المحرر موضوع: ܓܵܘ ܬܲܪܒܝܼܬܐ ܘܡܲܪܕܘܼܬܐ ܦܘ̇ܠܝܼܛܝܼܩܵܬܵܗ̇  (زيارة 2103 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
 ܓܵܘ ܬܲܪܒܝܼܬܐ ܘܡܲܪܕܘܼܬܐ ܦܘ̇ܠܝܼܛܝܼܩܵܬܵܗ̇ ܚܕܵܪ ܝܼܣܘ̇ܪܐ ܕܓܲܒܐ ܒܩܘܼܛܢܐ
ܡܠܘ̇ܐܵܐ ܒܝܲܕ ܐܲܪܕܸܟܼܠܐ ܘܣܲܦܪܐ ܡܗܝܼܪܐ ܘܟܲܫܝܪܐ ܪܵܒܝܼ ܚܲܕ̄ܒܼܫܵܒܐ ܣܘܼܠܵܩܐ
ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ


ܟܠ ܓܲܒܐ ܩܘܼܛܢܵܝܐ ܡܐ ܕܗܵܘܹܐ ܘܡܛܠ ܦܝܼܫܵܐ ܝ̄ܠܹܗ ܪܡܝܼܙܐ ܚܲܝܠܐ ܡܸܬܩܵܕܡܵܢܐ ܡܛܘܼܟܣܐ ܕܒܸܫܩܵܠܐ ܝ̄ܠܹܐ ܡܗܲܕܝܵܢܘܼܬܐ ܘܦܵܩܘ̇ܕܘܼܬܐ ܕܐܵܓܼܘ̇ܢܐ ܕܩܘܼܛܢܐ ܓܵܘ ܟܢܘܼܫܝܐ ܐܝܼܬܠܹܗ ܡܸܫܬܲܐܠܵܢܘܼܬܐ ܓܘܼܒܼܪܬܐ ܘܥܸܠܠܵܝܬܵܗ̇ ܒܫܲܘܝܘܼܬܐ ܩܕܵܡ ܩܘܼܛܢܐ ܕܥܲܡܵܐ ܕܝܼܠܹܐ ܡܲܫܛܵܚܐ ܥܒܼܵܕܵܢܵܐܝܼܬܼ ܠܦܘܼܠܚܵܢܹܗ ܐܵܓܼܘܼܢܵܝܐ ܟܝܵܢܵܝܐ ܠܫܲܪܲܪܬܐ ܠܢܝܼܫ̈ܐ ܕܩܘܼܛܢܐ ܒܝܼ ܦܘܼܣܩܵܢܐ ܕܲܫܩܝܼܠܹܗ ܓܵܘ ܫܒܼܝܼܠܹܗ ܦܘ̇ܠܝܼܛܝܼܩܵܝܐ ܘܲܫܩܝܼܠܹܐ ܘܵܠܝܼܬܐ ܠܓܵܐܢܹܗ ܠܫܲܪܲܪܬܐ ܕܐܵܢ̈ܝ̄ ܢܝܼܫ̈ܐ، ܠܦܘ̇ܬܼ ܐܵܗܐ ܡܸܢܕܝܼ ܘܵܠܝܼܬܐ ܕܓܲܒܐ ܝܼܠܵܗ̇ ܕܗܵܘܹܐܠܹܗ ܫܲܝܢܵܝܘܼܬܐ ܒܝܼ ܦܵܩܘ̇ܕܘܼܬܐ ܕܗܲܕܵܡ̈ܐ ܡܗܝܼܪ̈ܐ ܨܸܦܝ̈ܐ ܒܦܘܼܠܚܵܢܲܝܗܝ̈ ܘܥܲܠ ܫܲܘܝ̈ܐ ܕܛܘܼܟܵܣ̈ܐ ܡܫܲܚܠܦ̈ܐ ܠܲܦܣܵܥܬܐ ܒܝܼ ܦܵܩܘ̇ܕܘܼܬܐ ܕܦܘܼܠܚܵܢܐ ܕܡܵܨܹܐ ܕܫܲܪܪ ܠܢܝܼܫܹ̈ܗ ܐܸܣܬܪ̈ܵܬܝܼܓܵܝܹܐ ܒܨܘܼܪܬܐ ܓܡܝܼܪܬܐ ܘܫܲܪܝܼܪܬܵܗ̇ ܒܝܼ ܣܢܵܕܬܐ ܥܲܠ ܐܸܣ̈ܐ ܫܲܪܝܼܪ̈ܐ ܪ̈ܣܝܼܚܹܐ ܕܠܐ ܗܵܘܝܼ ܒܕܲܪܩܘܼܒܼܠܵܝܘܼܬܐ ܥܲܡ ܪܹ̈ܫܘܵܬܹܗ ܘܲܚܙܵܝܵܬܹ̈ܗ ܪ̈ܢܝܵܝܹܐ ܘܢܝܼܫ̈ܐ ܬܹܐܘ̇ܪ̈ܝܼܡܵܝܹܐ، ܘܡܐܲܟܼܐ ܘܵܠܝܼܬܐ ܕܝܼܠܵܗ̇ ܒܝܲܨܝܼܦܘܼܬܐ ܕܟܠܲܝܗܝ̈ ܛܘܼܟܵܣ̈ܐ ܕܓܲܒܐ ܘܒܝܲܨܝܼܦܘܼܬܐ ܕܟܠܲܝܗܝ̈ ܟܵܕܝܼܪ̈ܐ ܓܲܒܵܝ̈ܐ ܕܠܐ ܦܘܼܪܫܘܼܢܝܐ ܘܵܠܝܼܬܐ ܝ̄ܠܵܗ̇ ܥܲܠܠܲܝܗܝ̈ ܟܠܲܝܗܝ̈ ܕܗܵܘܝܼ ܡܚܲܦܛܵܢ̈ܐ ܒܟܠܲܝܗܝ̈ ܨܘܼܪ̈ܵܬܐ ܕܐܵܓܼܘ̇ܢܐ ܘܲܫܒܼܝܼܠ̈ܐ ܕܦܘܼܠܚܵܢܐ ܕܛܘܼܟܵܣܐ ܒܐܲܡܝܼܢܘܼܬܐ ܒܢܝܼܫܐ ܕܡܲܪܘܵܚܬܐ ܘܡܲܩܘܵܝܬܐܘܫܲܪܵܪܬܐ ܕܝܼܣܘ̇ܪ̈ܐ ܥܲܡ ܩܘܼܛܢܐ ܥܲܡܡܵܝܐ ܕܓܵܘ ܟܢܘܼܫܝܐ ܒܐܲܡܝܼܢܵܝܘܼܬܐ ܕܠܐ ܩܛܵܥܬܐ ܠܐܲܡܝܼܢܵܝܘܼܬܐ ܕܣܲܓܝܼܐܘܼܬܼ ܣܢܵܕܬܐ ܩܐ ܓܲܒܐ ܘܲܟܠܵܝܬܐ ܠܚܵܕܪ̈ܘܵܢܹܗ ܒܐܵܓܼܘ̇ܢܹܗ،، (((ܦܝܵܫܐ ܝ̄ܠܹܐ ܚܫܝܼܒܼܐ ܝܼܣܘ̇ܪܐ ܐܲܡܝܼܢܵܝܐ ܒܩܘܼܛܢܐ ܡܲܒܘܼܥܐ ܫܸܪܫܵܝܐ ܐܲܢܸܢܩܵܝܐ ܠܐܲܡܝܼܢܵܝܘܼܬܐ ܠܚܲܝܠܐ ܕܓܲܒܐ ܘܩܸܫܝܘܼܬܹܗ ܘܚܲܕܲܕܬܹܗ ܘܚܲܝܠܐ ܒܲܪܩܘܼܒܼܠ ܕܣܘܼܝܵܦ̈ܐ ܡܫܲܚܠܦ̈ܐ ܕܟܵܠܝܼ ܕܲܪܩܘܼܒܼܠ ܕܓܲܒܐ ܒܡܹܐܙܲܠܬܹܗ ܐܵܓܼܘ̇ܢܵܝܬܵܗ̇، ܠܦܘ̇ܬܼ ܐܵܗܐ ܦܝܵܫܐ ܝܠܵܗ̇ ܚܫܝܼܒܼܬܵܗ̇ ܟܡܵܝܘܼܬܐ ܕܚܲܝܠܐ ܕܲܣܢܵܕܬܐ ܕܩܘܼܛܢܐ ܥܲܡܡܵܝܐ ܩܐ ܓܲܒܐ ܚܲܕ̄ ܟܝܼܘܼܠܐ ܠܚܘܼܦܵܛܹܗ ܘܚܲܝܠܹܗ ܘܲܡܨܵܝܵܬܹܗ ܠܡܲܩܪܵܒܼܬܐ ܕܬܸܫܡܫܬܐ ܩܐ ܩܘܼܛܢܐ، ܘܗܲܪ ܒܗܵܝـ ܥܕܵܢܐ ܝܼܠܹܐ ܚܲܝܠܐ ܪܵܒܐ ܓܘܼܒܼܪܐ ܓܵܘ ܟܢܘܼܫܝܐ، ܘܗܵܘ ܦܲܪܨܘ̇ܦܐ ܕܩܵܢܹܐܠܵܗ̇ ܩܐ ܓܵܐܢܹܗ ܒܩܵܢܹܐ ܠܡܲܢܬܵܝܬܐ ܘܐܲܡܝܼܢܵܝܘܼܬܐ ܠܫܲܪܲܪܬܐ ܕܢܝܼܫܹ̈ܗ، ܘܗܵܘ ܕܚܵܣܸܪܠܵܗ̇ ܒܗܵܘܹܐܠܹܗ ܚܘܼܣܪܵܢܐ ܠܟܠܲܝܗܝ̈ ܡܵܐܢ̈ܐ ܕܚܲܝܠܐ ܓܵܘ ܩܪܵܒܼܵܐ ܘܣܘܼܝܵܦܐ ܒܚܘܼܬܵܡܐ ܒܚܵܣܸܪ ܠܟܠ ܡܸܢܕܝܼ،))) ܡܢ ܪܹ̈ܫܘܵܬܐ ܫܸܪ̈ܫܵܝܹܐ ܕܝܼܠܲܝܗܝ̈ ܓܵܘ ܬܲܪܒܝܼܬܐ ܘܡܲܪܕܘܼܬܐ ܓܲܒܵܝܬܵܗ̇ ܕܗܵܘܹܐܠܹܗ ܓܲܒܐ ܘܐܵܓܼܘ̇ܢܣܛܹ̈ܗ ܒܟܠ ܫܲܘܝܘܼܬܲܝܗܝ̈ ܚܲܬܝܼܬܘܼܬܐ(ܬܼܩܐ) ܚܲܝܠܵܢܬܵܗ̇ ܘܥܲܡܝܼܩܬܵܗ̇ ܘܲܪܣܝܼܟܼܬܵܗ̇ ܒܚܲܝܠܵܘܵܬܼܐ ܕܥܲܡܐ ܥܸܠܠܵܝ̈ܐ ܘܲܡܗܝܼܪ̈ܐ ܒܟܠܲܝܗܝ̈ ܡܢܵܘܵܬܼܐ ܘܬܲܘܕܝܼܵܬܐ ܘܬܸܓܼܡܹ̈ܗ ܫܵܘܬܵܦܵܝ̈ܐ، ܒܣܘܼܟܵܠܐ ܐ̄ܚܹܪ̄ܢܐ ܕܗܵܘܹܐܠܹܗ ܓܲܒܐ ܒܐܸܛܪܐ ܕܛܘܼܟܵܣܹ̈ܗ ܦܘ̇ܠܝܼܛܝܼܩܵܝ̈ܐ ܓܸܫܪܹ̈ܐ ܥܲܡܝܼܩ̈ܐ ܕܲܓܝܵܕܹܐ ܪ̈ܘܝܼܚܹܐ ܘܲܦܪ̈ܝܼܣܹܐ ܫܘܼܡܠܵܐܝܼܬܼ ܒܐܸܛܪܐ ܕܡܲܩܝܵܡܬܐ ܕܝܼܣܘ̇ܪ̈ܐ ܚܲܝܠܬܼܵܢ̈ܐ ܘܲܪ̈ܣܝܼܚܹܐ ܥܲܡ ܟܘܼܝܵܢ̈ܐ ܕܲܟܢܘܼܫܝܐ، ܘܲܒܐܸܛܪܐ ܕܐܵܢܝܼ ܝܼܣܘ̇ܪ̈ܐ ܒܗܵܘܹܐ ܓܲܒܐ ܚܲܝܠܬܼܵܢܐ ܒܝܼܣܘ̇ܪ̈ܐ ܒܩܘܼܛܢܐ ܥܲܡܡܵܝܐ ܘܲܒܐܝܼܬܘܼܬܹܗ ܡܫܵܢܹܐ ܥܲܠ ܚܲܝܠܐ ܐܵܓܼܘ̇ܢܵܝܐ ܘܕܘܼܪܵܪܐ ܓܲܢ̄ܒܵܪܐ ܥܵܒܼܘ̇ܕܐ ܓܵܘ ܟܢܘܼܫܝܐ ܕܠܐ ܦܵܐܹܫ ܫܓܼܝܼܫܐ ܐܵܘ ܡܬܲܪܩܸܠܵܗ̇ ܡܹܐܙܲܠܬܹܗ ܐܵܓܼܘ̇ܢܵܝܬܵܗ̇، ܕܝܼܠܵܢܵܐܝܼܬܼ ܐܸܢ ܗܵܘܝܼ ܢܝܼܫ̈ܐ ܕܓܲܒܐ ܠܚܝܼܡ̈ܐ ܘܲܣܕܝܼܪ̈ܐ ܥܲܡ ܢܝܼܫ̈ܐ ܕܩܘܼܛܢܐ ܥܲܡܡܵܝܐ، (((ܘܠܐܲܟܼܐ ܦܵܐܹܫ ܚܸܙܝܐ ܚܲܝܠܐ ܕܓܲܒܐ ܒܐܲܡܝܼܢܵܝܘܼܬܼܐ ܘܲܦܣܵܥܬܐ ܒܚܲܝܠܐ ܪܣܝܼܚܐ ܚܕܵܪ ܢܝܼܫ̈ܐ ܐܝܼܡܵܢ ܡܵܨܹܐ ܕܥܵܒܸܕ ܚܘܼܡܣܵܢܐ ܩܐ ܩܘܼܛܢܐ ܥܲܡܡܵܝܐ ܒܲܚܒܼܘܼܫܝܐ ܕܲܩܢܵܝܵܬܹ̈ܗ ܒܝܼ ܦܘܼܠܚܵܢܐ ܥܲܠ ܐܲܪܥܐ ܕܩܵܐܹܡ ܕܠܐ ܥܵܒܸܕ ܦܲܢܕܘܼܬܼܐ ܒܥܲܡܛܵܢܘܼܬܼܐ ܕܝܘܼܕܵܥܐ ܘܐܵܡܸܪ ܢܝܼܫܹ̈ܗ ܝܼܠܲܝܗܝ̈ ܡܐܲܝܟܼ ܢܝܼܫ̈ܐ ܕܥܲܡܐ،))) ܘܦܵܐܹܫ ܒܸܥܝܐ ܡܢ ܓܲܒܐ ܠܲܥܒܲܪܬܐ ܒܥܘܼܡܩܐ ܒܡܲܒܘܼܥ̈ܐ ܕܲܡܗܝܼܪܘܼܬܼܐ ܥܲܡܡܵܝܬܵܗ̇ ܢܒܼܝܼܥܬܵܗ̇ ܠܲܡܬܵܪܲܨܬܐ ܡܢܲܝܗܝ̈ ܚܲܕ̄ ܡܲܒܘܼܥܐ ܒܚܸܠܥܵܬ ܩܐ ܓܲܒܐ ܘܲܡܣܵܬܪܵܢܐ ܩܸܫܝܐ ܠܢܝܼܫܹ̈ܗ ܘܪܹ̈ܫܘܵܬܹܗ ܘܗܲܪ ܒܗܵܝـ ܥܸܕܵܢܐ ܢܵܛܘܼܪܐ ܫܲܝܢܵܝܐ ܩܵܬܹܗ، ܘܡܐܲܟܼܐ ܒܹܐܬܼܵܝܐ ܝ̄ܠܵܗ̇ ܐܲܢܸܢܩܵܝܘܼܬܼܐ ܕܲܒܢܵܝܬܐ ܘܡܲܩܘܵܝܬܐ ܕܝܼܣܘܼܪ̈ܐ ܒܲܝܢܵܬܼ ܓܲܒܐ ܘܩܘܼܛܢܐ، ܘܗܲܪ ܗܵܕܹܝܟܼ ܐܲܢܸܢܩܵܝܘܼܬܼܐ ܕܪܹܫܘܼܬܼܐ ܚܲܝܠܵܢܬܵܗ̇ ܕܘܵܠܹܐ ܕܗܵܘܝܐ ܐܲܡܝܼܢܵܝܬܵܗ̇ ܒܛܲܝܵܒܼܬܐ ܓܵܘ ܚܲܝܘܼܬܼܐ ܕܓܲܒܐ ܦܘܼܠܝܼܛܝܼܩܵܝܐ ܘܲܡܢܵܪܬܐ ܕܲܡܗܵܕܝܵܢܘܼܬܼܐ ܕܦܵܣܥܝܼ ܒܝܼܵܗ̇ ܦܵܩܘ̇ܕܹ̈ܐ ܘܟܵܕܝܼܪ̈ܐ ܕܓܲܒܐ، (((ܒܛܲܝܵܒܼܬܐ ܘܝܼܬܘܼܬܐ ܐܲܡܝܼܢܵܝ̈ܐ ܥܲܡ ܩܘܼܛܢܐ ܠܡܲܩܘܵܝܬܐ ܕܝܼܣܘ̇ܪܹ̈ܐ ܘܲܙܥܵܦܝܵܬܼܐ ܠܲܫܕܵܠܬܲܝܗܝ̈ ܒܚܲܝܠܐ ܥܲܠܠܹܗ ܘܲܥܒܲܪܬܐ ܠܦܘܼܠܚܵܢܐ ܓܵܘ ܣܸܕܪܐ ܕܲܡܛܵܟܵܣܝܵܬܹ̈ܗ،))) ܠܦܘ̇ܬܼ ܐܵܗܐ ܓܵܪܲܓ ܩܵܪܹܐ ܓܲܒܐ ܠܗܲܕܵܡܹ̈ܗ ܘܣܲܢܕܵܢܹ̈ܗ ܘܐܵܦ ܚܲܒܼܪ̈ܵܢܹܗ ܘܒܵܥܹܐ ܡܢܲܝܗܝ̈ ܕܕܵܒܼܩܝܼ ܒܚܲܝܠܐ ܒܐܵܗܐ ܪܹܫܘܼܬܼܐ، ܡܛܠ ܩܵܢܘ̇ܢܐ ܫܸܪܫܵܝܐ ܒܟܠ ܓܲܒܐ ܝܼܠܹܗ ܡܲܩܪܵܒܼܬܐ ܕܬܫܡܫܬܐ ܩܐ ܩܘܼܛܢܐ ܥܲܡܡܵܝܐ ܘܲܫܗܵܪܬܐ ܠܫܲܪܲܪܬܐ ܘܫܲܝܢܵܝܘܼܬܐ ܕܡܵܐܢ̈ܐ ܗܘ̇ܠܵܢܸܝ̈ܐ ܘܣܘܼܟܵܠܵܝ̈ܐ ܕܝܼܠܹܗ ܘܡܵܪܵܡܬܐ ܡܢ ܫܲܘܝܘܼܬܼܐ ܕܲܪܥܵܫܬܐ ܓܲܒܵܝܬܵܗ̇ ܠܘܵܬܲܝܗܝ̈ ܘܛܘܼܘܵܪܐ ܠܫܲܘܝܘܼܬܐ ܕܚܘܼܦܵܛܲܝܗܝ̈ ܦܘ̇ܠܝܼܛܝܼܩܵܝ̈ܐ ܘܓܵܪܲܓ ܗܵܘܹܐܠܹܗ ܓܲܒܐ ܫܒܼܝܼܠܐ ܕܲܡܗܵܕܝܵܢܘܼܬܼܐ ܩܐ ܟܵܕܝܼܪ̈ܗ ܕܒܸܦܠܵܚܐ ܝ̄ܠܲܝܗܝ̈ ܥܲܡܹܗ ܒܐܸܛܪܐ ܕܲܫܒܼܝܼܠܲܝܗܝ̈ ܘܲܥܒܼܵܕܲܝܗܝ̈ ܥܝܵܕܵܝ̈ܐ ܒܲܫܩܵܠܬܐ ܘܝܲܗܒܼܵܠܬܐ ܥܲܡ ܩܘܼܛܢܐ ܘܝܵܗܒܼܝܼ ܐܝܼܩܵܪܐ ܥܲܡܝܼܩܐ ܠܪܸ̈ܢܝܵܝܗܝ ܘܪ̈ܥܝܵܢܲܝܗܝ̈ ܘܲܒܥܵܝܵܬܲܝܗܝ̈ ܚܲܕ̄ܬ̈ܐ ܘܗܵܘܹܐ ܠܗ̄ܘ̇ܢ ܒܹܗܢܐ ܪܘܝܼܚܐ، ܘܘܵܠܹܐ ܕܗܵܘܹܐܠܹܗ ܝܼܕܵܥܬܐ ܓܲܒܐ ܕܵܐܟܼܝܼ ܕܫܵܩܸܠ ܝܘܼܬܼܪܵܢܐ ܡܢ ܢܸܣܝܵܢܐ ܐܵܓܼܘ̇ܢܵܝܐ ܬܲܫܥܝܼܬܵܢܵܝܐ ܝܵܪܝܼܟܼܐ ܕܩܘܼܛܢܐ ܥܲܡܡܵܝܐ، ܡܛܠ ܦܲܪܨܘܼܦܐ ܓܲܒܵܝܐ ܕܠܐ ܝܵܕܹܥ ܫܵܩܹܠ ܝܘܼܬܼܪܵܢܐ ܡܢ ܢܸܣܝܵܢܐ ܬܲܫܥܝܼܬܵܢܵܝܐ ܕܩܘܼܛܢܐ ܠܲܝܬܠܹܗ ܫܲܘܝܘܼܬܼܐ ܓܵܘ ܦܘܼܠܚܵܢܐ ܓܲܒܵܝܐ ܩܘܼܛܢܵܝܐ ܒܲܚܒܼܘܼܫܝܐ ܕܟܝܼܘܼܠ̈ܐ ܕܦܘܼܠܚܵܢܐ ܦܘ̇ܠܝܼܛܝܼܩܵܝܐ ܚܲܝܠܬܼܵܢܐ، (((ܘܓܵܪܲܓ ܗܵܘܹܐ ܒܬܲܚܡܵܢܬܐ ܕܐܵܓܼܘ̇ܢܣܛ̈ܐ ܓܲܒܵܝ̈ܐ ܫܲܪܝܼܪ̈ܐ ܐܲܡܝܼܢܵܐܝܼܬܼ ܐܵܢ̈ܝ ܝܼܣܘܼܪ̈ܐ ܚܲܝܠܬܼܵܢ̈ܐ ܘܲܪ̈ܣܝܼܚܹܐ ܕܐܲܣܪܝܼ ܩܐ ܓܲܒܐ ܒܩܘܼܛܢܐ ܥܲܡܡܵܝܐ ܕܲܡܥܲܕܼܪܸܢܝܼܠܹܗ ܩܐ ܕܛܲܝܡܸܢ ܒܨܘܼܪܬܐ ܫܲܪܝܼܪܬܐ ܠܲܒܥܵܝܵܬܲܝܗܝ̈ ܘܗܸܢܝܵܢܲܝܗܝ̈ ܘܢܝܼܫܵܝܗܝ̈،))) ܘܫܲܪܘܼܪܹܐ ܝ̄ܘܲܚ ܕܚܲܝܠܐ ܕܓܲܒܐ ܝܼܠܹܐ ܒܝܼܣܘܼܪܹ̈ܗ ܚܲܝܠܬܼܵܢ̈ܐ ܥܲܡ ܩܘܼܛܢܐ ܥܲܡܡܵܝܐ ܕܟܸܠܝܹܐ ܝ̄ܠܲܝܗܝ̈ ܥܲܠ ܫܸܪܫܐ ܕܡܲܦܪܵܝܬܐ ܕܚܲܬܝܼܬܘܼܬܼܐ ܡܫܲܚܠܦܵܢܝܼܬܵܗ̇ ܥܲܡܡܲܝܗܝ̈، ܘܠܐܲܟܼܐ ܡܵܨܹܝܚ ܕܝܵܗܒܹܝܚ ܬܲܚܲܒܬܐ ܓܡܝܼܪܬܵܗ̇ ܘܡܲܝܕܵܥܬܐ ܫܘܼܡܠܵܝܬܵܗ̇ ܠܨܘܼܪܬܐ ܕܝܼܣܘܼܪܐ ܗܲܕܵܡܵܝܬܵܗ̇ ܕܘܵܠܹܐ ܕܗܵܘܝܐ ܐܵܘ ܫܲܬܼܐܸܣܵܗ̇ ܘܩܵܝܡܵܗ̇ ܒܲܝܢܵܬܼ ܓܲܒܐ ܘܩܘܼܛܢܐ ܘܡܐܲܝܟܼ ܕܒܹܐ̄ܬܵܝܐ ܝܠܵܗ̇،، (((ܚܲܝܘܼܬܼܐ ܓܵܘ ܥܘܼܡܩܐ ܕܩܘܼܛܢܐ ܒܨܘܼܪܬܐ ܐܲܡܝܼܢܵܝܬܵܗ̇، ܓ̮ܵܪܲܒܬܐ ܠܝܼܕܵܥܬܐ ܕܗܲܘܢܵܝܗܝ̈ ܓ̮ܵܪܲܒܬܐ ܠܝܼܕܵܥܬܐ ܠܟܠ ܡܢܕܝܼ ܕܝܼܠܵܢܵܝܐ ܒܚܲܝܘܼܬܵܝܗܝ̈ ܘܐܘܼܪܚܐ ܕܬܲܚܡܵܢܬܵܝܗܝ̈ ، ܓ̮ܵܪܲܒܬܐ ܠܒܵܪܡܲܝܬܐ ܠܚܝܼܵܠܲܝܗܝ̈ ܘܢܝܼܫܵܝܗܝ̈ ܕܲܥܬܝܼܕܵܢܵܝ̈ܐ ܘܝܲܨܝܼܦܘܵܬܲܝܗܝ̈ ܐܵܢܵܝ̈ܐ، ܓ̮ܵܪܲܒܬܐ ܠܝܼܕܵܥܬܐ ܠܲܫܒܼܝܼܠ̈ܐ ܕܲܫܩܵܠܬܐ ܘܝܲܗܒܼܵܠܬܐ ܘܲܥܒܼܵܕܐ ܘܦܘܼܠܚܵܢܐ ܥܲܡܡܲܝܗܝ̈ ܘܲܡܝܵܩܲܪܬܐ ܕܲܡܕܝܼܠܵܢܘܵܬܲܝܗܝ̈ ܘܬܲܘܕܝܼܵܬܲܝܗܝ̈ ܘܲܥܒܼܵܕܲܝܗܝ̈ ܘܛܲܟܼܣܵܝܗܝ̈ ܬܲܘܕܝܼܬܵܢܵܝ̈ܐ ܘܫܲܘܬܵܦܵܝ̈ܐ، ܓ̮ܵܪܲܒܬܐ ܫܲܪܝܼܪܬܵܗ̇ ܠܲܩܢܵܝܬܐ ܕܚܲܬܝܼܬܘܼܬܲܝܗܝ̈ ܒܪ̈ܢܝܹܐ ܘܪܹ̈ܫܘܵܬܼܐ ܘܢܝܼܫ̈ܐ ܕܓܲܒܐ ܘܲܣܢܵܕܬܵܝܗܝ̈ ܩܵܬܹܗ ܡܛܠ ܐܝܼܠܹܗ ܡܢܲܝܗܝ̈ ܘܩܵܬܲܝܗܝ̈،))) ܘܲܒܢܝܼܫܐ ܕܡܲܬܲܒܼܬܐ ܕܐܵܗܐ ܪܹܫܘܼܬܼܐ ܫܲܪܝܼܪܬܵܗ̇ ܓܵܘ ܦܘܼܠܚܵܢܐ ܘܚܲܝܘܼܬܼܐ ܓܲܒܵܝܬܵܗ̇ ܠܦܘܼܠܚܵܢܐ ܝܵܘܡܵܝܐ ܓܵܘ ܡܲܫܛܵܚܐ، ܘܵܠܹܐ ܝ̄ܠܵܗ̇ ܥܲܠ ܦܵܩܘ̇ܕܹ̈ܐ ܓܲܒܵܝ̈ܐ ܒܫܵܘܝܘܼܝܵܬܹ̈ܐ ܡܫܲܚܠܦ̈ܐ ܕܝܼܠܲܝܗܝ̈ ܒܗܲܝܟܠܐ ܕܛܘܼܟܵܣܐ ܕܗܵܘܝܼ ܦܵܩܘ̇ܕܹ̈ܐ ܚܫܝܼܚ̈ܐ، ܘܠܹܐ ܦܵܪܫܝܼ ܡܢ ܩܘܼܛܢܐ ܕܝܼܠܹܗ ܬܚܘܼܬ ܡܕܲܒܪܵܢܘܼܬܵܝܗܝ̈، ܘܓܵܪܲܓ ܐܵܓܼܘ̇ܢܣܛ̈ܐ ܓܲܒܵܝ̈ܐ ܡܬܼܩܵܕܡܵܢ̈ܐ ܘܲܡܓܘܼܒܝܵܝܗܝ̈ ܦܪ̈ܝܼܫܹܐ ܒܛܘܼܟܵܣܲܝܗܝ̈ ܘܲܕܒܼܵܚܬܵܝܗܝ̈ ܘܲܣܪܵܒܼܬܐ ܕܝܵܬܼܐ ܕܠܐ ܦܵܪܫܝܼ ܡܢ ܟܠܹܗ ܓܲܝܣܐ ܕܦܘܼܠܚܵܢܐ ܕܚܲܝܘܼܬܼܐ ܓܲܒܵܝܬܵܗ̇، ܘܠܐܲܟܼܐ ܒܵܥܘܼܬܼܐ ܝܼܠܵܗ̇ ܚܲܝܘܼܬܼܐ ܓܵܘ ܡܸܨܥܐ ܘܥܘܼܡܩܐ ܕܩܘܼܛܢܐ ܘܝܼܕܵܥܬܐ ܕܗܲܘܢܹܗ ܘܣܘܼܟܵܠܹܗ، ܘܒܵܬܪ ܗܵܕܹܝܟܼ ܝܼܕܵܥܬܐ ܕܵܐܟܼܝܼ ܕܗܵܘܹܐ ܦܘܼܠܚܵܢܐ ܥܲܡ ܐ̄ܢܵܫ̈ܐ ܘܲܫܩܵܠ ܝܲܗܒܼܵܠܬܐ ܥܲܡܲܝܗܝ̈ ܠܲܩܢܵܝܬܐ ܕܚܲܬܝܼܬܘܼܬܵܝܗܝ̈ ܒܪܹ̈ܫܘܵܬܼܐ ܘܪ̈ܢܝܹܐ ܘܢܝܼܫ̈ܐ ܕܓܲܒܐ، ܘܓܵܪܲܓ ܝܵܠܦܝܼ ܡܢ ܩܘܼܛܢܐ ܪܵܒܐ ܨܒܘܵܬܼܐ، ܐܵܗܐ ܫܒܼܝܼܠܐ ܓܵܘ ܦܘܼܠܚܵܢܐ ܓܲܒܵܝܐ ܡܛܘܼܟܣܐ ܘܵܠܹܐ ܕܗܵܘܹܐ ܚܲܕ̄ ܡܢ ܪܹ̈ܫܘܵܬܼܐ ܐܲܢܸܢܩܵܝ̈ܐ ܘܫܸܪ̈ܫܵܝ̈ܐ ܓܵܘ ܦܘܼܠܝܼܛܝܼܩܵܝܘܼܬܼܐ ܕܓܲܒܐ ܩܘܼܛܢܵܝܐ، ܘܠܹܐ ܡܵܨܹܐ ܟܠ ܦܲܪܨܘ̇ܦܐ ܘܡܐ ܕܗܵܘܹܐܠܹܗ ܡܢ ܡܨܵܝܵܬܼܐ ܝܵܬܼܵܝ̈ܐ ܘܫܲܘܦܹܗ ܓܵܘ ܦܵܩܘ̇ܕܘܼܬܼܐ ܕܓܲܒܐ ܕܗܵܘܹܐ ܦܵܩܘ̇ܕܐ ܕܩܘܼܛܢܐ ܡܢ ܒܲܪܵܝܹܐ، ܒܣܘܼܟܵܠܐ ܪܸܚܩܐ ܡܢ ܡܸܨܥܵܝܗܝ̈ ܒܐܘܼܚܐ ܕܝܲܗܒܼܵܠܬܐ ܕܦܘܼܩܕܵܢ̈ܐ ܥܸܠܠܵܝ̈ܐ ܩܵܬܲܝܗܝ̈، ܐܝܼܢܵܐ ܡܵܨܹܐ ܕܩܵܝܸܡ ܒܐܵܗܐ ܦܘܼܠܚܵܢܐ ܒܐܘܼܪܚܐ ܕܡܲܩܪܵܒܼܬܐ ܕܛܘܼܦ̮ܣܐ ܫܲܦܝܼܪܐ ܒܝܼ ܦܘܼܠܚܵܢܐ ܩܵܬܲܝܗܝ̈ ܓܵܘ ܡܲܫܛܵܚܐ ܒܚܘܼܦܵܛܹܗ ܦܲܪܨܘܼܦܵܝܐ ܘܡܲܥܒܕܵܢܘܼܬܹܗ ܪܘܼܚܵܢܵܝܬܵܗ̇ ܘܒܝܼ ܡܨܵܝܬܹܗ ܠܚܘܼܡܣܵܢܐ ܘܒܚܲܝܠܐ ܕܛܘܼܟܵܣܹܗ ܘܲܪܥܵܫܬܹܗ ܒܢܵܛܘܼܪܘܼܬܼܐ ܠܲܫܒܼܝܼܠܐ ܕܲܒܥܵܝܵܬܼܐ ܕܩܘܼܛܢܐ، (((ܘܓܵܪܲܓ ܓܲܒܵܝܐ ܝܼܕܝܼܥܐ ܘܲܡܫܵܡܗܐ ܝܵܗܒܸܠ ܡܢ ܦܲܪܨܘܼܦܹܗ ܚܲܕ̄ ܛܘܼܦ̮ܣܐ ܚܲܝܐ ܥܲܠ ܦܵܩܘ̇ܕܐ ܕܝܼܬܠܹܗ ܚܸܠܥܵܬ ܫܲܪܝܼܪܬܐ ܩܐ ܩܘܼܛܢܐ ܒܐܸܛܪܐ ܕܝܼܬܘܼܬܹܗ ܐܲܡܝܼܢܵܝܬܵܗ̇ ܒܡܸܨܥܵܝܗܝ̈ ܘܫܵܘܬܵܦܬܐ ܒܝܲܨܝܼܦܘܵܬܲܝܗܝ̈ ܘܚܘܼܠܡܲܝܗܝ̈ ܘܢܝܼܫܵܝܗܝ̈ ܕܲܥܬܝܼܕܵܢܵܝ̈ܐ ܘܝܼܣܘ̇ܪܹܗ ܒܗܲܕܵܡܵܝܘܼܬܹܗ ܒܝܼܵܝܗܝ̈،))) ܘܚܲܝܠܵܘܵܬܼܐ ܫܸܪ̈ܫܵܝܹܐ ܕܘܵܠܹܐ ܝ̄ܠܵܗ̇ ܕܣܵܢܸܕ ܥܲܠܠܲܝܗܝ̈ ܓܲܒܐ ܠܫܲܪܲܪܬܐ ܘܡܲܩܘܵܝܬܐ ܕܝܼܣܘܼܪܹܗ ܒܩܘܼܛܢܐ ܥܲܡܡܵܝܐ ܝܼܠܲܝܗܝ̈ ܡܛܵܟܵܣܝܵܬܼܐ ܩܘܼܛܢܵܝ̈ܐ ܡܐܲܝܟܼ ܬܲܚܒܵܪ̈ܵܬܼܐ ܕܦܘܼܠܚܵܢܐ، ܚܘܼܝܵܕܹܐ ܕܲܥܠܲܝܡ̈ܐ ܘܝܵܠܘܼܦ̈ܐ ܘܢܸܫ̈ܐ، ܟܢܘܼܫܝܵܬܼܐ ܕܥܘܼܕܼܪ̈ܢܹܐ ܐ̄ܢܵܫܵܝ̈ܐ ܛܵܒܼ̈ܐ ܘܐ̄ܚܹܪ̈̄ܢܹܐ ܡܢ ܫܘܼܬܼܐܵܣ̈ܐ ܕܲܟܢܘܼܫܝܐ ܡܕܝܼܢܵܝܐ، ܘܫܘܼܬܼܐܵܣ̈ܐ ܡܲܪ̈ܕܘܼܬܵܢܵܝܹܐ ܘܝܘܼܕܵܥܵܝ̈ܐ ܡܐܲܝܟܼ ܓܸܠܝܘܼܢܘܼܬܼܐ ܘܲܦܪܸܣܩܵܠܐ ܘܲܦܪܸܣܚܸܙܘܐ ܘܐܲܬܝܼܪ̈ܐ ܘܗܲܘܦ̈ܐ ܐܲܠܟܸܬܪ̈ܘܼܢܵܝܹܐ ܘܐܲܢܬܸܪܢܝܼܬ ܘܡܸܨܥ̈ܐ ܐ̄ܚܹܪ̈̄ܢܹܐ ܠܐܲܡܝܼܢܵܝܘܼܬܼܐ ܫܵܘܬܵܦܵܝܬܵܗ̇ ܚܲܕ̄ܬܐ ܕܦܝܼܫܠܗ̄ܘ̇ܢ ܦܸܪ̈ܝܹܐ ܡܢ ܬܸܟܢܘܼܠܘܼܓܝܼܵܐ ܕܡܲܕܵܥܝܵܬܼܐ ܘܥܸܠܡ̈ܐ، (((ܘܟܠܲܝܗܝ̈ ܐܵܢ̈ܝܼ ܡܸܨܥ̈ܐ ܦܝܵܫܐ ܝ̄ܠܲܝܗܝ̈ ܚܫܝܼܒܼ̈ܐ ܝܼܣܘܼܪ̈ܐ ܕܫܘܼܢܵܝܐ ܘܫܘܼܚܠܵܦܐ ܘܐܲܡܝܼܢܵܝܘܼܬܼܐ ܒܲܝܢܵܬܼ ܓܲܒܐ ܘܩܘܼܛܢܐ ܘܟܠ ܡܸܢܕܝܼ ܕܝܼܣܝܼܪܐ ܝ̄ܠܹܐ ܒܨܸܒܘܵܬܼܐ ܕܚܲܝܘܼܬܼܐ، ܠܦܘ̇ܬܼ ܐܵܗܐ ܦܘܼܠܚܵܢܐ ܝܼܠܹܗ ܓܵܘ ܐܵܢܝܼ ܡܛܵܟܵܣܝܵܬܼܐ ܘܫܘܼܬܼܐܵܣ̈ܐ ܘܲܒܥܸܠܬܼܐ ܕܲܩܢܵܝܬܵܝܗܝ̈ ܠܓܹܢ̄ܒܐ ܕܓܲܒܐ ܝܼܠܹܗ ܡܢ ܪܹ̈ܫܘܵܬܼܐ ܩܲܕ̄ܡܵܝ̈ܐ ܕܐܵܓܼܘ̇ܢܣܛ̈ܐ ܓܲܒܵܝ̈ܐ ܘܡܢ ܘܵܠܝܼܵܬܼܐ ܘܝܲܨܝܼܦܘܵܬܼܐ ܒܸܫ ܐܲܢܸܢܩܵܝ̈ܐ ܒܐܵܓܼܘ̇ܢܵܝܗܝ̈،))) ܘܡܢ ܐܵܢܹ̈ܐ ܚܙܲܝܵܬܼܐ ܐܵܓܼܘ̇ܢܵܝ̈ܐ ܒܣܸܕܪܐ ܕܩܘܼܛܢܐ ܒܸܩܢܵܝܐ ܝ̄ܠܵܗ̇ ܨܒܘܼܬܐ ܕܲܫܒܼܝܼܠ̈ܐ ܘܪܹ̈ܫܘܵܬܼܐ ܕܦܵܩܘ̇ܕܘܼܬܼܐ ܕܓܲܒܐ ܩܐ ܡܛܵܟܵܣܝܵܬܼܐ ܕܦܘܼܠܚܵܢ̈ܐ ܘܫܵܘܬܵܦܵܝ̈ܐ ܘܡܲܪ̈ܕܘܼܬܵܢܵܝܹܐ ܘܝܘܼܕܵܥܵܝ̈ܐ ܐܲܢܸܢܩܵܝܘܼܬܼܐ ܕܝܼܠܵܢܵܝܬܵܗ̇ ܕܝܼܬܠܵܗ̇ ܪܘܝܼܚܘܼܬܐ ܕܩܘܼܝܵܡܐ ܢܒܼܝܼܥܐ ܒܚܲܝܘܼܬܼܐ ܘܚܘܼܦܵܛ̈ܐ، ܡܛܠ ܡܲܡܬܘܼܠܹܐ ܝܠܵܗ̇ ܫܒܼܝܠܵܐ ܒܸܫ ܫܲܦܝܼܪܐ ܠܩܲܪܒܵܢܬܐ ܡܢ ܩܘܼܛܢܐ ܥܲܡܡܵܝܐ ܘܚܲܝܘܼܬܼܐ ܒܡܸܨܥܹܗ ܡܢ ܩܘܼܪܒܐ ܘܒܵܬܪ ܗܵܕܹܝܟܼ ܩܢܵܝܬܸܗ ܕܥܵܒܸܪ ܘܦܵܐܹܫ ܓܵܘ ܣܸܕܪ̈ܐ ܕܓܲܒܐ ܘܝܼܣܘܼܪܐ ܕܲܥܬܝܼܕܬܵܢܵܝܐ ܒܝܹܗ، ܡܛܠ ܓܲܒܐ ܓܵܪܲܓ ܗܵܘܹܐ ܦܵܩܘ̇ܕܐ ܠܐܵܢ̈ܝܼ ܡܛܵܟܲܣܝܵܬܼܐ ܩܘܼܛܢܵܝ̈ܐ ܘܗܵܘܸܐ ܡܗܲܕܝܵܢܐ ܒܐܵܓܼܘ̇ܢܲܝܗܝ̈، ܘܓܲܒܐ ܟܹܐ ܪܵܫܸܡ ܩܐ ܩܘܼܛܢܐ ܣܸܪܛܐ ܦܘ̇ܠܝܼܛܝܼܩܵܝܐ ܫܲܪܝܼܪܐ ܘܬܲܚܸܒ ܠܝܲܨܝܦܘܵܬܼܵܐ ܘܓܹܢ̄ܒܐ ܕܚܘܼܦܵܛܐ ܕܦܘܼܠܚܵܢܐ ܩܵܬܲܝܗܝ̈، ܘܡܲܪܝܸܙ ܠܦܘܼܠܚܵܢܐ ܕܩܘܼܛܢܐ ܘܝܵܗܒܸܠܹܗ ܚܲܝܠܐ ܒܐܘܼܪܚܐ ܕܡܸܠܟ̈ܐ ܓܲܒܵܝ̈ܐ ܡܸܬܕܲܪ̈ܟܵܢܹܐ ܘܡܲܨܝܵܢ̈ܐ ܠܪܹ̈ܫܘܵܬܼܐ ܘܝܲܨܝܼܦܘܵܬܼܐ ܘܢܝܼܫ̈ܐ ܓܲܒܵܝ̈ܐ، ܘܡܛܠ ܓܲܒܐ ܝܼܠܹܗ ܡܲܥܒܸܪܵܢܐ(ܐܲܠܡܘܼܥܲܒܸܪ) ܫܲܪܝܼܪܐ ܠܗܸܢܝܵܢ̈ܐ ܘܢܝܼܫ̈ܐ ܕܩܘܼܛܢܐ ܥܲܡܡܵܝܐ ܟܠܹܗ، ܘܡܛܠ ܡܲܡܬܘ̇ܠܹܐ ܝܼܠܹܗ ܪܸܢܝܐ ܟܠܵܢܵܐܝܼܬܼ ܚܫܝܼܚܐ ܝ̄ܠܹܐ ܕܥܵܒܸܕ ܡܗܵܕܝܵܢܘܼܬܼܐ ܠܦܘܼܠܚܵܢܐ ܕܐܵܢ̈ܝܼ ܡܛܵܟܲܣܝܵܬܼܐ ܠܡܲܩܪܵܒܼܬܐ ܕܬܸܫܡܫܬܐ ܠܫܲܪܲܪܬܐ ܕܢܝܼܫܹ̈ܗ ܐܸܣܬܪ̈ܵܬܝܼܓܵܝܹܐ ܕܒܸܥܒܼܵܕܐ ܝ̄ܠܹܗ ܐܵܓܼܘ̇ܢܐ ܡܛܠܵܬܲܝܗܝ̈، ܘܠܹܐ ܫܵܒܸܩ ܕܲܡܫܵܢܝܼ ܥܲܠ ܫܘܼܬܼܐܵܣ̈ܐ ܒܕܘܼܡܝܐ ܕܡܲܟܸܬܒܹ̈ܐ ܬܲܓܵܪ̈ܝܹܐ ܒܡܘܼܠܟܵܢܐ ܕܝܼܠܵܢܵܝܐ ܬܚܘܼܬ ܦܵܩܘ̇ܕܘܼܬܼܐ ܕܚܲܕ̄ܟܡܐ ܦܵܩܘ̇ܕܹ̈ܐ ܓܲܒܵܝ̈ܐ ܠܫܲܪܲܪܬܐ ܕܗܸܢܝܵܢ̈ܐ ܘܝܘܼܬܼܪ̈ܢܹܐ ܦܲܪ̈ܨܘ̇ܦܵܝܹܐ ܐܵܢܵܝ̈ܐ ܥܲܠ ܚܘܼܫܒܘܼܢܝܐ ܕܗܸܢܝܵܢܐ ܕܓܲܒܐ ܘܲܨܒܘܼܬܼܐ ܫܸܪܫܵܝܬܵܗ̇ ܕܒܸܥܒܼܵܕܐ ܝ̄ܠܹܗ ܐܵܓܼܘ̇ܢܐ ܡܛܠܵܬܼܵܗ̇، ܥܲܡ ܦܵܫܵܡܬܐ ܓܘܼܒܼܪܬܐ ܒܐܲܡܪܹ̈ܝܚ ܡܐܲܝܟܼ ܕܝܼܠܲܝܗܝ̈ ܐܲܝܟܸܢܘܵܬܼܐ ܐܸܕܝܘ̇ܡ ܝܵܘܡܐ ܓܵܘ ܓܲܒ̈ܐ ܕܒܸܩܪܵܝܐ ܝܠܲܝܗܝ̈ ܠܓܵܐܢܵܝܗܝ̈ ܡܲܡܬܸܠܵܢ̈ܐ ܕܐܘܼܡܬܵܢ، ܐܝܼܢܐ ܘܵܠܹܐ ܝ̄ܠܵܗ̇ ܠܓܲܒܐ ܘܦܲܩܘ̇ܕܘܼܬܹܗ ܕܡܲܦܠܸܚܝܼ ܠܐܵܢܝܼ ܫܘܼܬܼܐܵܣ̈ܐ ܠܬܸܫܡܫܬܐ ܕܩܘܼܛܢܵܝܗܝ̈ ܘܲܨܒܼܘܼܬܵܝܗܝ̈ ܩܢܛܪܘ̇ܢܵܝܬܵܗ̇ ܕܒܸܩܪܵܝܐ ܝܼܠܲܝܗܝ̈ ܒܐܵܓܼܘ̇ܢܐ ܡܛܠܵܬܼܵܗ̇، ܘܓܵܪܲܓ ܐܵܢ̈ܝܼ ܦܲܪ̈ܨܘ̇ܦܹܐ ܕܒܸܩܝܵܡܐ ܝܼܠܲܝܗܝ̈ ܥܲܠ ܦܵܩܘ̇ܕܘܼܬܼܐ ܕܲܛܘܼܟܵܣ̈ܐ ܕܓܲܒܐ ܒܟܠܲܝܗܝ̈ ܫܲܘܝܘܼܝܵܬܼܵܝܗܝ̈ ܕܠܐ ܗܵܘܝܼ ܐܲܚܟ̮ܝܼ ܫܕܲܬܵܢ̈ܐ ܠܘܵܬܼ ܓܲܒܐ ܕܩܵܝܡܝܼ ܒܘܵܠܝܼܵܬܲܝܗܝ̈ ܓܲܒܵܝ̈ܐ ܐܲܚܟ̮ܝܼ ؛؛ ܐܝܼܢܐ ؛؛؛

ܬܲܪܓܵܡܬܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ


غير متصل خوشابا سولاقا

  • عضو مميز جدا
  • *****
  • مشاركة: 2340
    • مشاهدة الملف الشخصي
الى الأخ والصديق العزيز الكاتب واشاعر والمترجم المتألق الأستاذ عوديشو سادا المحترم
تقبلوا محبتنا مع أطيب تحياتنا
شكراً جزيلاً على ما تبذلونه من جهود في ترجمة بعض مقالاتنا التي نشرناه في هذا الموقع الكريم من اللغة العربية الى لغتنا لغة الأم " اللغة الآشورية " وهذا الجهد نعتبره إغناءً لمكتبتنا لمن لا يجيد اللغة العربية من الأجيال الشابة في المهجر ، جهودكم مشكورة ونعتبرها جميلاً وفضلاً منكم علينا لا ننساها أبداً ، بورك قلمكم وعاشت أناملكم ودمتم والعائلة الكريمة بخير وسلام .

             محبكم أخوكم وصديقكم : خوشابا سولاقا - بغداد 

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
الأستاذ القدير والكاتب الأديب الرائع بكل روائع الأدب النظيف الرصين والذي ستبقى ثقافات الأجيال القادمة لأمتنا الآشورية تتغنى بما ملكه فكرك النير ويراعينك الثقافية الخلاقة من كتابات أدبية بثقافات عالية الجودة. بمختلف شتى المواضيع التي رسمتها أناملك الذهبية في عصرنا المملوء بسعة أفقه من ثقافات وتطورات المجتمعات البشرية بكل صنوفها من تقنيات النيت وغيرها .. كل الحب والتقدير والأحترام الأدبي الأخلاقي والثقافي لمقامك الرفيع في كافة مناحي الفصول والحقول الأدبية الثقافية الراقية رابي خوشابا سولاقاالمحترم .. تحياتي لك وللعائلة الكريمة .. آمين

اخوكم محبكم من القلب
عوديشو سادا البيلاتي
سدني - استراليا