المحرر موضوع: خـَـيـَّـه دوسـي  (زيارة 1601 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
خـَـيـَّـه دوسـي
« في: 12:10 04/07/2015 »


صورة لطفلتين عراقيتين ،
وكما ترون من ان الأخت الأولى قد حنت ظهرها ، لكي تتمكنالثانية
 من ان تطول زبالة الحاوية العالية بيديها الصغيرتين
عبرت عن هذا المشهد المؤلم بهذه الأبيات من الشعر الشعبي

 
خـَـيـَّـه دوسـي
ميسون نعيم الرومي
 
دوسـي دوسـي عـلـى اضلـوعـي
اودَوري بـَـكـــــوام الـزبــــــلْ
 
دوسـي ظـَـهـري ابـقـوَّه دوسـي
ذبـْـحـَـوْ ابـروحـــي الأمـَـــلْ
 
دوسـي عـيـنـي حـيـل دوسـي
بـالـشـَـرَف بـاعـَـوْ اولـَـبـْسـوچـن سـِـمـَـلْ
 
دوسـي خـَـيـَّـه اهـواي دوسـي
سـبـْـحـَـه بـيـدَه اومـايـمـل
 
دســتـي مـسـتـَـقـبـَـل عـِـراقـي
الـهـور بـَـغـداد اوجـبـل
 
ضعـْـنـَه مـانـعـرف دَربـنـَـه
گـام يـحـكـمـنـَـه الـنـَـذل
 
والـثـَـقـافـَـه الـيـوم صارَت
لـَـطـم عـَـلـْـمـوه الـطـِـفـلْ
 
الـنـَـفـط والـخـيـر إلـهـم
سـَـوَّوْ انـواع الـحـيـل
 
خـَـزْنـَـه راحـَـت كـلـهـَـه طـارَت
باگـَـوْ امن العـين ياوَسـْـفـَه الكـحـلْ
 
صرْنـَـه نـاكـل بـالـمـَـزابـل
والـطـفـل وَرْدَه اوذبـَـل
 
مـوت وَي ذلّ اومـصايـب
عـوز بـبـلادي اوجـَـهـَـل
 
نـشـرَب آنـَـه اويـاچ دَمـعـَـه
والـدَمـع دَمـعـَـه يـهـل
 
انـجـَـدّي نـصبـغ بـالـقـَـنـادر
مـَـحـَّـد إعـلـيـنـَـه سـأل
 
نـايـب الـبـايـگ بـلادي
لـِـغـْـدَه مـن بـوگـَـه هـِـدَلْ
 
ضيـم وَي حـَـسـرَه اومـَـهـانـَـه
حـارَت ابـوَصفـَـه الـجـمـَـل
 
يـاشـَـعـَـب مـَـظـلـوم دومـَـك
حـَـلـِـلـَـوْ دَمـَّـك كـَـتـِـلْ
 
كـثـرَت اطـفـال الـشـَـوارع
ويـن يـادنـيـه الـعـَـدل؟
 
فـَـجـِـرَوْ نـِـثــْرَوْ جـثـَـثــْـنـَـه
والـظـلـم حـكـمـَـه طـوَلْ
 
ابـهـيـدَه ظـَـهـر اخـتـچ يـعـيـنـي
خاسـِـف خـَـسـف ضلـْعـَه امن الحِمل
 
دوسـي دوسـي عـلـى اضلـوعـي
اودَوري بـَـكـــــوام الـزبــــــلْ
------------------------------------------------------------
تـمـوز / 2015
ســـــــــتوكهولم
 
 

متصل Odisho Youkhanna

  • عضو مميز متقدم
  • *******
  • مشاركة: 20749
  • الجنس: ذكر
  • God have mercy on me a sinner
    • رقم ICQ - 8864213
    • MSN مسنجر - 0diamanwel@gmail.com
    • AOL مسنجر - 8864213
    • مشاهدة الملف الشخصي
    • فلادليفيا
    • البريد الالكتروني
رد: خـَـيـَّـه دوسـي
« رد #1 في: 20:45 14/07/2015 »
ضعـْـنـَه مـانـعـرف دَربـنـَـه
گـام يـحـكـمـنـَـه الـنـَـذل
 
والـثـَـقـافـَـه الـيـوم صارَت
لـَـطـم عـَـلـْـمـوه الـطـِـفـلْ
 
الـنـَـفـط والـخـيـر إلـهـم
سـَـوَّوْ انـواع الـحـيـل
 
خـَـزْنـَـه راحـَـت كـلـهـَـه طـارَت
باگـَـوْ امن العـين ياوَسـْـفـَه الكـحـلْ
 
صرْنـَـه نـاكـل بـالـمـَـزابـل
والـطـفـل وَرْدَه اوذبـَـل
 
مـوت وَي ذلّ اومـصايـب
عـوز بـبـلادي اوجـَـهـَـل
may l never boast except in the cross of our Lord Jesus Christ