قـرص نـعــْــنـاعْ

[ميسون نعيم الرومي]

قـرص نـعــْــنـاعْ
ميسون نعيم الرومي
 
قـرص نـعـْـنـاع خـَـدَّك يـامـسـچ وايـفـوحْ
يـاخـَـمـري الـشـَـعـَـر مـَـعـْـجـون بـالـحـِـنـَّـه
 
يـاحـلـو الـمـَـعـانـي اوصُـبـَـي هـاي الـعـيـن
يـاطـيـر الـبـَـراري اوطـيـر مـن جـَـنـَّـه
 
تـتـهـادَه ابـغـنـج تـتـمـايـل الأغـصان
غـصن وَرْد الـبـَـنـَـفـسـَـج بـيـك يـتـغـَـنـَّـه
 
سـلـَـب روحـي غـَـفـل مـن مـَـر عـَـلـَـيـَّـه اوفـات
شـو فـَـز الـگـَـلـب والـشـوفـتـَـه اتـعـَـنــَّـه
 
يـامـروَد كـحـل يـتــْـكـَـحـّـل امـن الـعـيـن
يـفـراگ الـتـَـرف بـفـراگــَـه وَن وَنــَّـه
 
يـاشـمـس اوگـمـَـر وانـجـوم يـامـَـحـلاه
لـيـلـو الـتـنـَـعـثــَـر لوضحـَـك من سـنـَّـه
 
يـاصوت الـربـابـَـه اونـاي وَيـَّـه الـعـود
مـن تـحـچـي الـشـفـايـف بــِسـْـمـَـه تـتـغـَـنـَّـه
 
يـالـون الـسـنـابـل يـضوي ويـَّـه الـخـَـدْ
كـل عـاشـگ وگـَـف هـالـبـيـه يـتــْـمـَـعـنـَـه
 
اسـنـيـن الـعـمـر بـعـيـونـَـه تـطـْـفـَـه اتـذوب
اسـمـك صوت اسـد بـالـكـون الـه رَنـَّـه
 
ازلـوفـَـك جـدايـل والـخـصَل ألـوان
يـــلـْـحـبـَّگ بـالـجـَـرِح مـلـْحـَـك واريـدَنـَّـه
 
يـاشـَـهـگـَـة عـطـَـش والـگـَـلب هـالـمـَـلچـومْ
يـركـض عَ الـسـَـراب اومـاي كـل ضنـَّـه
 
يـَـشـَـط الـطـيـب عـمـْـرَك عـمـر أزمـان
امـن الـمـامـش عـلى الـمـامـش تـعـَـوَّدْنـَـه
 
يـاخـوفـَـة گـَـلـب مـنـَّـك عـَـلـيـك ايـخـاف
يـاسـاس الـصـَـبـر والـصـَـبـر مـَـل مـنـَّـه
 
اشـوفـَـن بـالـچـفـوف الـسـمـر اسـْـمـَـك صار
تـضل ويـه الـنـفـس شـريـانـَـه وابـدَمـْـنـه
 
ياوسفه انـگـِـضَه هـذا الـمـضَه اوهالـراح
واسـنـيـن العـمـر طـَـشـَّـت اوفـَـرْگـَـتـنـَـه
 
مِـسَـحـْـنـا الإيـد بـالـحـايـط كـِـتـَـلـْـنـا العـوز
اوتـالـيـهـَـه الشـوارع هـالحـِـوَت دَمـْـنـَـه
 
تالي اشلون يحبيب ! متگلي  تره اشلون
تصحه .. ؟ چذب  ! مامش أبد ضنه
------------------------------------------------
ســــــــــــتوكهولم
آيـار / 2015
 

[الغسق]

روعه تسلم ايدك

[ميسون نعيم الرومي]

شكرا لمروركم العطر
يا ايها الغسق يا اول الليل
وفيه تعانق آخر ضياءالنهار مع بداية الليل
لكم كل الود والتقدير
ميسون نعيم الرومي

[Odisho Youkhanna]

ازلـوفـَـك جـدايـل والـخـصَل ألـوان
يـــلـْـحـبـَّگ بـالـجـَـرِح مـلـْحـَـك واريـدَنـَّـه
 
يـاشـَـهـگـَـة عـطـَـش والـگـَـلب هـالـمـَـلچـومْ
يـركـض عَ الـسـَـراب اومـاي كـل ضنـَّـه
 
يـَـشـَـط الـطـيـب عـمـْـرَك عـمـر أزمـان
امـن الـمـامـش عـلى الـمـامـش تـعـَـوَّدْنـَـه
 
يـاخـوفـَـة گـَـلـب مـنـَّـك عـَـلـيـك ايـخـاف
يـاسـاس الـصـَـبـر والـصـَـبـر مـَـل مـنـَّـه
 
اشـوفـَـن بـالـچـفـوف الـسـمـر اسـْـمـَـك صار
تـضل ويـه الـنـفـس شـريـانـَـه وابـدَمـْـنـه