السلام عليكم - معاملة لم شمل

[noora ahmed]

مرحبا ..عندي سؤال بلا زحمه اني انخطبت وعقدنه بالمحكمه وبعدها رجع خطيبي ل امريكا وديقدملي معامله لم شمل علما انه هو عنده الجنسيه ممكن اعرف شكد تاخذ وقت؟؟

[USA MUSTAFA LOVE]

راح أسأل اخوية عالمعاملة واشكد اطول واردلج خبر بعد 3 ايام

[um shaheen]

يارب خير ان شاء الله والف الف مبروك
بالنسبه للفتره فماكو فتره محدده  كلها شغله حظ ويارب حظج حلو لان اكو ناس طلعت بسنتين واكو بست شهور والتساهيل من رب العالمين ويارب تبشرينه بسفرج بالقريب العاجل
تحياتي
اختج ام شاهين

[Sound of Soul]

مثل ما اتفضلت الاخت ام شاهين ماكو وقت ثابت لكل معاملات لم الشمل
لكن المعروف انه اطلب لم الشمل للزوج اوالزوجة لو كان احد الطرفين حامل للجنسية الامريكية تاخد وقت اقصر بكثير مما لو قدمت المعاملة من قبل  مقيم في امريكا ،
وغالبا  تطول 6 شهور تقريبا او اقل من السنة.
بالتوفيق .
تحياتي .

[ألن في بلاد العجائب]

الي رح يسوي زوجج كالاتي

1- رح يقدم على داشرة الهجره معامله I-130
2- الموافقه عليها من دائرة الهجره ياخذ من شهر اللى 5 اشهر
3- بعدها رح تنقل المعامله لدائره في وزاره الخارجيه اسمها NVC و هنا زوجج باعتباره امريكي مرح يطول هوايه بالزايد شهرين الى 3 و احتمال بشهر او اقل تكمل المعامله هناك

4- دائرة NVC رح تدز المعامله مالتج للسفاره الامريكيه بالبلد الي انتي بي و رح ينطوج رقم مال كيس خاص بالسفاره

5- انتي تحضرين الاوراق التاليه
- شهادة الجنسيه و هوية الاحوال
- بيان ولاده
- عدم محكوميه
- عقد الزواج

اثباتات الزواج و العلاقه الي بينكم هم لازم تجمعيها من هسه و تظلين تحتفظين بيها و منها

- صور الكم و كثري بيها و خاصة ويا الاهل و الاصدقاء و الاقارب
- كشف المكالمات الصادره و الوارده الي يتصل بيها عليج
- اذا تحجون على السكايب احفظي الارشيف و كل كم يوم اخذي لقطه للفديوكونفرنس
- نسخه من جوازه الي بيه اختام الدخول و الخروج للعراق

و الف مبروك