كروب نقاش للي ارسلوا الفورمات و منتظرين مقابله السفاره

[abu abd 84]

السلام عليكم
موضوع خاص بلي ارسلوا الفورمات الى السفاره الكنديه و منتظرين اتصال على مود المقابله كل واحد يكوللنه شوكت ارسلهن و الي مخابريهم بعد الفورمات بشكد و الي قابل شلون جانت المقابله خلي تصير معلومات الكل يستفادون منهه

[فهدالفهد]

اهلا وسهلا اخ abu abd 84
شكرا على هذا الكروب و زين ماسويت لان نريد نعرف شوكت تتصل السفارة بينة اني دزيت الفورمات 29_4_2015
ولحد الان ماكو اتصال وانشالله خير على الجميع
تحياتي

[abu abd 84]

والله يا اخي اني بالنسبه الي ارسلتهه يوم 15/6/2015 بس اشو ماكو موعد محدد اكوا ناس قبل الشهر خابروهم

[alwaleed88]

وعليكم السلام ورحمة الله وبركاته

متوسط الفترة بين تسليم الفورمات ومقابلة القنصل تقريباً 4 شهور وأكو ناس أقل، بعضهم يتصلون بيهم بعد التسليم بشهر وأكو حالات نادرة ينتظرون 7 شهور

المقابلة جداً سهلة بس يسألك عن المعلومات اللي كتبتها بالفورمات، مدة المقابلة تقريباً ساعة

الله يوفقكم

[فهدالفهد]

السلام عليكم اخي abu abd 84
اني سمعت وحسب الحالات اللي ديمرون بيهة اخواننا في المنتدى انه الاتصال من السفارة الكندية بعد تسليم الفورمات حوالي 5 اشهر واحنة صبرنة كل هلصبر نصبر بعد شوية وانشالله الفرج علينة وعليكم
تحياتي

[فهدالفهد]

اخ الوليد تحياتي الك واشكرك على التوضيح وانشالله تبشرونة ببشارة حلوة
تحياتي

[ادم روني]

شكرا للاخ abu abd84  على هذا الكروب وتمناتي للجميع بالسفر والاستقرار
بالنسبة الي سلمت الفورمات يوم 6-4-2015

[america50005]

مساء الخير اخوان اني من لبنان وكل بلد اله مواعيد تختلف عن الاخرى فكل واحد يذكر هو منين اني انتظر مقابلة القنصل والله كريم صار النه من عملنه الفورمات شهر واسبوع

[abu abd 84]

اخوان مو الانتظار قاتل اني صارلي سنتين و عائله و اطفال
تاريخ التسجيل 15/7/2013
المقابله 09/12/2014
و هسه بمرحله الفورمات يعني بالميت اكثر من سنتين و نص انتظار احس هوايه

[ادم روني]

مساءالخير عليكم اخوان اني مقدم من مصر ومثل ما كلت قدمت الفورمات 6-4-2015

[ادم روني]

اخي العزيز abu abd  انت تقصد بالتواريخ من التسجيل في المفوضية والمقابلة الاولى عدهم ؟ طبعا للعلم اني حصلت مقابلة التوطين في un مصر بعد مرور 8 سنوات من تاريخ التسجيل

[urukiraq]

مرحبا اخواني
اريد منكم مساعده وين مكتب السفاره الكنديه بالحمرا ؟

[america50005]

 في منطقة كيلمنصو قرب مركز الطبي بعده 100 متر البنايه

[فادي المحمد]

السلام عليكم ..شكرا عالقروب الرائع

بصراحه انا في لبنان

وعبيت الفورمات وقدمتها وبعد عشر ايام اتصلو بينه ورحنا قابلنا القنصل وعملنا فحص طبي والحين ننتظر الاتصال لتسليم الاوراق

[america50005]

سلام عليكم اخوان الي في لبنان هل حاليا متوقف مقابلت القنصل ﻻن لم يتصل على احد في هذه الفتره وقلقين كثير فارجو الي عنده جواب يكتبلنه وشكرا

[urukiraq]

سلام عليكم اخوان الي في لبنان هل حاليا متوقف مقابلت القنصل ﻻن لم يتصل على احد في هذه الفتره وقلقين كثير فارجو الي عنده جواب يكتبلنه وشكرا

معقولة ؟ منو كال مقابلات القنصل واقفة

[ادم روني]

مساء الخير عليكم اخواني ماكو اي جديد بالنسبة للاتصال ؟

[abu dina73]

السلام عليكم... والله الى الآن كلشي ماكو صار شهرين ونص وماكواتصال بس حسب اللي سمعته من 3 اشهر فما فوق من ارسال الفورمات يتصلون . وهاي السنة هواية ناس نزللهم استيطان كندا الظاهر عليهم لود
الله يسهل امورنا واموركم وان شاء الله نسمع اخباركم الحلوة قريبا
تحياتي

[فهدالفهد]

السلام عليكم
اني هم ليهسة ماكو شي دزيت الفورمات يوم 29/4/2015
الله يسهل للجميع

[mnkamala2000]

سلام عليكم
مقابلة القنصل تكون وره شهرين تقريبا من مقابلة التعريفية .
وحاليا اكو مقابلات بالسفارة وممتوقفه .

الله يسهل عل جميع

[ادم روني]

شكرا لكل الاخوان الاعزاء على الردود والتوضيح وبالموفقية للجميع وا

[america50005]

سلام عليكم اخي انت باي دوله حاليا ما سمعنه اي مقابله وﻻ اتصلو باحد

[ادم روني]

وعليكم السلام اخي العزيز اني في مصر

[mnkamala2000]

سلام عليكم اخي انت باي دوله حاليا ما سمعنه اي مقابله وﻻ اتصلو باحد

لبنان اخوية, حاليا دتصير بيها مقابلات القنصل الكندي

[mnkamala2000]

جماعة لبنان منو قابل تعريفيه ومنتظر المحلف ؟؟
وشوكت قابلت تعريفية ؟

[ادم روني]

سلام عليكم اخواني الاعزاء ... شايف الكروب متوقف صارله فترة ..
ماكو اخبار جديدة ؟

[america50005]

مساء الخير اخوان حاليا اكو مقابلات بس قليله يعني تاخير اشوكت يخلصونه على هاي الحاله

[abu dina73]

السلام عليكم جماعة تركيا ماكو اخبار جديدة ؟

[ادم روني]

اخوان اذا اكو احد من مصر ومنتظر اتصال سفارة كندا ياريت يتواصل ويانه

[urukiraq]

والله ماكو اي اخبار 

[abu abd 84]

تركيا لا جديد

[ادم روني]

مساء الخير عليكم جميعا ... شكرا على التواصل والردود
ياجماعة الملاحظ انه في كل دول الجوار ماكو تحرك من قبلهم بشكل عملي الا القليل جدا بالنسبة للمقابلات او الاتصال على مقابلة وهذا الشي مبين من خلال الردود ... برأيكم اخوان شنو القضية ؟ لانه كنا نسمع انه كندا تختلف بأجرائاتها وسرعة الانجاز عن امريكا .. ياريكم مشاركات اصحاب الخبرة القدماء والجدد بتبادل الاراء ... وشكرا مقدما للجميع .. والفرج ان شاء الله للكل عن قريب

[alwaleed88]

اني مخلص مقابلات وفحص طبي وكلشي وهسة صارلي 6 شهور ماكو لا حس ولا خبر
خابرت اليو ان ما يردون وراسلت السفارة وماكو جواب
الشكوى لله سبحانه

[فادي المحمد]

اني مخلص مقابلات وفحص طبي وكلشي وهسة صارلي 6 شهور ماكو لا حس ولا خبر
خابرت اليو ان ما يردون وراسلت السفارة وماكو جواب
الشكوى لله سبحانه

اخي الوليد انت مسلم الجوازات ومبصم ، لو بس وصلت للفحص ابطبي و ما عاد خابروك ؟

[alwaleed88]

بس وصلت للفحص الطبي وماكو اتصال

[maximux]

جماعة تركيا معقولة محد اتصلوبي مقابلة السفارة بشرونا الله يفرحكم

[فهدالفهد]

السلام عليكم اخواني حبيت ابشركم باتصال السفارة الكندية في انقرة لاجراء المقابلة وطبعا ما احجيلكم دايخ وما اعرف اي شي عن طبيعة الاسئلة وعن المقابلة واني متزوج ولدي طفلين فارجو المساعدة من قبل الاشخاص اللي مقابلين سابقا واللي ممقابلين اكوللهم انشالله خير يارب ...
مع تحياتي

[urukiraq]

السلام عليكم اخواني حبيت ابشركم باتصال السفارة الكندية في انقرة لاجراء المقابلة وطبعا ما احجيلكم دايخ وما اعرف اي شي عن طبيعة الاسئلة وعن المقابلة واني متزوج ولدي طفلين فارجو المساعدة من قبل الاشخاص اللي مقابلين سابقا واللي ممقابلين اكوللهم انشالله خير يارب ...
مع تحياتي

ان شاء الله ربي يسهلك
المقابله عباره عن اسئلة الكتبتهم بالفورمات
يسئلوك عالتواريخ ومقابلة سهله بس كون واضح معهم
واجابتك مابيها اختلاف .
الله يسهلك

[فهدالفهد]

ان شاء الله ربي يسهلك
المقابله عباره عن اسئلة الكتبتهم بالفورمات
يسئلوك عالتواريخ ومقابلة سهله بس كون واضح معهم
واجابتك مابيها اختلاف .
الله يسهلك

شكرا اخي وياريت لو اكو معلومات بالتفصيل لان بحثت بالمنتدى عن المقابلة وشنو الاخطاء اللي ممكن تجنبها اثناء الماقبلة ومايجري بعدها ملكيت تفاصيل وانشالله متقصرون وياية ,,

[ادم روني]

مبروك اخوية وبالموفقية ... للاسف ماعندي اي معلومات عن المقابلة بعدني ممقابل ... بس عندي سؤال .. شكد الفترة من تاريخ تقديم الفورمه الى وقت الاتصال ؟ وان شاءالله حضرتك اتكون فاتحه خير لجميع منتظرين الاتصال ... تحياتي للجميع

[فهدالفهد]

مبروك اخوية وبالموفقية ... للاسف ماعندي اي معلومات عن المقابلة بعدني ممقابل ... بس عندي سؤال .. شكد الفترة من تاريخ تقديم الفورمه الى وقت الاتصال ؟ وان شاءالله حضرتك اتكون فاتحه خير لجميع منتظرين الاتصال ... تحياتي للجميع
[/

اشكرك اخوية الغالي وانشالله يوم اللي يتصلون بيك..انت شوكت سلمت الفورمة؟؟اني بعد 3 اشهر ونص بلضبط اتصلو بية..واعرف شخص وياية سلم الفورمة بنفس الوقت بس ما اتصلوا بي لخد هسة يعني هوة الانتظار قاتل بس الله يسهل للجميع يارب

[فهدالفهد]

اخواني ابو عبد والوليد بشرونة وين وصلتو بمراحلكم مع السفارة والله مشتاقين لوجودكم ...

ياجماعة خلي يكون هذا المنتدى اكثر تفاعل لان كلنة قتلنة الصبر والانتظار فعسى ان نتواصل ويكون هذا
امل بسيط نتحمل به مرارة الانتظار والغربة ..
مع تحياتي

[abu abd 84]

اخواني ابو عبد والوليد بشرونة وين وصلتو بمراحلكم مع السفارة والله مشتاقين لوجودكم ...

ياجماعة خلي يكون هذا المنتدى اكثر تفاعل لان كلنة قتلنة الصبر والانتظار فعسى ان نتواصل ويكون هذا
امل بسيط نتحمل به مرارة الانتظار والغربة ..
مع تحياتي

والله يا خوي بعدني دا انتظر الاتصال صارلي اني شهرين و نص من أرسلت الفورمات[/size]

[فهدالفهد]

والله يا خوي بعدني دا انتظر الاتصال صارلي اني شهرين و نص من أرسلت الفورمات
[/



شونك اخي ابو عبد وانشالله هلشهر يتصلون بيك وليظل ببالك والله يسهل للجميع

[ادم روني]

شكرا يا اخواني على التواصل وان شاء الله تفرج على الجميع ..
اخوية اني سلمت الفورمة في بداية شهر 4 -2015 في مصر ولحد الان ماكو اي اتصال وقبل اسبوع رحت للسفارة طلبت منهم اي وسيلة للاتصال وياهم نطوني ايميل كالوا راسلنه من خلاله وفعلا راستلهم وكتبت طلب استعلام عن الملف ووصلني اوتو ربلاي تاكيد استلامهم رسالتي ... المشكلة انه مشفت لحد الان اي عراقي متحول كندا في يوان مصر ولا حتى شفت من خلال الذهاب للسفارة اي عراقي يراجع على شغلته لذلك ولا حتى في المنتدى شفت احد من مصر ... لذلك لو اكو احد من الاخوان في مصر خلي يدخل ويانه نتبادل المعلومات ... تحياتي للجميع

[فهدالفهد]

اخي ادم روني اني اضم صوتي وياك ياريت اللي عده معلومات او تجارب من اي بلد خلي يتفضل ويفيدنة
واني بصراحة ماعرف احد مقدم من مصر بس انشالله تسهل عليك واعتقد هية نفس الاجراءات واهم شي تطول بالك
لان حسب ماقريت بالمنتدى من قبل اخوتنة اللي سبقونة الى كندا جانو يسمون السفارة الكندية سفارة الصبر والله كريم

[ahmed842013]

والله يا خوي بعدني دا انتظر الاتصال صارلي اني شهرين و نص من أرسلت الفورمات

انت بيا دوله اخويه؟؟

[ادم روني]

مشكور اخوية فهد الفهد على التواصل والشكر ايظا لكل الاخوان على التفاعل والمشاركة .. وان شاء الله السفر للجميع عن قريب

[تمر برحي]

مبررررررررررررررروك..

اخي فهد الفهد وانشالله  يوم تبشرنا بسفرك
 

[فهدالفهد]

الله يبارك بيك اخي تمر برحي ويوم للجميع يارب ...

[abu abd 84]

انت بيا دوله اخويه؟؟

حبي أني بتركيا[/size]

[ادم روني]

اخي العزيز فهد الفهد قابلت لو بعد  ؟ ياريت تنطينه فكرة عن المقابلة بعد مقابلتك وشنو هي اجراءاتهم بالمقابله ... وبالموفقية ان شاء الله

[ادم روني]

مساء الخير على كل الاخوان والاخوات الاعزاء .. ماكو اي اخبار جديدة ؟ الاخ فهد الفهد شنو اخبار مقابلتك ؟ ياريت التواصل يستمر ... مع الشكر والامتنان لكل الاخوان والاخوات

[maximux]

الاخ العزيز فهد الفهد بلكت فد نبذة عن المقابلة وشنو ايجابيات المقابلة وسلبياتها وان شاء الله ماكو اي سلبيات تمنياتنا لك بالموفقية

[فهدالفهد]

السلام عليكم اخواني
ابشركم قابلت بالسفارة الكندية وكانت الاجراءات في البداية تفتيش دقيق ودخلونةقاعة انتظار كنا 4عوائل وشباب 2 وبعد ذلك نادو اسمائنة لاخذ بصمات الاصابع العشرة وصورة  وبعدها كنت اني اول عائلة دخلت للمقابلة كانت اللي دتقابلنة موظفة كندية مع مترجمة من بلد عربي لهجتها مكسرة المهم دخلنا كلنة وبعدين طلعنة الاولاد بقينة اني وزوجتي واسئلتها من نفس الاستمارة عن المواليد والاماكن اللي سافرتلها ووين نزلت بيا فندق وماركزت على قصة التهديد بكد ما ركزت على ملفي اللي بسوريا وكذلك سئلت انت بعثي وليش لا ..واماكن العمل ومستوى اللغة وبعدها كالت وقعو اوراق الفحص وقرض الطيران وانتظروا وعلى 2016 يكون سفركم بين متوصل نتائج الفحص والتجييك الامني اللي تاخذ على الاقل 3 اشهر ...بنفس اليوم رحنة فحص طبي واختارينة دكتورة لالة لان اكو دكتور عليه شكاوي كثيرة كذلك غير ملائم لفحص النساء فيا اخوان اختاروا دكتورة وليس دكتور ..كملنة الفحص الطبي والدكتورة طمنتنة بحدود شهرين الى 3 نحصل على فيزا وانشالله تسهل علينة وعليكم يارب ..
مع تحياتي

[maximux]

بارك الله بيك اخ فهد الفهد ويارب ان شاء الله يوم الطيران ويسهل امرك بس استفسار صغير المقابلة اشكد طولت كوقت وهم كالت الكم ملفكم راح يتحول الى الامن القومي الكندي وماكو اي استفزاز من قبل الموظفة والي وياكم من العوائل كلها انقبلت ان شاء الله تحياتي لك بالموفقية وشكرا" لتعاونك

[ادم روني]

شكرا للاخ فهد الفهد على التوضيح وان شاء الله بالموفقية ... واني شايف شي على شي المقابلة كانت سهله وروتينية ... تحياتي الكم

[فهدالفهد]

بارك الله بيك اخ فهد الفهد ويارب ان شاء الله يوم الطيران ويسهل امرك بس استفسار صغير المقابلة اشكد طولت كوقت وهم كالت الكم ملفكم راح يتحول الى الامن القومي الكندي وماكو اي استفزاز من قبل الموظفة والي وياكم من العوائل كلها انقبلت ان شاء الله تحياتي لك بالموفقية وشكرا" لتعاونك

المقابلة طولت ساعة تقريبا وماكو اي استفزاز وكالت ملفكم يروح للهجرة الكندية

[فهدالفهد]

شكرا للاخ فهد الفهد على التوضيح وان شاء الله بالموفقية ... واني شايف شي على شي المقابلة كانت سهله وروتينية ... تحياتي الكم

اشكرك اخي علتواصل وادعو للجميع يارب بالتسهيل انشالله والمقابلة مثل ما كلت عبارة عن اسئلة من الفورمة وتدقيق على بعض النقاط حتى يجيكون مصداقيتك
تحياتي

[ادم روني]

شكرا اخوية العزيز فهد الفهد على التوضيح الله يوفقك ويوفقك الجميع

[ادم روني]

اخواني الاعزاء سؤال يخص الاغلبية من منتظرين اتصال سفارة للمقابلة .. هل التأخير في الاتصال من قبلهم عادي ؟ يعني صار 5 شهور ونص من سلمتهم الفورمة ولحد الان ماكو اي اتصال وارسلت الهم ايميل مرتين ووصلني اوتو ربلاي تاكيد استلامهم الايميل وايظا ماكو شي ... ياريت اصحاب الخبرة ومن عنده اي معلومات رأيكم

[america50005]

سلام عليكم اخي لتقلق ﻻن احنه نفس الشي هسه في الشهر الخامس من ارسالنه الفورمات والى حد الان ماكو اي اتصال من السفاره وننتظر والله كريم تحياتنه لجميع

[ادم روني]

شكرا للاخ العزيز على الرد وتمنياتي للجميع بالموفقية ونسمع الاخبار بالقريب العاجل

[تمر برحي]

السلام عليكم اخواني
ابشركم قابلت بالسفارة الكندية وكانت الاجراءات في البداية تفتيش دقيق ودخلونةقاعة انتظار كنا 4عوائل وشباب 2 وبعد ذلك نادو اسمائنة لاخذ بصمات الاصابع العشرة وصورة  وبعدها كنت اني اول عائلة دخلت للمقابلة كانت اللي دتقابلنة موظفة كندية مع مترجمة من بلد عربي لهجتها مكسرة المهم دخلنا كلنة وبعدين طلعنة الاولاد بقينة اني وزوجتي واسئلتها من نفس الاستمارة عن المواليد والاماكن اللي سافرتلها ووين نزلت بيا فندق وماركزت على قصة التهديد بكد ما ركزت على ملفي اللي بسوريا وكذلك سئلت انت بعثي وليش لا ..واماكن العمل ومستوى اللغة وبعدها كالت وقعو اوراق الفحص وقرض الطيران وانتظروا وعلى 2016 يكون سفركم بين متوصل نتائج الفحص والتجييك الامني اللي تاخذ على الاقل 3 اشهر ...بنفس اليوم رحنة فحص طبي واختارينة دكتورة لالة لان اكو دكتور عليه شكاوي كثيرة كذلك غير ملائم لفحص النساء فيا اخوان اختاروا دكتورة وليس دكتور ..كملنة الفحص الطبي والدكتورة طمنتنة بحدود شهرين الى 3 نحصل على فيزا وانشالله تسهل علينة وعليكم يارب ..
مع تحياتي

l 
مبروك اخي الفهد وانشالله تفرح بيوم السفر ياطيب

[mnkamala2000]

الف مبروك وان شاء الله يوم للكل .
اني صارلي شهرين ونص من مقدم الفورمه وليهسه ماكو اي خبر ودزيتلهم ايميل واحد وباجر حمر للسفارة اسأل .
سؤال للمقدمين عل الفورمه ومنتظرين مقابلة السفارة عدكم G-number ؟؟

[ادم روني]

اخي العزيز mnkamala2000 اني من نطوني الفورمة كان مكتوب عليها ال G number بس من ادخل للموقع مالتهم ميطلعلي شي غير بس انه ممكن انكون استلمه منك الفورمة لكن بعد الملف مداخل في مرحلة التفعيل ... رحت للسفارة سالتهم انه هو هذا رقم الملف كالوا اي ونطوني ايميلهم وكالولي انه التعامل من خلال الايميل بعثتلهم ايميل استفسار عن الملف او الي وصلني اوتو ربلاي تاكيد استلامهم للايميل .. وبعدني منتظر منهم اتصال ... وحسب ما سألت اصحاب الخبرة في كندا من خارج المنتدى كالوا من الممكن انه يتحرون عنك امنيا قبل ميتصلون بيك للمقابله ... لذلك اناشد اصحاب الخبرة رأيكم وحسب معرفتكم هل صحيح يسون تحرياتهم الامنية قبل مقابله السفارة لو من بعد المقابلة ؟ مع تمنياتي للجميع بالموفقية 

[abu abd 84]

الف مبروك وان شاء الله يوم للكل .
اني صارلي شهرين ونص من مقدم الفورمه وليهسه ماكو اي خبر ودزيتلهم ايميل واحد وباجر حمر للسفارة اسأل .
سؤال للمقدمين عل الفورمه ومنتظرين مقابلة السفارة عدكم G-number ؟؟

ننتظر منك الاخبار افتهملنه كل شي

[maximux]

يا جماعة الخير اشو ماكو لا حس ولا خبر شنو نايمين الجماعة بشرونة منا منا

[abu abd 84]

يا جماعة الخير اشو ماكو لا حس ولا خبر شنو نايمين الجماعة بشرونة منا منا

الحمد لله و الشكر اتصلوا بيه الامم المتحده و بلغوني بموعد مقابله بالسفاره الكنديه بعد 110 يوم من تاريخ ارسالي للفورمات

[maximux]

على الخير والبركة ابو عبد ان شاء الله يوم الطيران

[شمعه 3]

الاخوه والاخوات جميعا

لا يجوز القياس  على حالة اي ملف  من الملفات لمعرفة وقت او موعد اتصال السفاره بكم او موعد  المقابله او الفحص الطبي وغيره من الاجرءاات الاخرى والاسباب  هي كما يلي :

1-  كل ملف له حاله خاصه به والملفات تختلف من حيث تفاصيلها ونوع القصه فيها وتختلف قناعة ضابط الهجره المكلف بدراسة ملفك  في السفاره ..

2- الاجراءات الاداريه للسفاره هي اجراءات تنظيميه وليست نهائيه لان الاجراءات النهائيه والموافقات الاصوليه والكامله تتم من خلال دائرة الهجره والجنسيه في كندا  اي ان السفاره تقوم بارسال ملفك الى المركز يعني الى دائرة الهجره والجنسيه في كندا  لان السفاره ليست هي صاحبة الموافقه النهائيه على ملفك وانما دائرة الهجره والجنسيه هي التي  تعطي الموافقه النهائيه بعد دراسته وبعد حصول الموافقه الامنيه من الجهات الامنيه في كندا وهذه الاجراءات ايضا تختلف من ملف الى اخر كما انها اجراءات دقيقه جدا تقوم بها السلطات الكنديه مما يسبب تاخير يمتد لاشهر طويله في الكثير من الحالات ..

3- الفحوصات الطبيه وما يتعلق بها من موافقات يتطلب الحصول عليها من المكاتب الاقليميه في لندن وباريس ايضا تلعب دور مهم في هذا المجال ناهيك عن احتمالات اعادة الفحص الطبي نفسه في العديد من الحالات التي حصلت لاسباب مختلفه...

لذلك لا يمكن قياس  حالة ملف على بقية الملفات يا اخواني وخلاصة القول  هو المثل المشهور ( الصبر مفتاح الفرج) وتوكلو على الله الذي لا اله الا هو الحي القيوم وسلمو الامر اليه ...


تحياتي

شمعه

[ادم روني]

جزيل الشكر للاخ شمعة على التوضيح وممنون الك 

[شمعه 3]

جزيل الشكر للاخ شمعة على التوضيح وممنون الك 

 الاخ ادم

بالخدمه دائما ان شاء الله

شمعه

[تمر برحي]

ابو عبد ربي يوفقك

وانشاءالله نفرح بسفرك

[mnkamala2000]

سلام عليكم
بعد انتظار 3 اشهر على المقابله التعريفية بمنظمه فوكس ، تم الاتصال وتحديد موعد بالسفارة وكان الموعد اليوم .
الي مستغرب بالموضوع رحت للسفارة بصمت 10 اصابع واخذوا صورة وسلمت الجواز وكلولي حنخابرك .
فشنو الموضوع برايكم ؟

[america50005]

مبروك اخي بس سويت مقابلت قنصل لو ﻻوالفحص الطبي امتى كالو الك وشكرا

[mnkamala2000]

مبروك اخي بس سويت مقابلت قنصل لو ﻻوالفحص الطبي امتى كالو الك وشكرا

والله اخويه كل ما اسالهم يكلولي احنه نخابرك وننطيك شيصير ، مقابلت لا قنصل ولا انطوني موعد فحص طبي .
كلولي احنه نخابرك وكل العوائل ويايه نفس الشي جانت

[america50005]

سلام عليكم اخي ابعث الهم اميل الى السفاره ويجاوبو بكل الاحتمالات

[ahmed842013]

جماعه الكفالة الكنائسيه عمان - شوكت يقابلونه الي ماخدين فايل نمبر؟؟؟

[فهدالفهد]

اخواني الاعزاء شونكم وشنو اخباركم من بعد المقابلة ؟؟

[مستكة]

الحمد لله من خلص انتظار السنين الطويلة
.الآن انتظارنا بالشهور   نعمة فضيلة ..وماهي الا فترة قليلة ويتحول انتظارنا الى أسابيع وبعدها أيام ..
الله سيهلهه على الجميع بدون استثناء

[america50005]

سلام عليكم ارجو من الاخوان الي ساكنين في لبنان يكلولنه وين واصلين بلاجرات مال السفر مالنهم الى كندا ﻻن والله ملينه الى حد الان ومنتهت مئسات السفر

[HRR]

السلام عليكم
العوائل التي قابلت واكملت الفحص الطبي في تركيا منذ الشهر العاشر لحد الان لم يتم الاتصال بنا من قبل السفارة ومتى يتم سحب الجوازات والى متى سنبقى بالانتظار والله تعبنه من الانتظار صار سنتين واربع اشهر نحن في تركيا

[maximux]

وعليكم السلام
الاخ HRR الله شاهد نفس المعاناة لكل العوائل الي كملو مقابلات من شهر التاسع حسب علمي ولحد هذه اللحظة المشكلة انه الكل مكمليين وينتظرون ساعة الصفر صدك تعبنه بس ان شاء الله ميضيع تعب احد ونطلب من باقي الاعضاء ان يشاركونا ولو بالكلام والسلام مع تمنياتي للجميع بالموفقية

[مستكة]

وعليكم السلام...
ومن سمعكم من الشهر العاشر ولحد الآن اكملنا مقابلاتنا في تركيا والفحوصات كذلك والتلفون معلقينه مثل القلادة وننتظر الرنة الحلوة يبلغونا بسحب الجوازات وان شاءالله توصللهم مثل الطيارة بس خليهم يخابرون وخلي يشوفون احنه شلون اسباع.
ان شاء الله الشهرالثاني ربكم يفرجهه.

[abu abd 84]

اني هم نفس الشي قابلت و فحصت بشهر العاشر بتركيا طبعا و دا انتظر سحب الجوازات و الحد هسه كل شي ماكو على الاقل خلي يسوولي مسكول واني اخابرهم

[abu dina73]

وكذا الحال ، قابلنا بالشهر ١٠ ننتظر والله كريم

[HRR]

اخواني واخواتي الاعزاء شكرا على الردود وياريت نبقى على تواصل وكل واحد تتصل بي السفارة يبلغنه حتى نعرف تطورالامور ونرفع معنويات بعض لان كلنه نحتاج ولو خبر صغير حتى نطمان ومنفقد الامل لان الانتظار قاتل جدا والكل تعبانبن خصوصا الفترة الاخيرة هي اصعب فترة لان طاقتنه الاحتمالية خلصت والقلق والتفكير راح يموتنه ويارب تتحرك السفارة بهالشهر وتبدي تتصل بالكل ونسافر ونستقر والكل تسافر بسرعه يارب 

[فهدالفهد]

اخواني اني من جماعة شهر 9 مقابلة وفحص وننتظر اتصال بسحب الجوازات...
انشااله نبقى على تواصل واي تطور جديد واحد يعلم الثاني
تحياتي

[mnkamala2000]

اخوان اني مقابله وفحص شهر 10 وسحب جواز شهر ال 12 ومنتظر الرحمه واتصال ال iom
لبنان

[HRR]

على الخير اخي mnkamala2000  ان شاء الله ينزل موعد الطيران قريبا وتسافرون وترتاحون احنه بتركيااشوالاجرائات بطيئة جدا نتأمل ان يتحسن الوضع بهاي السنه الجديدة و تصير اسرع وبلكي يخابرونه بهالشهر ياااااااارب ويسحبون الجوازات واي احد من جماعه تركيا عندة معلومةعن السفارة لايبخل علينه 

[mnkamala2000]

على الخير اخي mnkamala2000  ان شاء الله ينزل موعد الطيران قريبا وتسافرون وترتاحون احنه بتركيااشوالاجرائات بطيئة جدا نتأمل ان يتحسن الوضع بهاي السنه الجديدة و تصير اسرع وبلكي يخابرونه بهالشهر ياااااااارب ويسحبون الجوازات واي احد من جماعه تركيا عندة معلومةعن السفارة لايبخل علينه

الله يسهلكم وتفرج عليكم قريبا

[bishko]

السلام عليكم شباب ..
عندي سؤال صغير انتو دتحجون على فورمات يا فورمات هاي ممكن معلومات عن الموضوع و اشكركم مسبقا

[HRR]

وعليكم السلام
اخي من تقدم على اليو ان ويطلعلك استيطان كندا ترسلك السفارة الكندية فورمات تمليها وترسلها للسفارة وتنتظر موعد المقابلة هاي في تركيا الاجرائات واعتقد نفسها في عمان او لبنان

[مستكة]

السلام عليكم شباب ..
عندي سؤال صغير انتو دتحجون على فورمات يا فورمات هاي ممكن معلومات عن الموضوع و اشكركم مسبقا
[/quote
وعليكم السلام.
الفورماتهي عبارة عن استمارات بها طلب معلومات شخصية عن صاحب الملف ومجموعة من الاسئلة التي تتعلق بحياته ودراسته وسفراته وخدمته العسكرية واهله واخوانه ..وهكذا.يقوم الشخص باملائها باللغة الانكليزية بالاستعانة بمترجم وارسالها الى السفارة الكندية في هذاالبلد يتحرى بها الدقة والمصداقية الى اقصى الحدودمع تقديري الفائق الاخ HRR

[abu - sara]

جماعة عمان اللي مسووين كفالة كنسية مال كندا هل هناك اخبار عن مقابلة السفارة الكندية للي عدهم فايل نمبر ؟

[america50005]

سلام عليكم اخوان احنه جماعة لبنان خلصنا جميع الاجرات وننتظر السفر علما احنه سوينه المقابله بلفندق هولدي ان وهاي اجرائتهم سريعه والله كريم

[mnkamala2000]

سلام عليكم اخوان احنه جماعة لبنان خلصنا جميع الاجرات وننتظر السفر علما احنه سوينه المقابله بلفندق هولدي ان وهاي اجرائتهم سريعه والله كريم

ممكن بلازحمة تنطيني مواعيد مقابلاتكم والتسليم

شكرا

[abu dina73]

السلام عليكم
اخوان شنو السالفة هدوء غير مسبوق بالمنتدى . ماكو اخبار جديدة ؟

[maximux]

والله يا خوية يا ابو دينا ننتظر والله كريم ميضيع صبر اي احد ان شاء الله بس والله الانتظار اشد من النار علينا بس الله موجود.... 

[america50005]

سلام عليكم احنا سجلنه في اليو ان في سنة 2013 و2014 حولو ملفنا على السفاره في الشهر العاشر والفورمات في الشهر السادس وره عشر ايام الفحص والى حد الان بعدنه ما مخلصين والي ويانه كنو هسه في كندا والحمد الله على كل شي الي وصلنه الى هاي المرحله وشكرا