عــيــن او كــحـــلْ

[ميسون نعيم الرومي]

عــيــن او كــحـــلْ
ميسون نعيم الرومي
 
آنـَـه اويـاك كـحـْـلـَـه ابـْـرمـش هـاي الـعـيـن
مـَـيـفـَـرّق هـَـوانـَـه غـيـر چـفـْـن الـبـيـن
 
آنـَـه اويـاك مـن اصبـاي جـرف اومـاي
ايـد ابـإيـد نـتـْـگـاوَد تـَـرانـَـه اسـنـيـن
 
نـَجـْـمـَه اويـه الگـمـَر نـتـْمـَـشـَّـه بـيـن انجوم
والـْـطـَـرْت الـفـَـجـر هـالـنـبـقـَـه سـَـهـرانـيـن
 
تـظـل اوبـالـگـَـلـب دَگـّـاتـَـه تـربـي اولـيـك
شــريـان ابـوَريـدَك بـيـه مـَـشـدوديـن
 
ابـدَمـّـي تـدور اشـلون تـالي اشـلـون
يـامـلـح الـحـَـيـاة اوفـَـرْحـَـة امـْـعـَـرْسـيـن
 
يـالـصوتـك ربـابـَـه اونـاي هـَـزنـي الـشـوگ
يـانـَـغـمـَـه عـَـتـابـَـه ابـطـور الـمـغـَـنـيـن
 
يـادَمـْـع الـسـَـنـابـل يـاگـصـَـب بـالـهـور
يـاسـُـمـْـرَة ابـلادي إنـدافـَـت اويـَـه الـطـيـن
 
تـحـن روحـي إلـَـك يـادرَّة الـتـيـجـان
يـاهـيـل الـدِلال اوگـَـهـوَة امـضـَـيـفـيـن
 
شـو طـال الـدَرب والـجـَـرح خـَـزَّن حـيـل
لـيـويـن اونـوِن ! والـيـمـْـتـَـه حـَـزنـانـيـن ؟
 
صَبـَّـرْنـَـه الـصَبـر والـصَـبـر خـَـلـَّـه اوشـال
نـنـشـد بـالـنـشـد عَ الـجـيـم مـن الـسـيـن
 
نـزحـَـف عَ الضلـع ! والـضلـع وَن اوصاح
نـبـچـي امـن الـحـزن والـوادم امـعـَـيـديـن
 
نـشـرد لـلـبـعـيـد اوهـَـم يـردْنـَـه الـشـوگ
نـتـنـَـطـر ودادَك چـَـنـَّـه مـَـفـطـومـيـن
 
نـار اوهـالـتـشـب ! يـانـار كـلـّـچ نـار
وابـحـب الـوَطـَـن نـار إحـْـنـَـه مـَـحـروگـيـن
 
يـعـْـيـونـي طـَـعـم مـايـك زلال الـبـيـه
حـضارَه التـكـتـبـَـك بـيـن الـدول والـديـن
 
مـو كـلـمـَـن يـحـب ضايـگ مـَـرار الـحـب
حـُـبـَّـك يـالـوَطـَـن هـالـبـيـه غـَـرگـانـيـن
 
انـبـاعـَـن بـَـنـاتـَـك بـيـد أخـَـس الـنـاس
أمـريـكـَـه اورَبـعـْـهـَـه طـلـعـَـوْ الـشـاريـن
 
خـَـلـيـنـي طـفـل عـايـش ابـعـز اوطـيـب
واكـْـرَه كـل غـَـدر والـچـذب والـوجـهـيـن
 
كـاسـَـك يـاوَطـَـن قـدّاح دومـَـه ايـفـوح
مـن عـنـْـدَه الـبـَـنـَـفـسـَـج والـنـَـخـَـل والـتـيـن
 
آنـَـه اويـاك كـحـْـلـَـه ابـْـرمـش هـاي الـعـيـن
مـَـيـفـَـرّق هـَـوانـَـه غـيـر چـفـْـن الـبـيـن
-------------------------------------------------------------------------------
آيـار / 2015
ســــــــــــــتوكهولم
 
 
 

[Odisho Youkhanna]

يـادَمـْـع الـسـَـنـابـل يـاگـصـَـب بـالـهـور
يـاسـُـمـْـرَة ابـلادي إنـدافـَـت اويـَـه الـطـيـن
 
تـحـن روحـي إلـَـك يـادرَّة الـتـيـجـان
يـاهـيـل الـدِلال اوگـَـهـوَة امـضـَـيـفـيـن
 
شـو طـال الـدَرب والـجـَـرح خـَـزَّن حـيـل
لـيـويـن اونـوِن ! والـيـمـْـتـَـه حـَـزنـانـيـن ؟
 
صَبـَّـرْنـَـه الـصَبـر والـصَـبـر خـَـلـَّـه اوشـال
نـنـشـد بـالـنـشـد عَ الـجـيـم مـن الـسـيـن
 
نـزحـَـف عَ الضلـع ! والـضلـع وَن اوصاح
نـبـچـي امـن الـحـزن والـوادم امـعـَـيـديـن
 
نـشـرد لـلـبـعـيـد اوهـَـم يـردْنـَـه الـشـوگ
نـتـنـَـطـر ودادَك چـَـنـَّـه مـَـفـطـومـيـن


 

[ميسون نعيم الرومي]

الأخ الأستاذ ابو شذى الوردة
اهديك باقة ورد في هذا اليوم الربيعي الجميل
راجية لك اياما ملؤها الخير والسعادة
نورت صفحتي بوجودك المشرق
مع تحيات اختك في الوطن
ميسون نعيم الرومي

[Odisho Youkhanna]