شـوف اشـصار يـاتـَـمـوز شـوف الـصار
مـَـنـكـوب الـعـراق اوهـالتوِلـوه اشـرارْ
أولادچ يـَـمـَـلـحـَـه هـالـصِفـَـوْ حـَـدر الـگـاع
أجـيـال انـفـِـنـَـت وانـذاعـَـت الأسـرار
سـَـبـْـعـَـه اوفـوگـهـَـه الـخـَـمـسـيـن يـاتـَـمـّـوز
وامـريـكـَـه الـغـِـزَت والـشـَـعـَـب هـالـطـشـّـار
أجـيـال اوگِـضـَـت أجـيـال بـَـعـد اجـيـال
والـجـار الـيـبـوگ الـبـيـك نـَـفـس الـجـارْ
حـيـف اوألـف حـيـف اوحـيـف يـاتـَـمـّـوز
مـاچـَـنـَّـك ثـرت يـالبـَـطـَـل يـالـمـغـوار
قـانـون الـنـَـفـط قـانـونـَـك اثـمـانـيـن
واصلاح الـزراعـي الـكـتـبـتـَـه الـثـوار
والـمـَـرأه يـَـعـَـمـّـي صفـگـَـت ايـد ابـإيـدْ
رَدَّت لـيـوَرَه اوبـاعـوهـَـه لـلـتـجـّـار
صرْنـَـه الإيـد تـصفـگ هـالـتـعـَـض بالإيـدْ
كـلـشـي مـاقـبـَـضنـَـه والـحـَـبـل جـَـرّارْ
صار الشـَـعـَـب خـشـبـَـه اوبـيـد سـَـفـّاحـيـن
يـنـشـر بـالـگـَـلـب بـضلوعـَـه دَگّ بـسـمـارْ