الى الـثـورة والـثـوار

[ميسون نعيم الرومي]

الى  الـثـورة والـثـوار
ميسون نعيم الرومي
 
شـَـعـب الـعـراق الـزيـن أهـل الـحـَـمـولـَـه
لو يـتـحـد يـانـاس مـَـحـَّـد يـطـولـَـه
***
كـل إحـنـَـه فـَـد احـزام مـامـش طـوايـف
مـن الـجـَـذر تـَـغـيـيـر مـوش ابـنـصايـف
***
كـل احـنـَـه مـتـَحـْـديـن نـصلـح وَضعـْـنـَـه
صبـَّـه اومـَـسـيـح اسـلام هـالـثـرْنـَـه كـلـْـنـَـه
***
حـرْگـَـوْ عـراق الـخـيـر صارَت ثـبـيـرَه
ثـار الـشـَـعـَـب هـالـيـوم حـَـدَّد مـَـصيـرَه
***
دجـلـَـه اوفـرات اشـلـون بـاعـوهـَـه لـلـجـار
شـَـعـب الـعـراق الـثـار هـالـيـدري بـالـصار
***
شـط الـعـَـرَب بـاعـوه لايـا  شـَـعـَـبـْـنـَـه
هـالـثـرْنـَـه هـذا الـيـوم نـاخـذ ابـحـَـقـنـَـه
****
يـامـَـدْحـَـت الـمـَـحـمـود عـوف الزَعـامـَـه
وابـوَكـتـَـك الـقـانـون ما بـي كـَـرامـَـه
***
شـو سـكـْـتـَـو الحـكـّام سـَـنـْـطـَه اوبـلا حـِـس
جـمـْـعـَه الـتجي وانـصيـح بـَـرَّه اوبـَـعـَـد بـَـسّ
***
يـاخـذ غـَـراضَه ايـريـد لـلجـارَه وايـنـِـسّ
دَوْلـَـه اوبـلا قـانـون بـوگ اوبـلا حـس
***
*يـالأعـْـرَجي الـكـَـرْتـات تـشـهـَـد اديـكـم
هـاي الـفـلـوس امـنـيـن تـمـطـرعـَـلـيـكـم
***
*يـالجـعـفـري الـرادود مانـدري شـتـگـول
افـلـوس الـشـَعـَب هـالـيـوم وابـجـيـبـَـك واتـصول
***
كـِـلـْما تـمـر اسـنـيـن نـبـچـي عـلى الـفـات
ذبـحـونـَـه هـالـظـلّام چـَـنْ ذَبـْـحـَة الشـاة
***
*أحـمـَـد يـبـو الاثـار نـسأل عـَـلـيـهـَـه
انـت الـبـگـتــْه اشـلون يـالـبـعـت بـيـهـَه
***
شـفـتـو قــُـضاة الـيـوم بـالـبـيـعـَة تـهـتـف
والـشـَـعـَـب هالجـوعـان وابـضيـمـَه يـنـْـزف
***
هـذا شـَـعـَـبـنـَـه الـثـار شـعـب الـعـراقـي
يـكـنـس زبـل حـكـام اهـل الشـقـاقِ
***
عـِشـْـنـَه عـقـود اهـواي نـمـشـي عـلى الـراگ
نـتــْـسَـتـر اعـلـَه الـخـان والـنـِـهـَـب والـبـاگ
***
يـهـتـف يــريـد اصلاح ثـايـر شـَـعـَـبـنـه
مـايـرضـَـه بـالـتـَـرگـيـع صافـي نـَـبـعـْـنـَـه
***
شــيـب اوبـَـنـات اولاد ثـورَة بـلادي
هـالـسـاحـَة الـتـحـريـر الـكـم تـنـادي
***
*رمـْـزَك يـبـو الـثـوّار يـتـْحـَـدَّه الازمان
وابـساحـَة الـتـَحـريـر هـالـنـصب عـنـوان
-------------------------------------------------------------------
*يـالأعـْـرَجي:- بهاء الأعرجي
*الجعفري :-ابراهيم الجعفري
*أحـمـَـد:- احمد عبد الهادي الجلبي
*رمـْـزَك يـبـو الـثـوّار:- الزعيم عبد الكريم قاسم ورمز الحرية في ساحة التحرير
--------------------------------------------------------------------------------------
22/ آب/2015

[Odisho Youkhanna]

هـذا شـَـعـَـبـنـَـه الـثـار شـعـب الـعـراقـي
يـكـنـس زبـل حـكـام اهـل الشـقـاقِ
***
عـِشـْـنـَه عـقـود اهـواي نـمـشـي عـلى الـراگ
نـتــْـسَـتـر اعـلـَه الـخـان والـنـِـهـَـب والـبـاگ
***
يـهـتـف يــريـد اصلاح ثـايـر شـَـعـَـبـنـه
مـايـرضـَـه بـالـتـَـرگـيـع صافـي نـَـبـعـْـنـَـه
***
شــيـب اوبـَـنـات اولاد ثـورَة بـلادي
هـالـسـاحـَة الـتـحـريـر الـكـم تـنـادي
***
*رمـْـزَك يـبـو الـثـوّار يـتـْحـَـدَّه الازمان
وابـساحـَة الـتـَحـريـر هـالـنـصب عـنـوان

[ميسون نعيم الرومي]

الأستاذ اوديشو يوهنا المحترم
تحية طيبة
الف شكر لمروركم الكريم
اسعدني اختياركم للأبيات
دمت اخا عزيزا من وطني
ميسون نعيم الرومي

[نـور]

شكـــرا علــى ,,النـقــل