مانـتــْـراجـَـع


المحرر موضوع: مانـتــْـراجـَـع  (زيارة 1220 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 498
    • مشاهدة الملف الشخصي
    • البريد الالكتروني
مانـتــْـراجـَـع
« في: 11:32 25/08/2015 »

مانـتــْـراجـَـع


ميسون نعيم الرومي
 
مانـتــْـراجـَع لالـَـه اولا
نـهـْـتـف كـلـنـَـه
شـيـعـَـه اوسـنـَّـه
يـومـيـّـه اونـتـظاهـَـر كـل يـوم
احـكـومـَـة تـَـرْگـيـع اوصَح الـنـوم
فسّاد اتـْـكـَـوْمـَـوْ بـالـكـوم
اعـْـمـامـَه اوسـبـْحـَه
ديـنـَـه ابـربـحـَـه
هـالـجـاع الـشـَـعـب الـمـَـظـلـوم
مانـتــْـراجـَع لالـَـه اولا
***
ابـسـاحـَة تـَحـْـريـر احـْـنـَـه انـادي
اوزاره انـسـَـقـط
شـَـعـْـب اويـشـرط
اسـمـَـع زيـن اهـْـلا (يـعـبـادي)
ارجـال ابـشـَـعـْـبـَـك كـلهـَـه اشـدادِ
يـحـمي ظـَهـْـرَك  شـَـعـب ابـلادي
اضرب نـَـفـذ
صيـر الـمـنـقـذ
اعـراقي اتـحـَـوَّل كـلـَّـه ارمادي
مانـتــْـراجـَع لالـَـه اولا
***
وَطـَـن الـبـاعـَـه اوسـاوَم بـيـه
بـاچـر عـگـْـبـَـه
يـلحـَـگ رَبـْـعـَـه
مـَـزبـَـلـتـَـه الـيـوم اتـانـيـه
مـَحـْـكـَـمـْة الـشـَـعـب اتـربـيـه
سـجـن اعـقـوبـَـه امأبـَّـد لـيـه
شـَـعـب الـثـائـر
هـسـَّـه اوبـاچـر
بـالـروح اعـراقـي اونـحـمـيـه
مـانـتـراجـَع لالـه اولا
---------------------------------------------------------------
25 / آب / 2015
ســــــــــــــــتوكهولم
 








غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39378
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
رد: مانـتــْـراجـَـع
« رد #1 في: 04:45 31/12/2015 »
شكـــرا علــى ,,النـقــل