هل تسخر " سما المصري " من الدين الإسلامي ؟
بعدما أثارت جدلاً كبيرا خلال الفترة الأخيرة بإعلانها ترشحها لخوض الانتخابات البرلمانية المقبلة ، قالت الفنانة الاستعراضية سما المصري: إن العبرة بما يقدمه المرشح وليس مهنته ، مش لازم واحدة فنانة، أو فنانة استعراضية ، أو حتى رقاصة عشان
يبقى برلمان هز الوسط .
سما أضافت : “ ما إحنا شوفنا أيام برلمان الإخوان كان على واحدة واتنين وتلاتة ونص كمان .. والمهازل اللي كانت بتحصل فيه .. العبرة هي هتقدم إيه أو الشخص ده هيقدم إيه ، ميهمنيش هو بيشتغل إيه، جبت واحد بدقن عمل إيه ؟ قعد يأذن في المجلس ، وواحد تاني “ اتقفش ” في عربية، وواحد تاني “اتقفش” بمناخيره، هم دول بتوع قال الله وقال الرسول ؟ .. على حد تعبيرها في تصريحات لجريدة “ المصري اليوم ” .
وتابعت : “ لازم يدوا الفرصة للكل، والناس اللي هتحكم في الآخر ، ممكن واحد يقولك دي إنسانة واضحة وباينة قدامي ، ولو كانت بترقص فهي بترقص قدام الناس كلها وواضحة ، فأنا أديها صوتي ، وواحد تاني يقولك لا ، أنا عاداتي وتقاليدي متخلنيش إن أنا أخلي النائبة بتاعتي في البرلمان تبقى واحدة استعراضية ، يعني ممكن واحد يؤيد وواحد يعارض ، وأنا بحترم ده وبحترم ده ، وأنا قلت لو فشلت في الجولة الانتخابية دي هيبقى لي شرف التجربة ” .
