بخصوص الكفاله الكناءسيه او الخماسيه

[نوووور]

السلام عليكم
نويت ان اسافر الى تركيا والتقديم على الكفاله الكناءسيه بس عندي كم استفسار باه زحمه عليكم الي عنده جواب يكدر يفيدني:
اني زوجي عسكري سابق ورتبته كان عقيد مهندس وبعد السقوط طلعوهم تقاعد فهل ياترى يوافقون لو لا
الكفاله اي المبلغ الي يوضع وديعه حسب مفتهمت تختلف من مكان الى اخر بس كمعدل هل ياخذون عل العائله لو على كل شخص وتقريبا شكد
وحسب معرفنا بان الحكومه الكنديه مسهله الاجراءات العراقيين والسوريين وحسب معرفت بانه سنه كامله تكون المصاريف علينه وبعدين نكون حالنه حال البقيخ بس بالنسبه للاطفال ومدارسهم هم بعد سنه ياه لو نسجلهم على حسابنه لو سنو
فارجو الرد

[outtoother]

 اختي الموضوع المادي لازم تأخذين المعلومات من المنظمة التي راح تنفذ الكفالة و لايوجد اي قياس لهذا الموضوع
بالنسبة للمدارس و كارت الصحي يعني كارت مراجعة الطبيب و( لايشمل كلفة الدواء من الصيدلية ) فهو يشمل اصحاب الكفالة من اول ما يوصل داخل كندا بالاضافة الى مبلغ التاكسات ( يعني حصة الأطفال من الضرائب ) سوف تحصلون عليها ايضا و بأثر رجعي من تاريخ حصولكم على قرار القبول الكندي
تحياتي

[نوووور]

شكرا الك اخouttoother بس محد يكدر يجاوبني بخصوص عمل زوجي كون عسكري سابق لان الي اسمعه انهم لايقبلون ولايرحبون بالضباط فما اعرف شنو الحل يصير ميذكر انه كان ضابط وهل يوجد تدقيق على هذا الموضوع قصدي هم من خلال الامنيات يعرفون هو ضابط لو شنو والله مادري احتاريت والله ان شاء الله ميحير عبيده

[outtoother]

اختي بالاستمارة اكو حقول تخص الخدمة العسكرية و من ضمنها يأخذون دفتر الخدمة اصوروه من الغلاف الى الغلاف و من خلال العمر راح يعرفون هذا الشخص بزمن الحروب شكل جان عمره ، و اذا كلهم ماعندي دفتر خدمة لو ضايع فراح أشمون بيه اكثر لان ماكو احد ماعنده دفتر خدمة
بس حسب علمي انه اليو ان هو ما يحبذ العسكرين بس نظام الكفالة ما اعتقد الموضوع مهم
لان أني عندي عائلتين أقربائي أجلهم رفض باليو ان بسبب العسكرية و بعد الرفض اتجهو الى نظام الكفالة و مشت امورهم و هما هسة بكندا
بس ارجع واكول كلشي بيد رب العالمين و كل واحد و قسمته
و الله يسهل كل اموركم
تحياتي

[ahmed842013]

شكد تكول الكنائسيه من عمان؟؟

[sahir madalo]

السلام  عليكم
انا كنت بين عام 2007 - 2009 في السويد ومقدم على اللجوء واجاني رفض ورجعت للعراق
هل اذكر في فورمات الكفاله الكنسيه عن معامله اللجوء في السويد ام لا ؟ لان اكو فقرة يسأل فيها اذا تقدمت باللجوء في مفوضيه الامم واي دوله اخرى ؟
ارجو مساعدتكم بالموضوع وهل يؤثر على المعامله الكنسيه .. وشكرا

[outtoother]

اخي العزيز
بالسويد انت رجعت لو الشرطة رجعتك قسري
وهل عندك جواز مبين كنت بالسويد او وجعت منها
وهل من رجعت بال ٢٠٠٩ الى العراق بقيت بالعراق لو رحت لغير مكان
وهل عندك بصمات بغير دولة
علما انه في الوقت الحاضر تم استثناء العراقيين و السوريين من ورقة الاعتراف كلاجئ خلال التقديم على معاملة الكفالة

تحياتي

[sahir madalo]

شكرا اخي العزيز على الرد
في 2009 وبعد الرفض الاولي قدمت لدائرة الهجرة على الرجوع الطوعي
ورجعونه بجواز s مختوم من مطار ستولكهوم الي العراق
نعم رجعت للعراق بس انفصلت من العمل الذي كنت فيه
ماعندي بصمات فقط عندما قدمت بالسويد  اخذو كل البصمات لانني طالب لجوء
اذا ذكرت الفترة الي كنت بيها في السويد ومعامله اللجوء هل يؤثر على الكفاله الكنسيه

[نوووور]

بالنسبه لاستثناء العراقيين والسوريين من ورقه اللجوء يعني الواحد من يروح لتركيا نهائيا ميروح لليو ان ويقدم لو شنو
يعني بهيج حاله يكدر يسكن باي مكان هو يختاره مو اليو ان مختاره لان هو اصلا مراح لليو ان بس تبقه شغله بقاء بتركيا يعني الاقامه شلون يحصلها يصير عن طريق تسجيل الاولاد في المدارس لو باي طريقه يحصل الاقامه؟؟؟؟