من يمثلنا ؟؟؟

[kaldanaia]

هل حقا الفائزين بالانتخابات يمثلون شعبنا..؟؟مثل زوعا بقيادة كنا ومنذ 26 سنة .علما ان الحركة تسيء للديمقراطية عندما تتخذ الديمقراطية لقبا لها . او المجلس الكلداني السرياني الاشوري لصاحبه البارتي الكوردستاني . كم هي نسبة المصوتين من  عدد ابناء شعبنا هي نسبة لا تقارن بعدد شعبنا خصوصا الكلدان ان نسبة المهاجرين تفوق عشر اضعاف الموجودين بالوطن لذلك لا يمكن بأي شكل من الاشكال ان نقول هؤلاء يمثلوننا وخصوصا نحن الكلدان لان الموجودين يعادوننا بهويتنا وهذا ما لا يختلف عليه اثنان . لذلك الممثل الشرعي لابناء شعبنا هو من يختاره كل الشعب وهذا لن يحدث قي ظل النظام الحالي وهذه حقيقة الوطن حاليا . من هذا المنطلق بالنسبة للكلدان عليهم ان يدعموا غبطة البطريرك ساكو , على الاقل اننا واثفون انه لن يغدر بنا كما فعل الاخرين و منذ 26 سنة ؟؟؟ اليوم الوعي الكلداني السياسي و القومي بحاجة الى انماء واعتقد ان الرابطة الكلدانية  المزمع تأسيسها عليها ان تأخذ هذا الامر بجدية لانه الطريق الوحيد لشرعيتها مع امتداد طريقها و توسعها نحو التمثيل الحقيقي للكلدان . الشعب الكلداني اذا وعي لخصوصيته ودعمها سوف يكون للمسيحية شئنا في الوطن . لذا القلم الكلداني له مسؤولية عظيمة تجاه الشعب الكلداني علينا جميعا ان نعمل لاثبات الوجود الكلداني الحي في الوطن عبر تكوين علاقات في كل مناحي الحياة في الوطن وخارجه وان نكون اعلامين نعرف كيف نزرع الشعور بالمواطنة حتى اذا لم نعش في الوطن لاجل خلق ضروف ايجابية مستقبلية . انا واثق اذا استثمروا الكلدان علاقاتهم الدولية بصورة منسقة ومدروسة سوف يعلو اسم الكلدان . ان الذين هدروا طاقاتنا وفرضوا علينا حرب التسمية علينا ان نضع لهم حد بطريقة ايجابية لا تحدث اي ضرر لهم وتجعل انطلاقتنا تبدأ مسيرتها بصورة عادلة تخدم الفرد الكلداني ومن ثم العراقي لكي يحدث تغيير في الوعي الوطني  .علينا ان نكون على قدر المسؤولية تجاه قضايانا ابتداء من البيت والكنيسة و المجتمع عن طريق تأسيس لجان اجتماعية تعتني بالفرد الكلداني وتزرع فيه الثقة بالمشاركة والانتماء الى الوطن . ان ايجاد الحلول لمشاكل الفرد الكلداني هي الطريق الى تكوين مجتمع كلداني متماسك ووطني . اليوم اعلامنا لا يكاد يذكر مقارنة بالاخرين علما ان للاعلام تأثير مباشر لنفسية الفرد الكلداني لكي يشعر بوجوده المؤثر في الساحة الوطنية والدولية. علينا ان تعرف الاخرين اننا موجودين

كلدنايا الى الازل 

[khalid awraha]

اخوية  kaldanaia
تكول (هل حقا الفائزين بالانتخابات يمثلون شعبنا)
الجواب طبعا الفائزين بالانتخابات يمثلون شعبنا خوما يمثل شعبنا اياد علاوي او نوري المالكي او احزاب عربية او كردية .ثاني شي محد واكف ضد هويتنا الكلدانية وهناك كلدان وصلوا عن طريق الاحزاب الاشورية لمناصب جثيرة بس اريد اسئلك جم كلداني وصل لمنصب عن طريق احزابنا الكلدانية؟
اخوية العلة بينا ما عدنا وعي سياسي وهمتنا وقوتنا بكنيستنا حتى احزابنا السياسية ما عدهم وعي ونشاط سياسي فكافي تتهمون الاحزاب الاشورية واحنا بعيدين عن نشاط سياسي وعن الواقع .اخوية احجي العدل وينهم احزابنا الكلدانية بالعراق ليش كعدوا وسووا لقاء ويا حكومة الاقليم ليش عدهم لقاءات ويا الحكومة المركزية ليش عدهم لقاءات ومساعدات لشعبنا المنكوب انسانيا واجتماعيا ليش عدهم تشجيع لتاسيس قوات عسكرية ليش عدهم مؤتمرات بالعراق ليش عدهم زيارات للعراق !
احنة الكلدان جثيرين بس ما نشارك بالانتخابات تعرف ليش لان همنا بس بالفلوس وما ناخذ ساعة وحدة للاشتراك حتى ما يكطعون الفلوس وثاني شي ما عدنا وعي سياسي واعتمادنا على الكنيسة وحتى لو شاركنا بالانتخابات ننطي صوتنا لقائمة سنية وشيعية وكردية ومسوين الاحزاب الاشورية اعداء النة بس هم اكثر المرشحين عدهم مختلطين من كلدان وسريان واشوريين .التسمية مو مشكلة بس المشكلة يمنة هو احنا ماكو عدنا وعي سياسي وما نفكر بس بنفسنا ضمن العائلة .الاحزاب الاشورية يعترفون بوجود الكلدان بس صوج جم واحد كلداني لحد هاي اللحظة واكف ضد الاحزاب الاشورية وهم اصلا ما عدهم وعي سياسي ودائما يحطون اي فشل لدور الكلدان على الاحزاب الاشورية وثاني شي لمن نخابر اهلنا بالعراق ونسألهم منو يساعدكم هناك يكولون كنائسنا واحزاب اشورية وجمعيات اشورية وهناك جم مؤسسة كلدانية بس ولا مرة ذكروا احزابنا الكلدانية بالخارج فتجي وتحجي وتحط الذنب على الاحزاب الاشورية وانت ماكو عندك وعي سياسي واجتماعي ؟احنة الكلدان همنة يصير البطريرك قائد سياسي وتدخل كنيستنا بالسياسة وننتخب كاهن للبرلمان ونحارب الاخوة الاشوريين بس نحط ايدينا ويا العرب والاكراد والسبب ما عدنا تجارب وانشطة سياسية وحتى الكلدان اللي جانوا ويا الحزب الشيوعي او احزاب كردية جانوا يشتغلون للعراق وشعبنا مو علمود هويتنا الكلدانية. افضل طريقة حتى يصير النة دور فعال هو الدخول ويا احزاب اشورية ونؤسس جهة سياسية تكوم بطرح قضيتنا والا ابد ما يصير عدنا دور ونشاط سياسي اذا ابتعدنا عن علاقتنا ويا الاخوة الاشوريين .شكرا

[kaldanaia]

السيد  khalid awraha المحترم زوعا و المجلس يمثلون من انتخبهم فقط ؟؟
علاوي وغيره من حكام العراق الحاليين لا يعنون شيئا لنا نحن الكلدان .
الكلدان الذين وصلوا الى مناصب في الاحزاب الاشورية هم الكلدان الذين
نكروا اصلهم طمعا بهذه المناصب . شكرا لردك

               كلدنايا

[RedHotChilliPeper]

الاخ المحترم كاتب المقال,
انا شخصيا لست كلداني لكن اتفق في كثير مما قاله الاخ اوراها, الاخوة الكلدان هم اغلبية مسيحيي العراق بدون نقاش ولو قدر الله وشاء يوما ان يجتمع جميع مسيحيي العراق من كل دول العالم في بلد واحد يكونون هم سكانه سيكون عدد الكلدان مخيف لانهم اكثر من نصف مسيحيي العراق على الاقل الا انهم بالفعل ضائعون بين الكنيسة والسياسة وللاسف الاثنين مو مرتبين بدون زعل !! الكنيسة الكلدانية في اوربا مثلا كنيسة كبيرة الا انها تعاني من التشتت وليس لها قيادات موحدة وقوية وليس لديها حتى كنائس ثابتة او اساقفة اما على الصعيد السياسي ليس للكلدان اي احزاب ذات قاعدة شعبية حقيقية زائدا ان الكلدان بشكل عام كانوا اكثر اندماجا مع الانظمة العراقية خاصة نظام البعث بسبب عدم وجود نزعة قومية ذات نفس انفصالي وهو ما كان لدى الاخوة الاشوريين فكان صدام يقرب اليه الكلدان اكثر ويحارب الاشوريين باحزابهم مما ادى ايضا الى ان احزاب مثل حزب يونادم كنا وغيره تتصدر المشهد السياسي كانها ممثله عن المسيحيين مع انهم لم يفيدوا اي مسيحي وحتى شعبهم الاشوري لم يقدموا له شئ بل انا شخصيا لم اسمع مسيحي عراقي من اي طائفة يذكر يونادم كنا بخير !

الكلدان سواء أكانوا فعلا هم احفاد الكلدان ام ايا كان اسمهم الحقيقي هم الشعب الاصلي لبلاد ما بين النهرين والكلداني ما هو الا عراقي اصلي اي هنود حمر العراق . السبب في اعتقادي بضعف الكلدان على صعيد الكنيسة والسياسة هو ان هذه الكنيسة مسيطر على كثير من شؤونها من قبل الفاتيكان بحكم انتمائها الكاثوليكي مما افقدها وقيادتها الكثير من السلطات والنفوذ وادى الى تشتيت الشعب ايضا ولنا في الاشكالات الاخيرة بين احدى الابرشيات والمركز مثال في مدى صعوبة قيادة هذه الكنيسة مركزيا وصعوبة تشكيل قرار وقيادة قوية فيها , البطريرك مار ساكو الجزيل الاحترام يقوم حاليا بجهود مضنية الا ان المسؤوليات كثيرة والصعوبات اكثر مما يستوجب تعاون الشعب والتفافه مع الاحزاب حول الكنيسة ومحاولة استعادة الكثير من السلطات المفقودة لتتمكن قيادة هذا الشعب من تشكيل قرارها القوي المستقل عن اي نفوذ خارجي.

مع احترامي وتحياتي

كرياكوس جورج

[khalid awraha]

السيد  khalid awraha المحترم زوعا و المجلس يمثلون من انتخبهم فقط ؟؟
علاوي وغيره من حكام العراق الحاليين لا يعنون شيئا لنا نحن الكلدان .
الكلدان الذين وصلوا الى مناصب في الاحزاب الاشورية هم الكلدان الذين
نكروا اصلهم طمعا بهذه المناصب  . شكرا لردك

               كلدنايا

اخوية كلدنايا
تكول (الكلدان اللذين وصلوا الى مناصب في الاحزاب الاشورية هم الكلدان الذين نكروا اصلهم طمعا بهذه المناصب )
زين وانتة شعليك بيهم اخي كل انسان هوة حر بتصرفاته ومبادئه وبحريته شنو تريد تسوي قانون لازم الكلداني يشتغل بس للكلدان حتى يصير كلداني واذا صار ويا الاحزاب الاشورية هو مو كلداني انت شمسوي او غيرك بالاحزاب الكلدانية اول  شي للكلدان حتى تكول هذاك الحجي غير انت تسوي شي اول مرة وبعدين افتح جبهة ضد الاحزاب الاشورية .هذا حجي واحد متعصب والمتعصب دايما يضر بطائفته .زين البعض منا احنا الكلدان بعدنة ندافع عن طارق عزيز مع العلم طارق ولا مرة كال اني مسيحي ولا يوم جان واكف او مسوي شي للكلدان فبرأي هو كلداني يمك !
اخوية اذا بقينة نكول فلان كلداني وفلان اشوري راح نبقى نرجع للورا حتى لو جنة نعيش بنص الكلدان او حتى لو يصير عدنا دولة كلدانية .اخوية كلدنايا انت توكف ويا العربي والكردي وياما كلدان انطوا اصواتهم للاياد علاوي ويما كلدان بعدهم ويا الاحزاب السنية والشيعية والكردية والحزب الشيوعي وبنظرك كلهم كلدان بس الكلداني اللي ناكر اصله بنظرك هو اللي صاير ويا الاحزاب الاشورية وعلى كولة المثل  اللي يسوي  كل المحرمات ومن يوصل يم الخنزير يكول هذا حرام .
اكيد يمك حتى المرحوم الدكتور حكمت حكيم اللي جان عضوا في اول برلمان عراقي بعد سقوط صدام مو كلداني !!
شنو السالفة يعني بس انتم كلدانيين واحنة المعتدلين مو كلدان زين شنو رأيك بكنيستنا الكلدانية مو عدها علاقات ويا الكنيسة الاشورية يعني حضرة جنابك ما معترف بيها لان لها علاقة ويا الكنيسة  الاشورية !
لو جان صحيح بان الاحزاب الاشورية ماكلة حقوق الكلدان جان ولا واحد كلداني دخل بالاحزاب الاشورية وثاني شي 3/4 من المتطوعين بالقوات مال الاحزاب الاشورية او بمؤسسات خيرية وانسانية كلدان يعني كلهم مو كلدان بس حضرتك كلداني !ليش  عدكم  مطالب  ونشرتم مضلوميتكم وشرحتم فيها حقوقكم كبل ما تهاجمون اخوتنا الاشوريين  دون اثبات بس مبينين انتم بس بالمواقع سباع وماكو فة شغلة تطلع منكم تفيد الكلداني .مو صارت عدنا مؤتمرات ما تكلي وين صارت قراراتها اشو ما شفنة فة شي زين او فقرة طبقوها بالعراق ولا حتى بمكان المؤتمرات وتاليهة كامت جماعة المؤتمرات واحد يلوم الثاني و هسة كنيستنا تريد تسوي رابطة والله اول الناس اللي ما جا يرضون بيها ولا موافقين عليها هم الكلدان بس الله يكون ويا البطريرك مار ساكو وانشاء الله تنجح الرابطة!شكرا

[زيد ميشو]

عزيزي كلدانايا
بداية أحييك على هذا الطرح، وحسناً فعلت عندما قلت بأن الأشياء الموجودة في البرلمان لا يمثلون إلا من رشحوهم، بينما نحن اسمى من أن نجعل (هذولة) الأشياء يمثلونا
أن جميع الأشكال المتوفرة في البرلمان العراقي والذين حصلوا على اصواتهم بأغراءات مادية او دغدغة لعواطفهم القومية حتى المزيفة منها، والدينية الطائفية البغيضة ومن هم على شاكلتهم البعيدين عن أي روح وطنية، يمكننا ان نضعهم في نفس الدرك، لأنهم جيمعاً اوجه عديدة لعملة رخيصة واحدة
بخصوص الرابطة .... الكثيرين يتمنون ان يكونوا في خدمة الرابطة وأنا من بينهم، وزمن الفصل قريباً جداً، اقصد فصلنا عنها او التحامنا بها إلى الأبد
وإلى حينه لكل حادث حديث
دمت أخاً