المحرر موضوع: ثوب جدي وثوب أبوي  (زيارة 1116 مرات)

0 الأعضاء و 1 ضيف يشاهدون هذا الموضوع.

غير متصل حامد الجبوري

  • عضو فعال جدا
  • ***
  • مشاركة: 385
    • مشاهدة الملف الشخصي
    • البريد الالكتروني
ثوب جدي وثوب أبوي
« في: 22:31 17/08/2015 »


 ثوب جدي وثوب أبوي


حامد كعيد الجبوري


كالو هدومكم عتيكة
           ومولحت من الشمس
                   ليش ما تلبس جديد
                        الناس بدلت
                              كلشي بدلت
                                    بيوت بدلت
                                           بدلت حتى شكلها
وأنت .........
وانت بعدك عالعتيك
      لبسوا القاط ورباط
              هدومهم من الحرير
                       اتشوفها...
                            تبرج ضوه ...
القاط  بس مره يلبسه ..
                   ومن ينزعه ..
                               عيب ..
                             عيب ينطيه للفقير
                                       المسج فوك هدومه ينثر
                                    وآنه أشم بيها العفن!!!
واعترف...
       اعترف ثوبي عتيك...
            ثوبي أبيض ...
                   أبيض ... وما عندي غيره
                        ورِّث من جدي الأبويه
                           وأبني ينطيه الحفيدي
                                  ابكل صباح الله اغسله
                             وريحته ......
                                      ريحته...
....                                   تراب الوطن
.....                             
ح ا م د
آب 2015 م