الملف معلق منذ خمسة اشهر هل هناك امل بالسفر؟

[ام جنه]

السلام عليكم اخواني..
ملفنه معلق منذ  خمسة اشهر منذ استلام الموافقة المشروطه .. وعملنا الفحص الطبي في بداية الشهر ال11 ونزلت ولايه ومطار بمنتصف شهر ال 12 وبعدها لم يحرك الملف ساكن وبقي للفحص شهران ونص والملف لا يزال معلق .. علما ان اخر ايميلات وصلت كانت بين كيس ستيتس وكيس ابديت والاخير كان كيس ابديت وهم ماكو تغيير عالملف ... هل ممكن ان يجرنه التعليق لان يكون الفحص اكسباير ووليش هالتعليق؟
معلومه: احنه كيسين الربط بينه ضعيف وصاحب الكيس الرئيسي وقف ملفه بتضافه افراد عائلته وهم تعلق لان هو اصلا ميريد يسافر بس قدم علمودنه ،،، هل ممكن يكون هالشي هو السبب؟

[سمك بني]

اكيد هناك امل بالسفر فعندما تكتمل اجراءات وزارة الخارجيه في استصدار الفيزه سوف يتحول الملف الى فعال ثم السفر الى انتظار ... الاجراءات حالياً تتاخر اكثر من السابق بسبب الاوضاع كما معلوم.

[ام جنه]

مشكور اخ سمك بني بس اكو ناس بنفس توقيتاتنه وسافروا

[لورنس السفاح]

ام جنه
الامل بالسفر مووووجود وبقوة وماينقطع الا بالرفض وانتوا الحمدلله ممرفوضين
تبقى شغلة التعليق فهو يا اما المحلف بعده ممتخذ قرار موافقة نهائية
او هو معلق لان ينتضرون الموافقة الامنية
بالتالي انتوا معدكم غير الانتظار وان شاءالله يتقدم الكيس قريبا
بالنسبة لشغلة الكيس الاخر وبما انه الربط بينكم ضعيف
فمالهم اي علاقة بيكم وكل كيس يمشي وحده
خصوصا بشغلة الامنية والسفر
يعني الي تكمل امنيته منكم عادي يسافر وماله اي علاقة بالاخر حتى لو يرفض
ملفكم بحاجة الى صبر ام جنه وهواي حالات كانت مثلكم وسافروا والحمدلله
بالتوفيق ان شاءالله

[ام جنه]

مشكور اخ لورنس .. لا المحلف منطي قرار الحمدلله والمقابله الثانيه مكتمله بس الظاهر للامنيه .. بس والله ماله داعي هالمزاجيات قابل شعدنه ويدورون امنيه .. الله كريم بلكي يصير تحديث

[USA MUSTAFA LOVE]

عادي كثير من الملفات تمر بفترة تعليق تتستغرق عدة اشهر
اكو امل لأن شغلة التعلييق كلش عادية.

[حنان الطائي]

شغلة التعليق عادية احنة ملفنة معلق من شهر السادس ٢٠١٤ استلمنة نتيجة محلف موافقة مشروطة بالتجييك الامني ولحد هسة فحصنة صار اكسباير وليهسة مااتصلو لاعادة فحص