موعد سفر

[ramaya]

مرحبا اليوم اتصلوا بي المنظمه وحددولي موعد سف بعد اسبوعين من اربيل 10/3وهاي المده قصيره لان عندي التزامات باربيل ومدارس  وعندي طفل عمر6شهر محتاج عمليه فتقه اذا طلبت تاجيل السفر هل يوثر ع السفر مستقبلا

[لورنس السفاح]

صدددددددددك جذب يمعووووود
يا التزامات يامدارسسسسسس ؟
الالتزامات اكيد كلها مادية خلص التكدرله والباقي وكلها لاخ صديق اي شخص تثق او متثق بيه
المدارس مراح تروح عليكم
اول متوصلون همه راح يخلوهم بالمرحلة التناسبهم
يعني اصلا لاتفكر بيها شغلة المدارس
نصيحة اخوية
اذا اجلت السفر خلي ببالك انه ممكن متسافر بعد
توووووووكل ع الله وسافر
والف الف مبروك وان شاءالله توصلون بالسلامة
تحياتي

[sindbad2014]

مبروك واتفق مع الاخ لورنس في كل ماقاله
الف مبروك ولاتضيع الفرصة منك
وتوصل بالسلامة
ويوم السفر للجميع
تحياتي

[البرق]

الف مبروك اختي الكريمة موفقين لكل خير وعليك تطبيق نصيحة صديقي لورنس و ربي يسهل امركم

[dododoo]

الف مبروك وأنا أيضاً مع نصيحة الأخ لورنس
بالتوفيق

[beamer]

بالتوفيق وتوكل على الله ، اني أجلت يوم ٢٤/١١ /٢٠١٤ ولحد الان لا حس ولا خبر اغتنم الفرصة والله يسهل أمورك جميعها

[USA MUSTAFA LOVE]

السلام عليكم
الى ramaya
اياك ثم اياك ثم اياك من تأجيل السفر أبداً أبداً أبداً ولاي سبب كان
اهلي طلعلهم سفر سنة 2014  واجلو السفر والى يومنا هذا هم داخل العراق
وقتلتهم الحسرة والندامة لانهم لم يغادرو في حينها.
اما بالنسبة للاولاد فمن تصلون بخير وسلامة تسجلوهم بنفس المرحلى مالهم
وحسب العمر اكرر حسب العمر يعني اذا طفل كن رسب بصف الاول ابتدائي من راح
يصل هناك راح يخلوه يداوم بصف الثاني لان هناك الصف يعتمد على العمر.
وبالنسبة ل عملية الفتقة يمكنكم اجرائها هناك لان التأمين الصحي يغطيها.
الف الف الف الف الف الف مبروك وسفرة سعيدة بدون تردد لاي سبب كان اطلاقا.
عندي سوالين صغار:
1 اخر فحص طبي كان اشوكت؟؟
2 وشكدطول عدكم التجييك الامني بالانتظار قبل ان يتحول الى مكتمل؟؟
بصيغة اخرى شكد المدة اللي بقيتوبيها تحت التجييك الامني ماقبل السفر؟؟
3 تقديم أي سنة؟؟

[ramaya]

شكرا لحميع الاخوه واتمني السفر الي الجميع
انا نقديم 2009سوريا
واستانفت الملف في العراق شهر 12/2013وكنت مكمل كل شي
وسويت فحص ف مشفي بار في اربيل 19/10/2014
واليوم اكتمل التجيك الامني
وبنفس اليوم اتصلوا
واتمني الحظ الجيد لجميع الاخوه في المنتدي

[USA MUSTAFA LOVE]

عفوا اهلي طلعلهم موعد ب 2011  وطلبو التأجيل والى
يومنا هذا لم يسافرو....
ارجوووووووووك لاتفكرون بالتاجيل اطلاااااااااقا

[hoodoo]

بصراحة اني ويا الاخ لورنس السفاح والاخ   USA MUSTAFA LOVE ومثلهم اياك ثم اياك وهم ثم اياك ومبروك الحياة الجديدة

[iraqforme]

عزيزي السائل الكريم التأجيل بي سلبيات ثنين  اولهم عليك والمتمثلة بأحتمالية تأخيرك لوقت طويل جداً (سنين) اذا ماتم رفضك من بعدها بحجة الامنية ..
والسلبية الثانية على جميع المقدمين طلبات ومنتضرين على احر من الجمر, وهي تغيير النظرة من قبل الحكومة والمعنيين في الولايات المتحده بأنه العراقيين غير مهددين وبالتالي هم غير محتاجين اعادة توطينهم في بلدنا, يعني بالعامية ( رح يفضلون جنسيات اخرى محتاجة فعلاً ).
أرجو اعادة النظر في موضوع تأجيل السفر والاتكال على الله والسفر وسوف تحل جميع التعقيدات فيما بعد اثناء وصولكم بالسلامة .
مودتي للجميع

[alwaleed88]

هاي الأخبار الحلوة
اشلع وطيييييير وكلشي يتعوف
عمي هاااي امريكا

[dododoo]

عزيزي السائل الكريم التأجيل بي سلبيات ثنين  اولهم عليك والمتمثلة بأحتمالية تأخيرك لوقت طويل جداً (سنين) اذا ماتم رفضك من بعدها بحجة الامنية ..
والسلبية الثانية على جميع المقدمين طلبات ومنتضرين على احر من الجمر, وهي تغيير النظرة من قبل الحكومة والمعنيين في الولايات المتحده بأنه العراقيين غير مهددين وبالتالي هم غير محتاجين اعادة توطينهم في بلدنا, يعني بالعامية ( رح يفضلون جنسيات اخرى محتاجة فعلاً ).
أرجو اعادة النظر في موضوع تأجيل السفر والاتكال على الله والسفر وسوف تحل جميع التعقيدات فيما بعد اثناء وصولكم بالسلامة .
مودتي للجميع

كلامك منطقي جداً اخي
تأجيل السفر يجعلهم يظنون انك غير مهدد ويمكن ماتسافر ابدا اخي صاحب الموضوع الأفضل انو تتوكل على الله وتسافرون

[ابو الامراء]

الف مبروك السفر وان شاء الله توصل بالسلامه مثل ما كالو الاخوان لا لا لا لا تؤجل السفر فتندم

[jurist]

الف مبروك اخي العزيز وانشاءالله توصلون بالسلامة.....عندي سؤال شكد المدة بين تحول السفر الى انتظار وبين الاتصال لتحديد موعد السفر؟؟؟؟ وشكرا.