الى شهرزاد


المحرر موضوع: الى شهرزاد  (زيارة 1002 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
الى شهرزاد
« في: 18:35 09/11/2015 »
الى شهرزاد
الى روح بنت خالي شهرزاد اهدي هذه الأبيات

ميسون نعيم الرومي

 
اتحـومي عـَـلـيـنـَـه لـيـش ؟ غـَـمـَّـك يـهـالـمـوت
تـاخـذ عـزيـز الرّوح ! ابـغـَـفـْـلـَه بـَـسـكـوتْ
***
رحـتي ابـعـَـجـَـل يـاحـيـف بـت خالي ! مالـچ؟
اســـــأل وادور اعـلـيـچ فـارغ مـكـانـچ
***
مـسـتـَـعـْجـِـلـَـه ! چـا لـيـش ! ( شهرزاد ) اخـتي
مـن بـيـن اديـنـَـه ابـسـاع غـبـتي اورحـَـلـتـي
***
چـَم لـَچـْمـَه بـيـهـَه الـروح لـَچـْمـَه اعـْلـَه لـَچـْمـَه
گـالـولي سـَـهـْـمـَـك هـاذ ! والـدنـيـه  قـِسـْـمـَه
***
سـمـفـونـي اسـمـچ هـاذ واخـتـارَه خـالـي
رحـتـي ابـعـَـجـَـل چـا لـيـش شـَـلـيـتـي حـالـي
***
( شـهـرزاد ) الإسـم و الإسـم مـَـحـبـوب
نـبـچـي عـَـلـيـچ ادمـوم والـگـَـلـب مـَـصيـوب
***
چـيـلـَه اسـكـنـَـت بـالـروح مـن گـلي (ثـائـر)*
هـذا الـمـَـصاب امـصاب خـَـلاّني حـايـر
***
دَخـْلـچ يـدنـيـه اوبـَـسْ والـمـوتـَـه شـَـهـْگـَـه
ماتـنـْحـِمـل يـاروح ! دَگــَّـه اعـْـلـَه دَگــَّـه
***
صوتـچ ربـابـَـه اونـاي واحـبـَـيـبـَـه انـتِ
رقــَّـه اوعـذوبـَـه اوطيـب وابـغـَـفـْـلـَـه رحـَـتي
***
حـزن الأحـِـبـَّـه احاه ! يـچـوي بـِلــِضلـوع
ظـَـلـْمـَه اصبـَحـَـت لـبـيـوت ماتـنـفـَع اشـمـوع
***
كـل احـنـَـه هـالـنـبـچـيـچ ماظـَـلـَّـت اعـيـون
الـصَبـر لـلحـَـبـوچ .. وابـگـَـلـبـَه چـانـون
***
افـراگ الأحـِـبـَّـه ايـصيـر بـالگـَـلـب غـَـصـَّـه
محـْبـَـس شـَـذر بـالإيـد يـبـچـي اعـْـلـَه فـصـّه
***
*ماكـو شـِـعـر يـوفـيچ ( أم شـذى ) اعـيـوني
(مازن) يـصيـح اعـلـيـچ ! مـاودعـوني
***
*( فـاتـن ) : يـَـخـَـيـتي اوآخ جـَـرْحِـچ كـتـَـلـني
رمـح الإجـاچ ابــساع بـالگــَــلـِب شـَـچـّـنـي
***
*أم ســَـعـَـد خالـَه(ابـدور)اشـلون؟صعـبـَه المصيـبـَه
خـالـَـه الـيـروح الـيـوم مـنـهـو الـيـجـيـبـَه
***
 (ام شــذى) .. خالي الـيـوم يـمـّـك اجـَـتــَّـك
رَحـْـمـَه الـكـم الإثـنـيـن والأمي اخـتـك
***
-----------------------------------------------------------------
* ثـائـر:- الأديب ثائر صالح اخ المرحومة شهرزاد
*( فـاتـن ):- ام دنيا اخت المرحومة شهرزاد
*شذى ومازن :-أبنة وابن المرحومة شهرزاد
*أم ســَـعـَـد خالـَه(ابـدور):- والدة المرحومة شهرزاد
--------------------------------------------------------------
8 / نوفمبر/2015
ســــــــــــتوكهولم
 
 
 
 
 






غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39378
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
رد: الى شهرزاد
« رد #1 في: 04:28 31/12/2015 »
شكـــرا علــى ,,النـقــل