعل مثل مكلت جنابك الضمان شكرا لتصحيح وللمعلومة

[texasddddd]

اهلًا وسهلا
واذا رحت ياريت تكلنا شنو صار جديد
اني المشكله ماعندي لا بطاقة سكن ولا تموينية وجانت مطلوبه
الله يسهلك وكللنا شصار وياك اذا رح تروح هالفترة اني انشالله لو عالسنه الجديدة لو ورة ما اخذ الجنسيه اروح
بس اكيد تعرف لازم بعد مرور سنه على ترك اي وضيفة يلله تكدر تاخذها

[max582]

اني حاليا عايش بامريكا..والصراحة ما الي رجعة للعراق عن قريب..وسوال اخر عندي هل يمكن الحصول عليها من امريكا؟

[texasddddd]

لا لا لا أبدا لان يم الحكومة العراقية
بوزارة العمل والضمان الاجتماعي بلوزيرية
ولا حتى بالوكاله بس مرات اذا اخوك او ابوك ممكن يمشون الوكالة
مع انو القانون يقبل الوكالة

[max582]

شكرا ع المعلومة اخي العزيز

[عباس التميمي]

UP للمشاركة