وصلت كندا وبعد عناء ....


المحرر موضوع: وصلت كندا وبعد عناء ....  (زيارة 3399 مرات)

0 الأعضاء و 1 ضيف يشاهدون هذا الموضوع.

غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
وصلت كندا وبعد عناء ....
« في: 15:44 15/07/2015 »
السلام عليكم
اولا احب اشكر كل اللي سالوا عني وتابعوا اخباري
اليوم اني صارلي ١٠ ايام من وصلت كندا ... مراح احجي عن الرحلة والوصول لان شي عادي والحمد لله الرحلة كانت مباشر بدون ترانزيت .. استقبلتني الموظفة المسؤولة بالمطار وكملت الاجراءات  وحطت الجنط بتكسي وانطتنه العنوان واني مكنت اعرف رايحة وين ....
اللي عدهم اهل وقرايب كلهم اخذوهم من المطار مابقى بس اني وحدي اجيت بسنتر  اكييد اللي وصلوا يعرفوه اسمه ymc
المهم ...
اول موصلت تلكاني ولد عراقي بالشارع ... وجنت حايرة شسوي والجنط برة ... خطية اخذ الجنط ووداني على الريسبشن  وانطوني غرفة وحطيت غراضي .. وبعد كم ساعة اجاني الموظف والمترجمه سلموا عليه وكالوا باجر احنا جايين

وفعلاثاني يوم اجوي اخذوني وكملوا اجراءات والاوراق ...
الى هنا ماكو شي .. وتعلمت شوية على المناطق والمترو وهاي الامور ...

بس هسة مرحلة البحث عن شقة وبما انه ماعندي كفيل ولا احد لازم همة يبلشون بيه ...
والبارحة شوفوني شقة  خلوني اكره كندا من وراها وياريت قريبة لو رخيصة
اني انصدمت ... وفوكاها مجمع ٤٣٠ شقة والبلكونات مشتركة والباب بنفخة اطير
هي هاي الجنة اللي اجيت عليها ؟؟!!!!!
مكان بشمال مونتريال ... ومجمع اغلبه مهاجرين عرب وكانه محظورين من الاختلاط مع الكنديين
وفوكاها يقنعني هاي احسن وافضل الج ومناسبة من كل النواحي واني اذا اريد اروح اي مكان لازم امشي وانتظر الباص والباص يوديني للمترو وبالمترو يمكن ٢٠ دقيقة يلا اوصل للداون تاون .. يعني شبه منفى ....
ومن البارحة لليوم ابجي وكرهت الدنيا اللي ذلتنا وطلعتنا من بلدنا وخيرنا واجينا دنعيش هالعيشة التعبانة ...
وللحديث بقية ...
 



غير متصل urukiraq

  • عضو فعال جدا
  • ***
  • مشاركة: 255
  • منتديات عنكاوا
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #1 في: 15:51 15/07/2015 »
حمدلله على سلامتج
ولاتنقهرين ولاتضوجين ان شاء الله مستقبل حلو ينتظركم
هي بالبداية صعبة بس ان شاء الله كل شي ينحل بسهوله

بس والله على كلامك كرهت كندا هههههههه
يعني الواحد شيسوي ؟


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #2 في: 16:09 15/07/2015 »
الله يسلمك اخي ... والله ما اعرف شكول بس يمكن لان ماعندي احد اموري تعبانة
ولا اكدر ااجر وحدي واني ما اعرف شي هاي اول مرحلة وهي الاصعب والحلو همة انطوني مقدمات انه الحياة صعبة والعيشة غالية وانه لازم تتنازل عن كثير من الامور اللي متعود عليها في سبيل ان تعيش
اني مو غبيه والحمدلله فاهمة وعارفة الوضع وادري اني مجاية اعيش مرفهه هنا
بس اقلها الواحد يسكن بمكان مقبول ومربح وخصوصا المبلغ اللي راح ادفعه مو رخيص
ليش الا يكون بمجمع مشترك حسيت طابة كبر والله ومدينة مابيها غير كم محل ومجمع تسوق وخلص
ويكولي راح تكعدين سنة واثنين !!!!! هو اني كم دقيقة مكدرت اكعد
شلون كم سنة .... 


غير متصل alwaleed88

  • عضو فعال جدا
  • ***
  • مشاركة: 559
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #3 في: 16:57 15/07/2015 »
وعليكم السلام ورحمة الله وبركاته
الأخت العزيزة سرى، الحمدلله على السلامة

أختي يعني هما جبروج على هاي الشقة لو عادي ترفضين؟ إذا لهالدرجة المجمع سيء رفضيه وإن شاء الله تتحولين على مكان أحسن، بس إذا ما يصير خلاص عادي تحملي والله كريم هو كلنا بهذا الطريق، من تتعلمين اللغة عدل وتعرفين البلد وتوكفين على رجلين عود طلعي وروحي المدينة اللي تعجبج، الصبر مفتاح الفرج

وهذا حالنا احنا العراقيين بلدنا بلد الحضارة والخير والشعب مشرد من بلد لبلد، الله كريم


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #4 في: 17:08 15/07/2015 »
الله يسلمك اخي  لا همة مجبروني بس يريدوني اقبل ... 
ان شاء الله الكه احسن بس مو هي هاي كندا الجنة اللي كالوا عليها
والحياة اللي نحلم نعيشها


غير متصل DR.ROMII

  • عضو فعال جدا
  • ***
  • مشاركة: 373
  • الجنس: ذكر
  • ( ياربــــــ الكل تسافر )
    • مشاهدة الملف الشخصي
رد: وصلت كندا وبعد عناء ....
« رد #5 في: 22:50 15/07/2015 »
اختي العزيزة، اسمعيني زين وخلي كلامي ترچية باذنج ( ولو وين راح تسمعيني !!) هههه المهم قلدي صوت رجولي واقري كلامي:
( الفرق بين الانسان الناجح والفاشل هو ((nothing((  سوا انو الناجح اتخذ القرار والفاشل لسه ياعيني يتحجج ! شوفي اختي اني لحد الان عندي تجربتين اغتراب اقلها ٤ سنوات ، صدكيني يا اختي كثيرة الصعاب والكأبة والخذلان وغير هاي الامور لكن انتي بيدك تغيرين كل شي فقط وخلي لي خطين تحت ((انتي)) الي تگدرين تغيرين واقعك، منو قال انو الطريق وردي ومفروش بالورد؟؟ كلشي بدايته صعب لكن بمرور الوقت راح تشوفين انو جسمك ومشاعرك اصبحت تتكيف في الغربة وراح تبدي الحياة تمشي بصورة طبيعية جداً ..... تمنياتي بالنجاح والحياة السعيدة


دع الأمور تجري في أعنتها   ولا تنامن الا خالي البالِ
مابين غمضةِ عينٍ وأنتباهتها يغيرُ الله من حالٍ الى حالِ
..................................................

غير متصل ادم روني

  • عضو فعال جدا
  • ***
  • مشاركة: 143
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #6 في: 00:32 16/07/2015 »
اختي العزيزة السلام عليكم طبعا كل الي اتكولي هو صحيح لانه همه فعلا ميجهزون كلشي و الي ما عنده احد من يوصل يحس بانه هي هاي الحياة الي راح ايعيشها وخلص بس اني اكلج ومن خلال تجربة الكثير من اقربائي واصدقائي انه هاي حياة مؤقتة ويبقى الموضوع بأيدج وانتي وشطارتج بعد ما تتعلمين على قوانينهم وحياتهم وتفهمين كل التفاصيل وهمه صدكيني يا اختي ايحطون المواطن في مكان مثل الي انتي وصفتي قاصدين هذا الموضوع لانه يريدون يشوفوج الحياة بأبسط مقوماتها ويشوفون مدى تحمل الشخص ومدى سعيه انه يطور نفسه واعتقد الاخوان من اهل الخبرة الي سبقوج بالوصول يتفقون ويايه بالكلام ... واتمنى ان تصبرين لهاي الحياة المؤقته وتسعين لتطويرها مستقبلا .. واتمنى نسمع اخبارج الحلوة بالايام القادمة واعتذر على الاطالة


غير متصل outtoother

  • عضو فعال جدا
  • ***
  • مشاركة: 298
    • مشاهدة الملف الشخصي
رد: وصلت كندا وبعد عناء ....
« رد #7 في: 13:08 16/07/2015 »
اختي حاولي تتعرفين على الناس العراقيين الموجودين وياج هسة و تسائلهم على مناطق سكن و بالأخص اذا اكو احد يجي تزورهم و هو ساكن بكندا وبهذه الطريقة تتعرفين على المناطق السكن و تختارين المكان
ومن جانب اخر الموظف مايعرف بيش الفكرين و شنو مجمع سكني و بالكون مشترك لان اكو أشياء انت اتحسستي منها في حين اخرين يحبذوها. وهما تحاولون يلكولج مكان ايكون بي ناس من جماعتج حتى تكدين تتاقلمين و ياهم وتحجين وياهم و تساعديهم ويساعدوج و حتى لا تحسين بالغربة و كأنه انت بين اهلج و ناسج
السكن متوفر بكل مكان بس لازم تسألين حتى تلكين ومن بس البالكون و عدد الشقق هية المشكلة بالسكن
اكو هوايا آمور مهمة مثل الكهرباء وَيَا الايجار لو لا و الشقة بيها حشرات و صراصر لو لا و بيها ريحا هنود لو لا  قريبة على سوق و قريبة على محلات و قريبة على المواصلات  و قريبة على الجمعيات للمساعدة و قريبة على المدارس و مكان الشقة أمين من ناحية العركات و القتل و الطلقات
ومثل ما فد مرة  سابقا كتبت تعليق لو هية الحياة بكندا هشكل سيئة جان العالم رجعت لبلدها
الكل هنا متونس و مرتاح
تحياتي


غير متصل alwaleed88

  • عضو فعال جدا
  • ***
  • مشاركة: 559
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #8 في: 16:15 16/07/2015 »
أهم شي ريحة هنود ههههههههههه


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #9 في: 17:40 16/07/2015 »
شكرا الكم جميعا ... طبعا اقدر كل اللي كلتوه والحمدلله اني انسانة مثقفة واعية واعرف شريد بالضبط وعندي طموح للدراسة والعمل ولو كان عندي ٣ لغات بس اطمح لان اكون بيرفكت بالفرنسي لان اني هسة دا امشي اموري صح بس ضروري الدراسة
واكييد اعرف مو هي هاي الحياة وفهمتهم البارحة  شنو مساوء هذه الشقة ...
وفعلا يجوز همة متقصدين يذبونا بهيج مكان بس المشكلة انه الشقة مابيها اي ميزة وسعرها غالي وبدون كهرباء ولازم امشي واخذ باص يلا اوصل للمترو ..
يعني اي ميزه مابيها وهذا كان اعتراضي لا الشقة ولا السعر ولا المكان قريب
بس صدك اذا هيج اعيش بهاي الشقة راح اكره كندا ويمكن سنة ما اعيش بيها ...




غير متصل أبو عمار

  • عضو
  • *
  • مشاركة: 16
  • منتديات عنكاوا
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #10 في: 00:54 18/07/2015 »
حمدالله على سلامتكم اختي سرى القطان
بالتاكيد هذا مو الوجه الحقيقي لكندا وبالتاكيد ابضا انه كندا مو جنة الله اللي لا نتعب ولا نشقى بيها , بس واحدنا كان امخلي فد صورة في باله عن كندا ولما وصل وجد غير شي , راح تتغير ان شاء الله نظرتك لمدينتك ولكندا لما تلكين شقة اتفيدك , واشويه اشوي نفسيتك تتغير ان شاء الله , دعواتي لك ولكل العراقيين براحة البال والاستقرار , تحياتي .


غير متصل بوفاضل82

  • عضو فعال
  • **
  • مشاركة: 59
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #11 في: 23:37 18/07/2015 »
السلام عليكم جميعا

اختي أني صارلي بكندا فقط ثلاث شهور وتحديدا في هالي فاكس مدينه حلوه من ناحيه الطبيعه والناس وين ماتمشين بالشارع هنا الكل يبتسم بوجهج ويسلم عليج ولكن عيبها الشرعي هو قله الشغل عالعموم ما اريد أطولها عليج اصعب فتره في كندا هي السنه الاولى لانج تحتاجين وقت لمن ترسميلج طريق وتتعلمين اللغه زينه وتلاقين شغل لانه الراتب الحكومي كلش ضعيف المهم لا تسمحين للكآبة تدخل لقلبج وحطي في بالج انه باجر راح يكون أفضل وانتي اي شي ينقصج او اي شي تريدينه لازم تطلبينه من المنظمه المسؤله عنج وتلحين عليه لا تخجلينه منهم هاي الناس تأخذ من الحكومة مبالغ كلش كبيره لأجل خدمتج واتقولين ماعندج احد من هاي النقطه أحب اطمنج باجر يصير عندج هوايه معارف مو شرط يكونون عرب انتي والي الله قاسمه ألج والسكن الي ما يعجبج رفضيه اهم شي راحة الواحد في بيته عالعموم اي خدمه تردينها لو اي سوْال أني حاضر وبخدمتج واتمنى تعتبرين اخو ألج

تحياتي للجميع


غير متصل عراقجي

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #12 في: 05:49 19/07/2015 »
اريد اساهم بما اني صار لي سنة ونص هنا احب اكلك كندا للسنكل مصيبة لازم تشوفين حل للوحدة خصوصا للجديد من ناحية الراتب ومن ناحية قضاء الوقت وهمة يفتهمون لما سكنوك بمجمع لانك سنكل وصعب تعيشين حياتك وحدك لذلك انصحك بتكوين صداقات وخاصة بymca وبعد شهر ونص لح تتعرفين على مسؤول ملفك اللي يكمل وياك لمدة سنة وتكدرين تغيرين مكانك بس هسة لازم تصبرين وآني جارك ساكن بمقاطعة نيوبرونزويك .مونتريال الها ميزات حلوة مدينة عالمية تنافس تورنتو وفانكوفر اقتصاديا والعمل فيها متوفر.هذا جانب ايجابي حطي ببالك والله لن ينسى عباده اسال الله لك التوفيق.واي مساعدة اني جاهز حتى لو اسوي سفرة الك اني مستعد نزورك انا والعائلة.قولي يا الله ومثل ما كتلك قوي العلاقةبymca لانهم طيبين كلش.وتقبلي تحياتي


غير متصل america50005

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #13 في: 16:53 19/07/2015 »
مساء الخير اخت سرى وحمد الله على السلامه اختي اريد اسال على الجنط وثاني شي على الجوازات متى استلمتيه وثالت شي كيف تم ختم الجوازات وتصفيت هذه الامور من المطاروشكرا وبلتوفيق


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #14 في: 17:53 19/07/2015 »
حمدالله على سلامتكم اختي سرى القطان
بالتاكيد هذا مو الوجه الحقيقي لكندا وبالتاكيد ابضا انه كندا مو جنة الله اللي لا نتعب ولا نشقى بيها , بس واحدنا كان امخلي فد صورة في باله عن كندا ولما وصل وجد غير شي , راح تتغير ان شاء الله نظرتك لمدينتك ولكندا لما تلكين شقة اتفيدك , واشويه اشوي نفسيتك تتغير ان شاء الله , دعواتي لك ولكل العراقيين براحة البال والاستقرار , تحياتي .

شكرا الك اخ ابو عمار الصراحة الواحد هنا صدكلازم يحفر بالصخر ... ويمكن اني ممتعلمة على هيج شي بس اكول الحمدلله
بس المسؤول عن الكيس  عقدني هههههه كلشي وكال لتصرفرون ولتشترون تخلصون الفلوس هههههه
المهم الله كريم  ومثل مكالوا الاخوة مينسى عبيده


غير متصل رياض الشمري

  • عضو
  • *
  • مشاركة: 5
  • منتديات عنكاوا
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #15 في: 17:58 19/07/2015 »
السلام عليكم الحمداللة على سلامة اختي سرى القطان                                                                   


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #16 في: 18:00 19/07/2015 »
السلام عليكم جميعا

اختي أني صارلي بكندا فقط ثلاث شهور وتحديدا في هالي فاكس مدينه حلوه من ناحيه الطبيعه والناس وين ماتمشين بالشارع هنا الكل يبتسم بوجهج ويسلم عليج ولكن عيبها الشرعي هو قله الشغل عالعموم ما اريد أطولها عليج اصعب فتره في كندا هي السنه الاولى لانج تحتاجين وقت لمن ترسميلج طريق وتتعلمين اللغه زينه وتلاقين شغل لانه الراتب الحكومي كلش ضعيف المهم لا تسمحين للكآبة تدخل لقلبج وحطي في بالج انه باجر راح يكون أفضل وانتي اي شي ينقصج او اي شي تريدينه لازم تطلبينه من المنظمه المسؤله عنج وتلحين عليه لا تخجلينه منهم هاي الناس تأخذ من الحكومة مبالغ كلش كبيره لأجل خدمتج واتقولين ماعندج احد من هاي النقطه أحب اطمنج باجر يصير عندج هوايه معارف مو شرط يكونون عرب انتي والي الله قاسمه ألج والسكن الي ما يعجبج رفضيه اهم شي راحة الواحد في بيته عالعموم اي خدمه تردينها لو اي سوْال أني حاضر وبخدمتج واتمنى تعتبرين اخو ألج

تحياتي للجميع

الله يسلمك ابو فاضل  والله اعرف العراقيين ميقصرون ..  هالي فاكس حلوة سمعت عنها ورخيصة بس العمل صحيح قليل
وبالنسبة للناس اني ماعندي مشكلة بالاختلاط والتعامل لان والحمدلله اجتماعية  واندمج بسرعة وية المجتمع ..
بس هو كلها تكول السنة الاولى صعبة والله يستر ويعديها على خير وتسلم مرة ثانية نورت


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #17 في: 18:05 19/07/2015 »
اريد اساهم بما اني صار لي سنة ونص هنا احب اكلك كندا للسنكل مصيبة لازم تشوفين حل للوحدة خصوصا للجديد من ناحية الراتب ومن ناحية قضاء الوقت وهمة يفتهمون لما سكنوك بمجمع لانك سنكل وصعب تعيشين حياتك وحدك لذلك انصحك بتكوين صداقات وخاصة بymca وبعد شهر ونص لح تتعرفين على مسؤول ملفك اللي يكمل وياك لمدة سنة وتكدرين تغيرين مكانك بس هسة لازم تصبرين وآني جارك ساكن بمقاطعة نيوبرونزويك .مونتريال الها ميزات حلوة مدينة عالمية تنافس تورنتو وفانكوفر اقتصاديا والعمل فيها متوفر.هذا جانب ايجابي حطي ببالك والله لن ينسى عباده اسال الله لك التوفيق.واي مساعدة اني جاهز حتى لو اسوي سفرة الك اني مستعد نزورك انا والعائلة.قولي يا الله ومثل ما كتلك قوي العلاقةبymca لانهم طيبين كلش.وتقبلي تحياتي

اهلا بيك اخ عراقجي ... اني عندي اطفال ٢ والحمدلله يعني ما اشعر بالوحدة لانهم مشعوذين درجة اولى ههههههه اضافة الى هذا اني رسامة وقت فراغي كله اقضيه طبخ او رسم  واكييف انه ما اطلع من البيت لان ماعندي وقت اصلا وبعد فترة راح ادخل دورة اللغة الفرنسية اكييد راح ميكون عندي مجال وشعور بالوحدة  ... وتسلم على مشاعرك النبيلة وهلا بيك انت والعائلة  تشرفوني


غير متصل سرى القطان

  • عضو فعال
  • **
  • مشاركة: 61
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #18 في: 18:13 19/07/2015 »
مساء الخير اخت سرى وحمد الله على السلامه اختي اريد اسال على الجنط وثاني شي على الجوازات متى استلمتيه وثالت شي كيف تم ختم الجوازات وتصفيت هذه الامور من المطاروشكرا وبلتوفيق

اهلا بيك  تسلم  بالنسبة للجنط مافهمت سؤالك من ناحية شنو الوزن لو النوع .. عموما الوزن المسموح بيه ٢٣ كيلوا فقط اذا زيادة نص كيلوا ربع كيلوا او كمغرام عادي بس من تزيد هواية يجبروك تفتحها واطلع منها غراض
وجنط حوض الطائرة المفروض ٥ كيلوا بس اصلا ما وزنوها واني كانت فوك ٧ كيلوا
شنطة اللابتوب اشتري جنطة تصير على الظهر وخلي اللابتوب وكل محتوياته وكومة غراض لان متتوزن اني سويت هيج ..

ونصيحة اشتري جنط قماش خفيفة ولتغلط غلطي اشتريتها كلها بوكس و٤ عجلات وراح عليه كومة وزن

اما الحجم  فهىو  ٦٠  العرض وارتفاع  ٨٠   ....  اما الجوازات  تروح للسفارة ومنستلمها الا يوم السفر بالمطار مع التذاكر واوراق السفر  ...  واي سؤال اخر اني بالخدمة



غير متصل miss meme

  • عضو فعال
  • **
  • مشاركة: 31
  • الجنس: أنثى
    • ياهو مسنجر - miss.marawi89@yahoo.com
    • مشاهدة الملف الشخصي
رد: وصلت كندا وبعد عناء ....
« رد #19 في: 14:17 20/07/2015 »
حبيبتي كلشي ببدايته صعب اتحملي وشوفي نهاية الصبر شي حلو
عندي سؤال .  اريد اسال على الجنط القماش شنو قصدج شون تصير وخوما تنشك وتتاذه غراضنه
تحياتي

من تهتم به كثيرا .. يقسو كثيرا

غير متصل america50005

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
رد: وصلت كندا وبعد عناء ....
« رد #20 في: 20:56 20/07/2015 »
مساء الخير اختي اريد اعرف هي حقيبتين وزن 23 كل حقيبه والثالثه حقيبه اتصير على الظهر صحيح لو ﻻ وشكرا الج


غير متصل شمعه 3

  • عضو فعال جدا
  • ***
  • مشاركة: 406
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #21 في: 07:12 23/07/2015 »
الاخت سرى

 انا موجود بكندا من سنوات واي شي تحتاجيه من الناحيه الاستشاريه والمعلومات والتفاصيل الفنيه انا حاضر وبالخدمه وسارسل  لكي ايميلي الخاص على بريدك الخاص لان حضرتك في مقاطعه اخرى غير المقاطعه التي انا فيها والمسافه الجغرافيه التي بيننا كبيره جدا يعني بالطياره اكثر من 7 ساعات وبالسياره  اقرب شويه  من الطياره  بس  يومين سياقه  :D :D ههههههههههههههههه .. وبامكانك الاتصال بي في اي وقت لاي سؤال او استفسار او راي وتاكدي ان ما تمرين به حاليا سيكون سحابة صيف وتزول وما تواجهينه حضرتك حاليا هو بسبب عدم وجود الخبره الكافيه عندك وان شاء الله سنعالج هذه المساله وتصيرين اسطه من اسطوات كندا يالمعلومات ههههههههه  ...

تحياتي

شمعه - كندا
[/b][/color]


غير متصل Ahmed Rooh Alahmedy

  • عضو جديد
  • *
  • مشاركة: 2
  • الجنس: ذكر
    • مشاهدة الملف الشخصي
    • البريد الالكتروني
اخت سرى ....
« رد #22 في: 19:51 04/03/2017 »
الحمدلله على السلامة ممكن تشرحينة شلون وصلتي الى كندا؟اريد اسافر لكندا.


غير متصل شمعه 3

  • عضو فعال جدا
  • ***
  • مشاركة: 406
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #23 في: 20:51 04/03/2017 »
السلام عليكم
اولا احب اشكر كل اللي سالوا عني وتابعوا اخباري
اليوم اني صارلي ١٠ ايام من وصلت كندا ... مراح احجي عن الرحلة والوصول لان شي عادي والحمد لله الرحلة كانت مباشر بدون ترانزيت .. استقبلتني الموظفة المسؤولة بالمطار وكملت الاجراءات  وحطت الجنط بتكسي وانطتنه العنوان واني مكنت اعرف رايحة وين ....
اللي عدهم اهل وقرايب كلهم اخذوهم من المطار مابقى بس اني وحدي اجيت بسنتر  اكييد اللي وصلوا يعرفوه اسمه ymc
المهم ...
اول موصلت تلكاني ولد عراقي بالشارع ... وجنت حايرة شسوي والجنط برة ... خطية اخذ الجنط ووداني على الريسبشن  وانطوني غرفة وحطيت غراضي .. وبعد كم ساعة اجاني الموظف والمترجمه سلموا عليه وكالوا باجر احنا جايين

وفعلاثاني يوم اجوي اخذوني وكملوا اجراءات والاوراق ...
الى هنا ماكو شي .. وتعلمت شوية على المناطق والمترو وهاي الامور ...

بس هسة مرحلة البحث عن شقة وبما انه ماعندي كفيل ولا احد لازم همة يبلشون بيه ...
والبارحة شوفوني شقة  خلوني اكره كندا من وراها وياريت قريبة لو رخيصة
اني انصدمت ... وفوكاها مجمع ٤٣٠ شقة والبلكونات مشتركة والباب بنفخة اطير
هي هاي الجنة اللي اجيت عليها ؟؟!!!!!
مكان بشمال مونتريال ... ومجمع اغلبه مهاجرين عرب وكانه محظورين من الاختلاط مع الكنديين
وفوكاها يقنعني هاي احسن وافضل الج ومناسبة من كل النواحي واني اذا اريد اروح اي مكان لازم امشي وانتظر الباص والباص يوديني للمترو وبالمترو يمكن ٢٠ دقيقة يلا اوصل للداون تاون .. يعني شبه منفى ....
ومن البارحة لليوم ابجي وكرهت الدنيا اللي ذلتنا وطلعتنا من بلدنا وخيرنا واجينا دنعيش هالعيشة التعبانة ...
وللحديث بقية ...

الاخت سرى

اولا الحمد لله على سلامة الوصول

ثانيا : انا موجود في كندا من سنوات طويله وحاضر لاي خدمه استطيع تقديمها او اي سؤال او استشاره واشرح لكي باختصار ما واجهتيه واي سؤال انا بالخدمه:

1- ما تواجهيه الان من مصاعب وخصوصا فيما يتعلق بالسكن هو امر طبيعي جدا ولا تقلقين لانها مساله طبيعيه خلال المرحله الاولى من الوصول خصوصا وحضرتك لوحدك كما فهمت من كلامك وتحمليها كما يقال لان الشهور الثلاثه الاولى هي مرحلة البحث عن الاستقرار الاولي وكندا حالها حال اي دوله فيها الاشياء الجيده وفيها اشياء المتوسطه وفيها اشياء  الرديئه ...

2- بالنسبه للسكن نصيحتي لكي هي  نصيحه مهمه جدا انتبهي عليها  وهي :
لا توقعين على اي  عقد ايجار  مهما كان اذا لم تكوني مقتنعه بالسعر وبالمكان والموقع  لا توقعين مهما كانت الظروف والاحوال الا اذا اقتنعتي  مئه بالمئه  بان السكن مناسب لكي من جميع الجوانب واذا تريدين التوقيع على عقد اسالي عن كل فقره فيه  لكي ننصحك او اسالي المنظمه نفسها اذا كانو فعلا يفهمون في مثل هذه الامور

3- مونتريال بالنسبه للقادمين حديثا لا انصح بها وهي رغم جمالها لكن اغلب الساكنين  فيها من الناطقين بالفرنسيه وكذلك كيبيك  لذلك انصحك بالانتقال الى ونزر في الجنوب او الى تورنتو او مسسياكاوالاسباب  هي :

1- ونزر  فيها جاليه عراقيه وعربيه كبيره جدا وفيها شوارع بكاملها كلها مطاعم ومحلات واسواق عربيه ومستوى الحياة المعاشيه فيها  رخيص يعني ونزر رخيصه بكل شيء  بما فيها السكن والتسوق اليومي لكن مشكلة ونزر هي قلة فرص العمل يعني عروض العمل في ونزر قليله ..

2- ونزر جوها معتدل  تقريبا قياسا الى كيبيك ومونتريال وباقي ولاياات المقاطعات الوسطى والشماليه ثم انها قريبه جدا من الحدود الامريكيه ( 20 دقيقه) تقريبا ..

كذلك تستطيعين الانتقال الى تورنتو او مسسياكا وهي من الولايات الجميله والرائعه والمتطوره لكنها غاليه وفرص العمل فيها متوفره وايضا تعتبر من الولايات النشطه اقتصاديا وتجاريا وعمليا وهي ايضا جميله لكن مشكلتها  كما قلت غاليه من حيث مستوى المعيشه لكن الحياة فيها ليست مستحيله حتى للاجي الجديد

ايضا هناك ولايات اخرى رخيصه وجيده لكن ظروف العمل فيها قليله جدا مثل لندن وكيشنر ..

ضعي في بالك الانتقال من مونتريال الى اي ولايه او مقاطعه كنديه اخرى سيكون على حسابك بالنسبه للنقل لكن المنظمه سوف تتكفل برعايتك في اي ولايه او مقاطعه كنديه تنتقلين اليهاوسوف  يزودونك بالاثاث المطلوبه ..

التلفون لا توقعين على اي عقد نهائيا وانما اطلبي ما نسميه هنا ب ( prepaid monthly  ) يعني نظام الدفع الشهري  بدون عقد( without contract) لان التلفونات  بعقد في كندا مشكله ابتعدي عنها واطلبي  خدمة تلفون  دفع شهري بدون عقد ..

وانصحك بالتفكير في الانتقال الى الولايات التاليه :

1- Toronto  -  تورنتو
2- Mississauga - مسسياكا
3- windsor - ونزر

 اي سؤال او استفسار  انا حاضر

شمعه





غير متصل محمد الحقوقي

  • عضو جديد
  • *
  • مشاركة: 3
  • منتديات عنكاوا
    • مشاهدة الملف الشخصي
    • البريد الالكتروني
رد: وصلت كندا وبعد عناء ....
« رد #24 في: 18:49 12/08/2017 »
اختي الحمدلله علئ سلامتك بس انتي طلعت لجوء لو شلون