اهل الخبرة اكدر احصل ترفل دكمنت من خارج امريكة انصحوني رجاءا SIV و ممستلم كرين كارد

[sadeq78]

السلام عليكم و اخوان اني سافرت لامريكا SIV العام الماضي شهر ال12 13/12/2013 بالتحديد ورجعت للعراق يوم 22/3/2014 بدون ما احصل الكرين كارد لان تاخر علينا جدا وصار عندي ظرف طارء وظطريت ارجع بدون ترفل دكمنت او كرين كارد بس اني عندي سوشل سكيورتي نمبر وعندي اجازة سوق طلعتها هناك فشلون اكدر ارجع وشلون اطلع ترفل دكمنت وشسوي لو لازم اقدم على فيزة مرة ثانية اني دايخ بصراحة وما اعرف شسوي فاخوان ليعرف فد صورة حل خلي يتفظل علينا وفهمني الطريق واني اشكر كل الاراء جزيل الشكر

[yaziyazi]

انت شيكت وي العنوان الي منزله بالفورمات اني اعرف انه يرسل بالبريد الكرين كارت واذا مواصل كل هاي الفتره فاكو غلط اما اذا ماكو فراسل السفاره واحجي الصدك واطيهم السوشل نمبر وانت وحضك واقتناعهم

[hkr_7878]

ال USCIS تتضمن التالي في قضيتك:
اذا كنت خارج امريكا من الممكن ان تقدم على I-131 وهو فورم طلب الترفل دوكمنت ويجب ان تتحق الشروط التالية حسب قانون ال USCIS:
1- لديك صفة لاجئ
2- ان تكون مقيم دائم ناتج من صفتك كلاجئ : لكن لم يبين هنا هل تمتلك الكرين كارد ام لا
3- تقديم الطلب يجب ان يقع ضمن سنة من تاريخ مغادرتك امريكا .يجب ان يكون لك تفسير منطقي لعدم تمكنك من اصدار الجواز مسبقا .وهنا لديك فقط اسابيع فيجب الانتباه الى هذا الشرط ويرسل الطلب الى مكتب ال USCIS الخارجي وليس في امريكا وفي حالتك ان كنت بالعراق تقدم الطلب الى مكتب ال USCIS الكائن في السفارة الامريكية بعمان الاردن . لكن قبل ان تقم اي شي نصيحتي لك الاتصال بهم ومعرفة المزيد من التفاصيل .. 

معلومات مكتب ال USCIS عمان ظ الاردن:
http://www.uscis.gov/about-us/find-uscis-office/international-offices/jordan-amman-field-office
بالتوفيق

[عباس التميمي]

مثل كلام الاخ hkr_7878

[sadeq78]

شكرا جزيلا اخواني الاعزاء جزاكم الله كل خير على هذي المعلومات راح اقدم وان شاء الله راح اقدم والله كريم

[عبود الجديد]

السلام عليكم
الفيزة الي دخلت فيها مكتوب عليها انها تعتبر كرين كارت مؤقت لمدة سنة فتكدر ترجع بيها بدون ً ًًًم تحتاج الكفرين كارد راجع الفيزة الان وتأكد

[texasddddd]

اخوية احد الاخوان نزل يكول الي مصارله سنه مغادر يكدر يقدم ترفل دوكيومنت
فالله يخليك دور وقدم قبل لتعبر المدة عن السنه
واني اذا لكيته رح أنزلة
بس كاتب انو هوة متأكد اذا ممتجاوز سنه ممكن تقدم الترفل دوكيرمنت
الله يسهلك

[repentant]

اخي العزيز
من تاريخ خروجك من امريكا ....يعني اعتقد راح ايصير الك سنة ....والفيزة الي داخل بيها انت اس اي في وتعتبر مقيم لمدة سنة اعتقد من بعد دخولك لامريكا (ارجو انه تتاكد من تاريخ الفيزة والمدة المكتوب بيها ) ....اشخاص مثل حالتك جازفوا وقطعوا تذكرة على الاردنية او القطرية (ما انصحك على المصرية لانه مزعجين بمطار القاهرة ) وتتوكل على الله وتوصل لامريكا وتحجي وي الضابط الصدق ويمكن ايدخلك او يرجعك وبهاي الحاله انت ما خاسر شي بس تذكرة الطيارة .
الشي الاخر مثل ما تفضل بي شخص انه تقدم ترفل دكيومنت اثناء السنة من خروجك لامريكا
الشي الثالث اكو فيزة اسمها اس بي ون وي فيزة دخول تكلفك 270 دولار ومقابلة في السفارة  على شرط وجود شرط قوي واساسي لرجوعك وعندك عقد ايجار او اشياء اخرى تجعلك تعود والحصول عليها شي صعب تقريبا بس جربها ما خسران شي
الشي الاخر ترجع اتقدم على الاس اي في بعد ما تخاطب السفارة وابتداء من مرحلة استمارة 360 و260 ومقابلة وهلمه جرى والقبول بيها اكيد لكن تاخذ وقت بعد ما تخاطب السفارة ونبراسكا.
الشي الاخر ترجع اتقدم على الاي او ام
ولو كنت مكانك في هذه الحاله لحجزت طيارة بعد ما اتفق مع الخطوط الجوية بعدم ارجاعي من الاردن او قطر او دبي او لبنان والتوكل على الله .....وربي ايوفقك ويسهل امرك والله اعلم

[sadeq78]

شكرا جزيلا خوان على هذي المداخلات و المعلومات .....امتناني لكل الاخوةالي شاركونا بمعلوماتهم