اوعدكم بانني سوف افتهم القصة واوافيكم بكل التفاصيل بعد خبر البشرى السارة بخصوص المقابلات

[احمد الراقي]

السلام عليكم اولا شكرا لكل من علق وشارك وثانيا ما اعرف ليش الناس اللي مثلنا ونفس حالتنه ما تحجي الصحيح ما اعرف يخافون نحسدهم لو راح ننافسهم وهذا صديقي صار يومين يتهرب مني لان جاي الح عليه حتى اتاكد طلبت منه يراويني رسالة تحديد يوم المقابلة وتصريح الدخول ويكلي اني اتصل بيك ونلتقي واشوفك الرسالة ودانتظر منه خبر حتى افرحكم بس اني قرأت على موقع المنظمة كلام يقولون توجد مقابلات محدودة في بغداد بس ما عندي تفسير واوعدكم رح اظل مجلب بصديقي وما انطيه مفكه حتى افتهم شنو الفلم لان مرة فلت حجاية وكال عندي عرف بس ما كمل الكلام تحياتي للجميع بالموفقية

[Bernard Alhaskani]

هذا يرادله نركيلة علك نعناع . لح عليه بلكي نفتهم شنو السالفة

[alwaleed88]

خوية ميريد يكول بكيفه بعد ما نجبر الناس
والله زميلي بالدوام يعني اشوفه باليوم 8 ساعات ونضحك ونكعد ونشكي همومنا لبعض وفجأة سمعت بيه طلع من الدوام وسافر لأمريكا حتى الله وياك ما كال والله حتى ماعرف بيه مقدم لجوء
بس اني اللي يقهرني اني جنت كلشي اكوله حتى اسراري الشخصية

الله كريم

[عباس التميمي]

سالفتك زينة
اني صديقي وياي بالشغل و بالدراسة
خابرني الظهر كال تعال اودعك كتله خير كال راح اسافر التركيا
صفنت قبل فتره ابوه كلي ديربالك تروح لتركيا و متنرد وما اعرف شنو خرب واهسي كلش
ف شكيت اكو شي المهم حسب الاصول ودعته هوه و عائلة ورى 3 او 4 ايام راسلني بالفيس بوك
موقعة USA طلع رايحين لمريكا شيكاغو مو لتركيا
كتله شلون وصلتو المهم ميقبل يحجي
ما اعرف العالم ايش صار الهم
مع العلم عندي شكد وكفات ويه بس يلا الحمد لله على كل حال

[husseinsars]

السلام عليكم اخوان احمد ولا يهون  اخوي عباس والله ياأخواني شاحجيلكم والحجي هواي  اذا إنتوا اصدقائكم اني اخوي مسافر لامريكا  واني هماتين مقدم رادوا عنوان كفيل غير انطي عنوان اخي اتصلت بيهم كالو مو اريد ننتقل لغير مكان معناته  شنو وانته قيس يااخي والله يا اخوي الدنيا انكلبت مشوف ديصير بينا  كل هاي ونكول الله كريم

[alwaleed88]

والله يا أخوان بالنهاية اكتشفت إنه آني غبي من أشوف شخص عبالي خوش آدمي أحجيله الأول والتالي
حتى نتعلم من هالناس وما نكول أي شي حتى لو صغير
بعد وصلت الأخو ميريد يساعد أخوه

الله لا يخلينا بعازة أحد سواه

[nemro]

اخوية ذولة مرضى صدك الي يسوي هيج مريضضضضضضضضضضضضضضضضض لعد ليش عراق مكلوب وميصير براسنة خير
الاكثرية هجي الكذب واالبوك صار مودة وجمالة الي يخبلك كلها تحجي بدين

[texasddddd]

لاحول ولا قوة الا بلله
ترة اني جنت احجي بس مو للكل لان اهلي جانو بعدهم ببغداد وخفت عليهم خاصة الخوات فعذروهم متعرفون شون الظروف
بعدين بمناسبة البوك اني قلبي محروك صديقتي وأخوها اخذو سيارتي بحجة يبيعوها وورة سنه يكولولي صرفنا عليها صرنا شركائج
الحاصل نطيتهم ٢٠٠٠ والسيارة سحلناها بكرين ماشين بيها ٨٠٠٠ مايل ومعطليها
حسبي الله ونعم الوكيل ولا محالل ولا ماهوب لا دنيا ولا اخرة
شنو رأيكم بهالنماذج
لحد يوثق ببشر
غير الام والأب والزوج واهلة والاخوان والخوات
جذب ماكووووو صديق